ഇതരസംസ്ഥാനങ്ങളിൽ നിന്ന് കേരളത്തിലേക്ക് വരുന്നവർക്ക് 14 ദിവസം ക്വാറന്റീൻ നിർബന്ധം;രജസിട്രേഷനും തുടരും
തിരുവന്തപുരം; മറ്റ് സംസ്ഥാനങ്ങളിൽ നിന്ന് കേരളത്തിൽ എത്തുന്നവർക്ക് ക്വാറന്റീനും ഓൺലൈൻ രജിസ്ട്രേഷനും തുടരും. കൊവിഡ് കേസുകൾ ഉയരുന്ന സാഹചര്യത്തിലാണ് സംസ്ഥാന സർക്കാരിന്റെ തിരുമാനം. അൺലോക്ക് നാലാം ഘട്ടത്തിന്റെ ഭാഗമായി ഇതര സംസ്ഥാനങ്ങളിലേക്കുള്ള യാത്രയ്ക്ക് പാസ് ഉൾപ്പെടെയുള്ള നിബന്ധനകൾ കേന്ദ്രസർക്കാർ പിൻവലിച്ചിരുന്നു.
കൊവിഡ് ജാഗ്രത പോർട്ടലിൽ രജിസ്ട്രേഷൻ തുടരും. മാത്രമല്ല 14 ദിവസം ക്വാറന്റീനും നിർബന്ധമായി പാലക്കണം. സംസ്ഥാനത്ത് 7 ദിവസമോ അതിൽ താഴെയോ ദിവസത്തേക്ക് സന്ദർശനം നടത്തുന്നവർക്ക് ക്വാറന്റീൻ നിർബന്ധമില്ല. എന്നാവൽ മറ്റ് സംസ്ഥാനങ്ങളിൽ ഹ്രസ്വ സന്ദർശനം നടത്തി മടങ്ങുന്നവർ നിർബന്ധമായും 14 ദിവസം ക്വാറന്റീനിൽ തുടരണം.
Recommended Video
യാത്രക്കാരുടെ വിവരങ്ങൾ അറിയാനും ക്വറന്റീൻ ഉറപ്പുവരുത്താനും മാത്രമാണ് രജിസ്ട്രേഷനെന്നും യാത്രാനുമതി തേടേണ്ടതില്ലെന്നും ദുരന്ത നിവാരണ വകുപ്പ് അറിയിച്ചു. പോർട്ടലിൽ രജസ്റ്റർ ചെയ്യാത്തവർക്ക് അതിർത്തിയിൽ പേര് വിവരങ്ങൾ നൽകണം.
കേരളത്തിൽ കൊവിഡ് കേസുകൾ നിലവിൽ 21,923 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. ഇന്നലെ 1547 പേർക്കാണ് രോഗം സ്ഥിരീകരിച്ചത്. തിരുവനന്തപുരം ജില്ലയില് നിന്നുള്ള 228 പേര്ക്കും, കോഴിക്കോട് ജില്ലയില് നിന്നുള്ള 204 പേര്ക്കും, ആലപ്പുഴ ജില്ലയില് നിന്നുള്ള 159 പേര്ക്കും, മലപ്പുറം ജില്ലയില് നിന്നുള്ള 146 പേര്ക്കും, കോട്ടയം ജില്ലയില് നിന്നുള്ള 145 പേര്ക്കും, കണ്ണൂര് ജില്ലയില് നിന്നുള്ള 142 പേര്ക്കും, എറണാകുളം ജില്ലയില് നിന്നുള്ള 136 പേര്ക്കും, തൃശൂര് ജില്ലയില് നിന്നുള്ള 121 പേര്ക്കും, കാസര്ഗോഡ് ജില്ലയില് നിന്നുള്ള 88 പേര്ക്കും, കൊല്ലം ജില്ലയില് നിന്നുള്ള 81 പേര്ക്കും, വയനാട് ജില്ലയില് നിന്നുള്ള 38 പേര്ക്കും, പാലക്കാട് ജില്ലയില് നിന്നുള്ള 30 പേര്ക്കും, പത്തനംതിട്ട ജില്ലയില് നിന്നുള്ള 17 പേര്ക്കും, ഇടുക്കി ജില്ലയില് നിന്നുള്ള 12 പേര്ക്കുമാണ് രോഗ ബാധ സ്ഥിരീകരിച്ചത്.
Click it and Unblock the Notifications
Sign in with Google