Click it and Unblock the Notifications
Just In
Don't Miss
-
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
കോടിയേരി തന്നെ നയിക്കും! പത്ത് പുതുമുഖങ്ങൾ, വിഎസ് പ്രത്യേക ക്ഷണിതാവ്; മന്ത്രിസഭാ പുന:സംഘടനയില്ല...
87 അംഗ സംസ്ഥാന സമിതിയിൽ പത്ത് പുതുമുഖങ്ങളെ ഉൾപ്പെടുത്തിയപ്പോൾ ഒമ്പത് പേരെ ഒഴിവാക്കി.
തൃശൂർ: സിപിഎം സംസ്ഥാന സെക്രട്ടറിയായി കോടിയേരി ബാലകൃഷ്ണൻ തുടരും. തൃശൂരിൽ നടക്കുന്ന സംസ്ഥാന സമ്മേളനത്തിൽ ഏകകണ്ഠമായാണ് കോടിയേരിയെ വീണ്ടും സെക്രട്ടറിയായി തിരഞ്ഞെടുത്തത്.
അതേസമയം, 87 അംഗ സംസ്ഥാന സമിതിയിൽ പത്ത് പുതുമുഖങ്ങളെ ഉൾപ്പെടുത്തിയപ്പോൾ ഒമ്പത് പേരെ ഒഴിവാക്കി. ഡിവൈഎഫ്ഐ അഖിലേന്ത്യാ പ്രസിഡന്റ് പിഎ മുഹമ്മദ് റിയാസ്, വയനാട് ജില്ലാ സെക്രട്ടറി പി ഗഗാറിൻ, മലപ്പുറം ജില്ലാ സെക്രട്ടറി ഇഎൻ മോഹൻദാസ്, എംപി കെ സോമപ്രസാദ്, ഇഎൻ സുധാകരൻ, സിഎച്ച് കുഞ്ഞമ്പു, ഗിരിജ സുരേന്ദ്രൻ, കെവി രാമകൃഷ്ണൻ, ആർ നാസർ, എന്നിവരാണ് സംസ്ഥാന സമിതിയിലെ പുതുമുഖങ്ങൾ.
തിരിച്ചെത്തി....
തൃശൂരിലെ സംസ്ഥാന സമ്മേളന വേദിയിൽ പ്രത്യേകം വിളിച്ചുചേർത്ത വാർത്താസമ്മേളനത്തിലാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പുതിയ സംസ്ഥാന സമിതി അംഗങ്ങളെ പ്രഖ്യാപിച്ചത്. ഒളിക്യാമറ വിവാദത്തെ തുടർന്ന് സംസ്ഥാന സമിതിയിൽ നിന്ന് പുറത്തുപോയ ഗോപി കോട്ടമുറിക്കലിനെ ഇത്തവണ സംസ്ഥാന സമിതിയിൽ തിരിച്ചെടുത്തു.
വിഎസ്...
മുതിർന്ന നേതാക്കളായ വിഎസ് അച്യുതാനന്ദൻ, എഎം ലോറൻസ്, പികെ ഗുരുഗാസൻ, കെഎൻ രവീന്ദ്രനാഥ്, പാലോളി മുഹമ്മദ് കുട്ടി എന്നിവരെ പ്രത്യേക ക്ഷണിതാക്കളായി ഉൾപ്പെടുത്തി.
ടികെ ഹംസ....
ടികെ ഹംസ അടക്കമുള്ള പ്രായാധിക്യം കൊണ്ട് ബുദ്ധിമുട്ട് നേരിടുന്ന അംഗങ്ങളെയാണ് പുതിയ സംസ്ഥാന സമിതിയിൽ ഒഴിവാക്കിയത്. തൃശൂരിൽ ചേർന്ന സംസ്ഥാന കമ്മിറ്റി ഐക്യകണ്ഠേനെയായിരുന്നു പുതിയ അംഗങ്ങളെ തിരഞ്ഞെടുത്തതെന്ന് സംസ്ഥാന സെക്രട്ടറി കോടിയേരി ബാലകൃഷ്ണൻ മാധ്യമങ്ങളോട് പറഞ്ഞു.
പുന:സംഘടനയില്ല...
മന്ത്രിസഭ പുന:സംഘടന അജണ്ടയിൽ ഇല്ലെന്നും, ഇക്കാര്യം സംസ്ഥാന സമ്മേളനത്തിൽ ചർച്ച ചെയ്തിട്ടില്ലെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞു. ട്രാൻസ്ജെൻഡേഴ്സിന് പാർട്ടിയിൽ പരിഗണന നൽകുമെന്നും, തൊഴിൽ തേടുന്ന യുവാക്കൾക്ക് പാർട്ടി പരിശീലനം സംഘടിപ്പിക്കുമെന്നും അദ്ദേഹം വ്യക്തമാക്കി.
സമാപനം...
ഫെബ്രുവരി 22 മുതൽ തൃശൂരിൽ ആരംഭിച്ച സിപിഎം സംസ്ഥാന സമ്മേളനത്തിന് ഞായറാഴ്ച വൈകീട്ടോടെ കൊടിയിറങ്ങും. കാൽ ലക്ഷം റെഡ് വോളണ്ടിയർമാർ അണിനിരക്കുന്ന മാർച്ചിന് ശേഷം നടക്കുന്ന പൊതുസമ്മേളനത്തോടെയാണ് പൂരനഗരിയെ ചെങ്കടലാക്കിയ സംസ്ഥാന സമ്മേളനത്തിന് സമാപനം കുറിക്കുക.
