പന്യൻ രവീന്ദ്രൻ ആശുപത്രിയിൽ!! ആഞ്ജിയോപ്ലാസ്റ്റിക്ക് വിധേയനാക്കി!! പൊതുപരിപാടികൾ റദ്ദാക്കി!
ജില്ല ആശുപത്രിയിൽ പ്രവേശിപ്പിച്ച അദ്ദേഹത്തെ ആഞ്ജിയോ പ്ലാസ്റ്റിക്ക് വിധേയനാക്കി. ഹൃദയത്തിൽ രണ്ട് ബ്ലോക്ക് ഉണ്ടായിരുന്നതായി ആശുപത്രി അധികൃതർ വ്യക്തമാക്കി.
പാലക്കാട്:സിപിഐ നേതാവും മുൻ എംപിയുമായ പന്യൻ രവീന്ദ്രനെ ആശുപത്രിയിൽ പ്രവേശിപ്പിച്ചു. ശനിയാഴ്ചയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. പാർട്ടി ജില്ലാ ഓഫീസില് സംസാരിച്ചിരിക്കുന്തിനിടെയാണ് ദേഹാസ്വാസ്ഥ്യം ഉണ്ടായത്.
ജില്ല ആശുപത്രിയിൽ പ്രവേശിപ്പിച്ച അദ്ദേഹത്തെ ആഞ്ജിയോ പ്ലാസ്റ്റിക്ക് വിധേയനാക്കി. ഹൃദയത്തിൽ രണ്ട് ബ്ലോക്ക് ഉണ്ടായിരുന്നതായി ആശുപത്രി അധികൃതർ വ്യക്തമാക്കി. ആശുപത്രിയിൽ പ്രവേശിപ്പിച്ച ഉടൻ തന്നെ ഇസിജി എടുത്തിരുന്നു.
ഇതിൽ നിന്നാണ് ബ്ലോക്ക് വ്യക്തമായി. ഉടൻ തന്നെ അദ്ദേഹത്തെ ആഞ്ജിയോപ്ലാസ്റ്റിക്ക് വിധേയനാക്കുകയായിരുന്നു. ഒരാഴ്ചത്തെ വിശ്രമം നിർദേശിച്ചിട്ടുണ്ട്. അദ്ദേഹത്തിന്റെ എല്ലാ പൊതു പരിപിടുകളും റദ്ദാക്കി. ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്.
ഓൾ കേരള ബാങ്ക് എംപ്ലോയീസ് ഫെഡറേഷൻ സംസ്ഥാന സമ്മേളനത്തിൽ പങ്കെടുക്കുന്നതിനാണ് പന്യൻ രവീന്ദ്രൻ പാലക്കാട് എത്തിയത്. ജില്ലാ സെക്രട്ടറി കെപി സുരേഷ് രാജിന്റെ മുറിയിൽ സംസാരിച്ചിരിക്കവെയാണ് ദേഹാസ്വാസ്ഥ്യം അനുഭവപ്പെട്ടത്. ഉടൻ തന്നെ സമീപത്ത് താമസിക്കുകയയിരുന്ന ഡോ. ശാന്ത അദ്ദേഹത്തെ പരിശോധിച്ചു. ഡോക്ടറുടെ നിർദേശ പ്രകാരമാണ് ആശുപത്രിയിൽ പ്രവേശിപ്പിച്ചത്.