Click it and Unblock the Notifications
Just In
Don't Miss
-
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
തൊഴില്‍വകുപ്പുള്‍പ്പെടെ പുതിയ വകുപ്പുകളും അഞ്ചുമന്ത്രിമാരും വേണമെന്ന് സിപിഐ
തിരുവനന്തപുരം: എല്‍ഡിഎഫ് മന്ത്രിസഭയില്‍ തൊഴില്‍ വകുപ്പുള്‍പ്പെടെയുളള പ്രധാന വകുപ്പുകള്‍ ലഭിക്കണമെന്നും അഞ്ചു പേര്‍ക്ക് മന്ത്രിസ്ഥാനം നല്‍കണമെന്നുമുളള ആവശ്യം സിപിഐ മുന്നോട്ടുവച്ചു. പാര്‍ട്ടി കഴിഞ്ഞ തവണ അധികാരത്തില്‍ വന്നപ്പോള്‍ ലഭിച്ച വകുപ്പുകളില്‍ മാറ്റം വരുത്തണമെന്നാണ് സിപി ഐ സംസ്ഥാന നേതൃത്വം കൊടിയേരി ബാലകൃഷ്ണന്‍ നിയുക്തമുഖ്യമന്ത്രി പിണറായി വിജയന്‍ എന്നിവരുമായി നടത്തിയ ചര്‍ച്ചയില്‍ മുന്നോട്ടു വച്ചത്. വനം വകുപ്പ് വേണ്ടെന്ന നിലപാടിലാണ് സിപി ഐ.
മന്ത്രിമാരെ നിര്‍ദേശിക്കാന്‍ ഓരോ ജില്ലാ കമ്മറ്റിക്കും സിപിഐ സംസ്ഥാന നേതൃത്വം നിര്‍ദേശം നല്‍കി.യിട്ടുണ്ട്. ഈ നിര്‍ദ്ദേശങ്ങള്‍ ലഭിച്ചശേഷം തീരുമാനമെടുക്കുമെന്നാണ് സൂചന. 2011ല്‍ 13 എംഎല്‍എമാരാണ് സിപിഐക്കുണ്ടായിരുന്നതെങ്കില്‍ ഇത്തവണ എംഎല്‍എമാരുടെ എണ്ണം 19 ആയി ഉയര്‍ന്നു. നിയമസഭയിലെ മൂന്നാമത്തെ വലിയ കക്ഷിയാണ് ഇപ്പോള്‍ സിപിഐ. ലീഗിനെ മറികടന്നാണ് ഈ സ്ഥാനം നേടിയത്. സിറ്റിങ് എംഎല്‍എ മാരില്‍ 12 പേരും വിജയിച്ചു. വൈക്കം മണ്ഡലമുള്‍പ്പെടെയുളള മണ്ഡലങ്ങളില്‍ നല്ല ഭൂരിപക്ഷത്തോടെയാണ് വിജയിച്ചത്. 1980 നുശേഷം സിപിഐ യുടെ ഏറ്റവും തിളക്കമേറിയ വിജയമായിരുന്നു ഈ തിരഞ്ഞെടുപ്പിലേത്.
വി എസ് സര്‍ക്കാര്‍ അധികാരത്തില്‍ വന്നപ്പോള്‍ മുല്ലക്കര (കൃഷി),കെ.പി. രാജേന്ദ്രന്‍ (റവന്യൂ), ബിനോയ് വിശ്വം (വനം,ഭവനനിര്‍മ്മാണം),സി ദിവാകരന്‍ (ഭക്ഷ്യ,സിവില്‍ സപ്ലൈസ്,മൃഗസംരക്ഷണം )എന്നീ വകുപ്പുകളാണ് കൈകാര്യം ചെയ്തിരുന്നത്. ഇതില്‍ മുല്ലക്കര രത്‌നാകരന്റെയും സി ദിവാകരന്റെയും സിപി ഐ നേതാക്കളായ ഇ ചന്ദ്രശേഖരന്‍ വിഎസ് സുനില്‍കുമാര്‍ എന്നിവരുടെയും പേരുകളാണ് മന്ത്രി സ്ഥാനത്തേയ്ക്ക് ഉയര്‍ന്നു വന്നിട്ടുളളത്.
