സംസ്ഥാനത്ത് 11 പ്രദേശങ്ങള് കൂടി ഹോട്ട്സ്പോട്ടില്;16 പ്രദേശങ്ങളെ ഒഴിവാക്കി
തിരുവനന്തപുരം: കേരളത്തില് കൊവിഡ് ആശ്വാസമില്ല. ഇന്ന് 1251 പേര്ക്ക് കൂടി കൊവിഡ്-19 സ്ഥിരീകരിച്ചു.ഇന്ന് സംസ്ഥാനത്ത് 11 പ്രദേശങ്ങളെയാണ് പുതുതായി ഹോട്ട്സ്പോട്ട് പട്ടികയില് ഉള്പ്പെടുത്തിയിട്ടുള്ളത്. ആലപ്പുഴ ജില്ലയിലെ ചെട്ടികുളങ്ങര (കണ്ടൈന്മെന്റ് സോണ് വാര്ഡ് 1, 21), തൃക്കുന്നപ്പുഴ (15), അമ്പലപ്പുഴ നോര്ത്ത് (12), അരൂക്കുറ്റി (7), കഞ്ഞിക്കുഴി (18), തൃശൂര് ജില്ലയിലെ കണ്ടാണശേരി (1), പടിയൂര് (1, 7, 8), വയനാട് ജില്ലയിലെ കല്പ്പറ്റ മുന്സിപ്പാലിറ്റി (9, 25), കോഴിക്കോട് ജില്ലയിലെ തലക്കുളത്തൂര് (10), പത്തനംതിട്ട ജില്ലയിലെ വള്ളിക്കോട് (5), എറണാകുളം ജില്ലയിലെ കവളങ്ങാട് (9) എന്നിവയാണ് പുതിയ ഹോട്ട് സ്പോട്ടുകള്.
16 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. കോട്ടയം ജില്ലയിലെ പുതുപ്പള്ളി ( കണ്ടൈന്മെന്റ് സോണ് വാര്ഡ് 14), കുമരകം (10, 11), അയ്മനം (14), നീണ്ടൂര് (8), ഇടുക്കി ജില്ലയിലെ മരിയാപുരം (7), കാമാക്ഷി (10, 11, 12), കൊന്നത്തടി (1, 18), വണ്ടന്മേട് (2, 3), കൊല്ലം ജില്ലയിലെ ശാസ്താംകോട്ട (2, 3, 8), ചിതറ (എല്ലാ വാര്ഡുകളും), വെളിയം (13, 14, 16, 17, 18), തൃശൂര് ജില്ലയിലെ വെങ്കിടങ്ങ് (10, 11), മതിലകം (1), പത്തനംതിട്ട ജില്ലയിലെ പ്രമാടം (19), മെഴുവേലി (4), എറണാകുളം ജില്ലയിലെ ഉദയംപേരൂര് (6) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. ഇതോടെ നിലവില് 506 ഹോട്ട് സ്പോട്ടുകളാണുള്ളത്.
ഇതൊടൊപ്പം കല്പ്പറ്റ ചെറിയ പള്ളിയില് പെരുന്നാള് നമസ്കാരത്തില് കോവിഡ് രോഗി പങ്കെടുത്തതായി സംശയിക്കുന്ന സാഹചര്യത്തില് നമസ്കാരത്തില് പങ്കെടുത്തവരോട് ക്വാറന്റൈനില് പോകാന് അധികൃതര് നിര്ദേശം നല്കി.മുപ്പതോളം പേര് പെരുന്നാള് പ്രാര്ത്ഥനയില് പങ്കെടുത്തതായാണ് പ്രാഥമികമായി ലഭിച്ച വിവരം. പള്ളിയില് സൂക്ഷിച്ച രജിസ്റ്ററില് നിന്നും നമസ്കാരത്തില് പങ്കെടുത്തവരെ കണ്ടെത്താന് ശ്രമം തുടങ്ങിയിട്ടുണ്ട്.
സംസ്ഥാനത്ത് തിരുവനന്തപുരം ജില്ലയില് നിന്നുള്ള 289 പേര്ക്കും, കാസര്ഗോഡ് ജില്ലയില് നിന്നുള്ള 168 പേര്ക്കും, കോഴിക്കോട് ജില്ലയില് നിന്നുള്ള 149 പേര്ക്കും, മലപ്പുറം ജില്ലയില് നിന്നുള്ള 143 പേര്ക്കും, പാലക്കാട് ജില്ലയില് നിന്നുള്ള 123 പേര്ക്കും, എറണാകുളം ജില്ലയില് നിന്നുള്ള 82 പേര്ക്കും, ആലപ്പുഴ ജില്ലയില് നിന്നുള്ള 61 പേര്ക്കും, വയനാട് ജില്ലയില് നിന്നുള്ള 55 പേര്ക്കും, പത്തനംതിട്ട ജില്ലയില് നിന്നുള്ള 39 പേര്ക്കും, കോട്ടയം ജില്ലയില് നിന്നുള്ള 37 പേര്ക്കും, കൊല്ലം ജില്ലയില് നിന്നുള്ള 36 പേര്ക്കും, തൃശൂര് ജില്ലയില് നിന്നുള്ള 33 പേര്ക്കും, ഇടുക്കി ജില്ലയില് നിന്നുള്ള 23 പേര്ക്കും, കണ്ണൂര് ജില്ലയില് നിന്നുള്ള 13 പേര്ക്കുമാണ് ഇന്ന് രോഗം സ്ഥിരീകരിച്ചത്.
Click it and Unblock the Notifications
Sign in with Google