സ്വപ്നയുടെ രഹസ്യമൊഴി വേണമെന്ന് ക്രൈംബ്രാഞ്ച്; ആവശ്യം തള്ളി കോടതി
തിരുവനന്തപുരം; സ്വർണക്കടത്ത് കേസ് പ്രതി സ്വപ്ന സുരേഷിന്റെ രഹസ്യമൊഴിയുടെ പകർപ്പ് വേണമെന്ന ക്രൈംബ്രാഞ്ച് ആവശ്യം തള്ളി കോടതി. രഹസ്യമൊഴിയുടെ പകര്പ്പ് അന്വേഷണം പൂര്ത്തിയാകാതെ ആര്ക്കും നല്കാനാവില്ലെന്ന് കോടതി വ്യക്തമാക്കി. മൊഴിപ്പകർപ്പു വേണമെന്ന് ആവശ്യപ്പെട്ട് കഴിഞ്ഞ ദിവസം ക്രൈംബ്രാഞ്ച് നൽകിയ അപേക്ഷയിലാണ് എറണാകുളം പ്രിൻസിപ്പൽ സെഷൻസ് കോടതിയുടെ ഉത്തരവ്.
സ്വപ്ന രഹസ്യമൊഴി നല്കിയതിന് പിന്നില് ഗൂഢാലോചന ഉണ്ടെന്നായിരുന്നു ക്രൈംബ്രാഞ്ച് കോടതിയിൽ വാദിച്ചത്. ഇതുമായി ബന്ധപ്പെട്ട കേസ് കന്റോൺമെന്റ് പോലീസ് സ്റ്റേഷനിൽ രജിസ്റ്റർ ചെയ്തിട്ടുണ്ടെന്നും ക്രൈംബ്രാഞ്ച് കോടതിയെ അറിയിച്ചു. ഗൂഢാലോചന സംബന്ധിച്ച തെളിവുകൾ പുറത്തു കൊണ്ടുവരാൻ രഹസ്യമൊഴി പരിശോധിക്കണമെന്നും ക്രൈംബ്രാഞ്ച് വ്യക്തമാക്കി.
എന്നാൽ ക്രൈംബ്രാഞ്ച് ആവശ്യപ്പെട്ട സ്വപ്നയുടെ അഭിഭാഷകൻ ശക്തമാി എതിർത്തു. ഇഡി രജിസ്റ്റര് ചെയ്ത കേസിലാണ് രഹസ്യമൊഴി നല്കിയിരിക്കുന്നതെന്നും ഈ കേസിലെ അന്വേഷണ ഏജന്സി ഇഡിയാണെന്നും അദ്ദേഹം കോടതിയില് പറഞ്ഞു.ക്രൈം ബ്രാഞ്ചിന് രഹസ്യമൊഴി നൽകരുതെന്ന് ഇ ഡിയുടെ അഭിഭാഷകനും കോടതിയിൽ ആവശ്യപ്പെട്ടിരുന്നു. കേസിൽ ഇതുവരെ അന്വേഷണം പൂർത്തിയാകാത്ത സാഹചര്യത്തിൽ മൊഴി പകർപ്പ് ആർക്കും നൽകാനാവില്ലെന്നും ഇഡി അഭിഭാഷകൻ കോടതിയെ അറിയിച്ചു.
'പൂവ് പോലെ സുന്ദരി, അല്ല പൂമ്പാറ്റ പോലെന്ന് ആരാധകർ';വൈറലായി മാളവികയുടെ ചിത്രങ്ങൾ
Click it and Unblock the Notifications
Sign in with Google