തൊഗാഡിയയെ പിണറായിപ്പോലീസിന് പേടി..!! പിടികിട്ടാപ്പുള്ളിയെ കണ്ടെത്താനായില്ലെന്ന്..!!
കാഞ്ഞങ്ങാട്: മതവിദ്വേഷ പ്രസംഗം നടത്തിയ കേസില് പ്രതിയാ വിശ്വഹിന്ദു പരിഷത്ത് ദേശീയ ജനറല് സെക്രട്ടറി പ്രവീണ് തൊഗാഡിയയെ പിടകൂടാത്തതില് പോലീസിന് കോടതിയുടെ വിമര്ശനം. പ്രതിയെ കോടതിയില് ഹാജരാക്കുന്നതില് പോലീസ് വീഴ്ചവരുത്തിയതിനെ തുടര്ന്നാണ് ജുഡീഷ്യല് ഒന്നാം ക്ലാസ്സ് മജിസ്ട്രേറ്റ് എം ബാലകൃഷ്ണന് പോലീസിനെ വിമര്ശിച്ചത്. തൊഗാഡിയ എവിടെയെന്നത് സംബന്ധിച്ച് വിവരമില്ല എന്നായിരുന്നു പോലീസ് റിപ്പോര്ട്ട്.
രാജ്യം മുഴുവന് അറിയുന്ന ഒരു നേതാവിനെ കണ്ടെത്താന് സാധിക്കുന്നില്ല എന്ന പോലീസ് റിപ്പോര്ട്ട് വിശ്വസിക്കാന് ബുദ്ധിമുട്ടുണ്ടെന്നും കോടതി വ്യക്തമാക്കി. ഇക്കാര്യത്തില് അന്വേഷണ ഉദ്യോഗസ്ഥന് നേരിട്ടെത്തി വിശദീകരണം നല്കണം എന്നും കോടതി നിര്ദേശിച്ചിട്ടുണ്ട്.
മതവിദ്വേഷമുണ്ടാക്കുന്ന പ്രസംഗം നടത്തിയെന്ന കേസില് തൊഗാഡിയയെ നേരത്തെ തന്നെ ഹൊസ്ദുര്ഗ് കോടതി പിടികിട്ടാപ്പുള്ളിയായി പ്രഖ്യാപിച്ചിട്ടുണ്ട്. 2011 ഏപ്രില് 30ന് കാഞ്ഞങ്ങാട് വ്യാപാരിഭവന് ഓഡിറ്റോറിയത്തില് വെച്ചാണ് തൊഗാഡിയ വിവാദ പ്രസംഗം നടത്തിയത്. ഭാരതത്തെ ഹിന്ദുരാഷ്ട്രമായി പ്രഖ്യാപിക്കാനുള്ള ദൗത്യം ഏറ്റെടുക്കണമെന്ന് പ്രസംഗത്തില് തൊഗാഡിയ ആവശ്യപ്പെട്ടു.വിവാദമായതോടെ പോലീസ് സ്വമേധയ കേസെടുക്കുകയായിരുന്നു.