കേരളത്തില് കൊവിഡ് പരിശോധന മികച്ചതായതിനാലാണ് കേസുകളും കൂടുന്നത്: വീണ ജോര്ജ്
തിരുവനന്തപുരം: രാജ്യത്ത് കൊവിഡ് ടെസ്റ്റുകള് ഏറ്റവും അധികം നടക്കുന്ന സംസ്ഥാനം കേരളമാണ് എന്ന് ആരോഗ്യമന്ത്രി വീണ ജോര്ജ്. അതിനാല് തന്നെ സംസ്ഥാനത്ത് കൊവിഡ് കേസുകള് കൂടുന്നത് സ്വാഭാവികമാണെന്നും വീണ ജോര്ജ് കൂട്ടിച്ചേര്ത്തു. രാജ്യത്ത് ആദ്യമായി കൊവിഡും ജെ എന് വണ് വകഭേദവും സ്ഥിരീകരിച്ചത് കേരളത്തിലാണ്. ഇത് ഇവിടുത്തെ സംവിധാനം എത്രത്തോളം മികച്ചതാണ് എന്നാണ് വ്യക്തമാക്കുന്നത് എന്നും മന്ത്രി പറഞ്ഞു.
ഇന്ത്യയുടെ പലഭാഗങ്ങളിലും പുതിയ വകഭേദമുണ്ടെങ്കിലും കേരളം ആദ്യമായി ഓള്ജീനോമിക് സീക്വന്സിലൂടെ ഇത് കണ്ടുപിടിക്കുകയായിരുന്നു എന്നും വീണ ജോര്ജ് വ്യക്തമാക്കി. അതും ഡിസംബറിലെ സാംപിളില് അല്ലായിരുന്നു എന്നും മറിച്ച് കൊവിഡ് കേസുകള് ചെറുതായി കൂടുന്നത് കണ്ടപ്പോള് നവംബറില് തന്നെ എടുത്ത സാംപിളിലായിരുന്നു എന്നും മന്ത്രി ചൂണ്ടിക്കാട്ടി.
നിലവില് കൊവിഡ് സംബന്ധിച്ച പ്രോട്ടോക്കോള് ഉണ്ട്. പുതിയ സാഹചര്യത്തില് പ്രായമായവര്, ഗര്ഭിണികള്, അനുബന്ധരോഗങ്ങള് ഉള്ളവര് എന്നിവര് പ്രത്യേകം ശ്രദ്ധിക്കണം എന്നും മന്ത്രി വ്യക്തമാക്കി. അതേസമയം ജെ എന് വണ്ണിന്റെ വ്യാപനശേഷി കൂടുതലാണെങ്കിലും ഗുരുതരാവസ്ഥയിലേക്ക് പോകാനിടയില്ല എന്നും വീണ ജോര്ജ് കൂട്ടിച്ചേര്ത്തു. എന്നാല് ജാഗ്രത കൈവിടാന് പാടില്ല എന്നും മന്ത്രി പറഞ്ഞു.
സെപ്തംബറില് അമേരിക്കയിലാണ് ജെ എന് വണ് വകഭേദം ആദ്യമായി കണ്ടെത്തിയത്. തുടര്ന്ന് ചൈനയിലും യു കെ, ഐസ്ലന്ഡ്, സ്പെയിന്, പോര്ച്ചുഗല്, നെതര്ലന്റ്സ് തുടങ്ങിയ രാജ്യങ്ങളിലും വകഭേദം കണ്ടെത്തി. നിലവില് ഇന്ത്യ അടക്കം 38 രാജ്യങ്ങളില് കൊവിഡിന്റെ ജെ എന് വണ് വകഭേദം സ്ഥിരീകരിച്ചിട്ടുണ്ട് എന്നാണ് കണക്കുകള് വ്യക്തമാക്കുന്നത്. ഒമിക്രോണിന്റെ ഉപവകഭേദമാണ് ജെ എന് വണ് വകഭേദം.
അതേസമയം രാജ്യത്ത് കേസുകള് ഉയരുന്ന സാഹചര്യത്തില് കേന്ദ്ര സര്ക്കാര് സംസ്ഥാനങ്ങള്ക്ക് ജാഗ്രതാ നിര്ദേശങ്ങള് പുറപ്പെടുവിച്ചിട്ടുണ്ട്. പനി, മൂക്കൊലിപ്പ്, തൊണ്ടവേദന, തലവേദന തുടങ്ങിയവയാണ് ജെ എന് വണ് ബാധിച്ചവരുടെ പ്രധാനലക്ഷണങ്ങള് ചിലരോഗികളില് വളരെ ലളിതമായ ശ്വസനേന്ദ്രിയ രോഗലക്ഷണങ്ങളും കാണാം. എങ്കിലും അവ നാലോ അഞ്ചോ ദിവസങ്ങള്ക്കുള്ളില് ഭേദമായേക്കാം.
ഇതിനോടൊപ്പം വിശപ്പില്ലായ്മ, തുടര്ച്ചയായ മനംപുരട്ടല്, അമിതമായ ക്ഷീണം, പേശികളുടെ ക്ഷയം തുടങ്ങിയവയും അനുഭവപ്പെട്ടേക്കാം. ചിലപ്പോള് ഗ്യാസ് സംബന്ധമായ പ്രശ്നങ്ങളും അനുഭവപ്പെട്ടേക്കാം ഇത് ദഹനവ്യവസ്ഥയെ ബാധിച്ചേക്കാം. കൊവിഡിന്റെ മറ്റ് വകഭേദങ്ങളെ അപേക്ഷിച്ച് ജെ എന് വണ്ണിന് വ്യാപനശേഷി കൂടുതലായിരിക്കും.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google