ശിവശങ്കറിന് ജാമ്യമില്ല; കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്ന് കസ്റ്റംസ്
കൊച്ചി: സ്വര്ണക്കടത്തുമായി ബന്ധപ്പെട്ട കസ്റ്റംസ് കേസില് എം ശിവശങ്കര് നല്കിയ ജാമ്യാപേക്ഷ കോടതി തള്ളി. എറണാകുളം സാമ്പത്തിക കുറ്റവിചാരണ കോടതിയാണ് അപേക്ഷ തള്ളിയത്. കള്ളക്കടത്തില് ശിവശങ്കറിന് പ്രഥമദൃഷ്ട്യാ പങ്കുണ്ടെന്നാണ് കോടതിയുടെ നിരീക്ഷണം. എറണാകുളം എസിജെഎം കോടതിയുടേതാണ് ഉത്തരവ്.
ശിവശങ്കര് നടത്തിയ വിദേശ യാത്രകള് ചൂണ്ടിക്കാണിച്ചുകൊണ്ടായിരുന്നു കസ്റ്റംസ് ശിവശങ്കറിന്റെ ജാമ്യാപേക്ഷക്കെതിരെ കോടതിയില് വാദം ഉയര്ത്തിയത്. ഏഴു തവണ നടത്തിയ യാത്രകളുടെ ചിലവുകള് സ്വയം വഹിച്ചതാണെന്നാണ് ശിവശങ്കര് മൊഴി നല്കിയിരിക്കുന്നത്. ഇത് എന്തിനാണെന്ന് വ്യക്തമാക്കണമെന്നും ഗൂഢാലക്ഷ്യങ്ങള് പുറത്തുവരാനുണ്ടെന്നും കസ്റ്റംസ് കോടതിയില് വാദിച്ചു.
ശിവശങ്കറിനെതിരെ
കൂട്ടു
പ്രതികളുടെ
മൊഴിയുണ്ട്.
ഉന്നത
വ്യക്തികള്ക്ക്
കുറ്റകൃത്യത്തില്
പങ്കുണ്ടെന്ന്
വ്യക്തമാണ്.
പ്രതികളുടെ
രഹസ്യമൊഴിയിലും
ഉന്നത
വ്യക്തികളുടെ
സ്വാധീനം
വെളിവാക്കുന്നു.
മറ്റ്
പ്രതികളുടെ
മൊഴി
മാത്രാമാണ്
തനിക്കെതിരെയുള്ളതെന്ന
ശിവശങ്കറിന്റെ
വാദം
നിലനില്ക്കില്ലെന്നും
കോടതി
പറഞ്ഞു.
അന്വേഷണുവുമായി
ശിവശങ്കര്
സഹകരിക്കുന്നുല്ലേയെന്ന്
വ്യക്തമാക്കണമെന്നും
കോടതി
ഉത്തരവിലുണ്ട്.
അതോ
സമയം
തന്റെ
കക്ഷിക്കെതിരെ
ഒരു
തെളിവും
കസ്റ്റംസിന്
ലഭിച്ചിട്ടില്ലെന്നും
ആരോഗ്യപ്രശ്നങ്ങള്
മൂലം
ബുദ്ധിമുട്ടുന്നതിനാല്
ജാമ്യം
അനുവദിക്കണമെന്നും
ശിവശങ്കറിന്റെ
അഭിഭാഷകന്
കോടതിയില്
അഭ്യര്ഥിച്ചു.
കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ശക്തമായ തെളിവുകള് ലഭിച്ചിട്ടുണ്ടെന്നും കസ്റ്റംസ് പറയുന്നു. യുഎഇയുമായുള്ള ബന്ധത്തെ പോലും ബാധിച്ച കേസാണിതെന്നും കസ്റ്റംസ് പറയുന്നു. ശിവശങ്കറിന് ജാമ്യം അനുവദിച്ചാല് സാക്ഷികളെ സ്വാധീനിക്കാനും തെളിവ് നശിപ്പിക്കാനും സാധ്യതയുണ്ടെന്നായിരുന്നു കസ്റ്റംസ് വാദം. 2015 മുതല് ആേരോഗ്യപ്രശ്നമുണ്ടെന്ന് പറയുന്ന ശിവശങ്കര് പിന്നെ എങ്ങനൊണ് വിദേശയാത്രകള് നടത്തിയതെന്നും കസ്റ്റംസ് കോടതിയില് ചോദിച്ചു.
Recommended Video