Get Updates
Get notified of breaking news, exclusive insights, and must-see stories!

ജനാധിപത്യവിരുദ്ധം, രാജ്യസഭാ തിരഞ്ഞെടുപ്പ് നടപടികൾ മരവിപ്പിച്ചതിനെതിരെ സിപിഎം

തിരുവനന്തപുരം: കേരളത്തിലെ രാജ്യസഭാ തിരഞ്ഞെടുപ്പ് നടപടികൾ മരവിച്ച തിരഞ്ഞെടുപ്പ് കമ്മീഷൻ തീരുമാനത്തിന് എതിരെ സിപിഎം. രാജ്യസഭയിലെ കേരളത്തില്‍ നിന്നുള്ള മൂന്ന്‌ അംഗങ്ങള്‍ വിരമിക്കുന്ന ഒഴിവിലേക്ക്‌ നടക്കുന്ന തെരഞ്ഞെടുപ്പ്‌ നടപടിക്രമങ്ങള്‍ മരവിപ്പിച്ച കേന്ദ്ര തെരഞ്ഞെടുപ്പ്‌ കമ്മീഷന്റെ നടപടി ജനാധിപത്യവിരുദ്ധവും ഭരണഘടനാ വിരുദ്ധവുമാണ് എന്ന് സിപിഎം സംസ്ഥാന സെക്രട്ടേറിയറ്റ് പ്രതികരിച്ചു.

രാജ്യസഭാ തെരഞ്ഞെടുപ്പിനുള്ള വിജ്ഞാപനം പുറപ്പെടുവിച്ച്‌ നോമിനേഷന്‍ ഉള്‍പ്പെടെയുള്ള നടപടി ക്രമങ്ങള്‍ ആരംഭിച്ചതിനുശേഷം തെരഞ്ഞെടുപ്പ്‌ മരവിപ്പിക്കാന്‍ തെരഞ്ഞെടുപ്പ്‌ കമ്മീഷന്‍ എടുത്ത തീരുമാനം നിലവിലുള്ള നിയമസഭാ അംഗങ്ങളുടെ അവകാശങ്ങളെ ഹനിക്കുന്നതാണ്‌. സ്വതന്ത്രവും നീതിയുക്തവുമായി പ്രവര്‍ത്തിക്കേണ്ട തെരഞ്ഞെടുപ്പ്‌ കമ്മീഷന്‍ ബാഹ്യ ഇടപെടലുകള്‍ക്ക്‌ വഴിപ്പെട്ട്‌ തീരുമാനമെടുക്കുന്ന സാഹചര്യം ഉണ്ടാകരുത്‌. അത്‌ സ്വതന്ത്രഭരണഘടനാ സ്ഥാപനങ്ങളെ ജനങ്ങള്‍ സംശയത്തോടെ കാണുന്ന സാഹചര്യം സൃഷ്ടിക്കും.

cpim

2016ല്‍ അസംബ്ലി തെരഞ്ഞെടുപ്പിന്റെ വിജ്ഞാപനം വന്നതിന്‌ ശേഷമാണ്‌ മൂന്ന്‌ അംഗങ്ങള്‍ക്ക്‌ വേണ്ടിയുള്ള രാജ്യസഭാ തെരഞ്ഞെടുപ്പ്‌ നടന്നത്‌. ഇത്തവണയും മാര്‍ച്ച്‌ 24ന്‌ തെരഞ്ഞെടുപ്പ്‌ നടപടിക്രമങ്ങളുടെ ഭാഗമായുള്ള നോട്ടിഫിക്കേഷന്‍ പുറത്തിറക്കി. മാര്‍ച്ച്‌ 31-ാം തീയതി മൂന്ന്‌ മണി വരെ നോമിനേഷന്‍ സമര്‍പ്പിക്കാമെന്ന്‌ റിട്ടേണിംഗ്‌ ഓഫീസര്‍ പുറത്തിറക്കിയ നോട്ടീസില്‍ പറയുന്നു. ഏപ്രില്‍ 12-ാം തീയതിയാണ്‌ തെരഞ്ഞെടുപ്പ്‌ നടത്തുക എന്ന്‌ റിട്ടേണിംഗ്‌ ഓഫീസര്‍ ഔദ്യോഗികമായി പുറത്തിറക്കിയ നോട്ടീസില്‍ വ്യക്തമാക്കിയിട്ടുണ്ട്‌. ഇത്തരത്തില്‍ തെരഞ്ഞെടുപ്പിന്റെ നടപടിക്രമങ്ങള്‍ മുന്നോട്ട്‌ കൊണ്ടുപോകുന്ന ഘട്ടത്തില്‍ തെരഞ്ഞെടുപ്പ്‌ നിര്‍ത്തിവെച്ച നടപടി ദുരൂഹമാണ്‌.

ബംഗാളിലെ ബങ്കുറയില്‍ നടന്ന മമത ബാനര്‍ജിയുടെ തിരഞ്ഞെടുപ്പ് പ്രചാരണം: ചിത്രങ്ങള്‍ കാണാം

തെരഞ്ഞെടുപ്പ്‌ നടപടിക്രമങ്ങള്‍ ആരംഭിച്ചുകഴിഞ്ഞാല്‍ അതില്‍ ഇടപെടാന്‍ പാടില്ലെന്ന്‌ നിരവധി സുപ്രീംകോടതി വിധികള്‍ നിലവിലുണ്ട്‌. ഭരണഘടനാപരമായ ബാദ്ധ്യത നിറവേറ്റേണ്ട തെരഞ്ഞെടുപ്പ്‌ കമ്മീഷന്‍ ഭരണഘടനാ വിരുദ്ധമായി പ്രവര്‍ത്തിച്ചത്‌ ജനാധിപത്യപ്രക്രിയയെ അട്ടിമറിക്കുന്ന നടപടിയാണ്‌. തെരഞ്ഞെടുപ്പ്‌ പ്രക്രിയ മരവിപ്പിച്ച നടപടി തെരഞ്ഞെടുപ്പ്‌ കമ്മീഷന്‍ പിന്‍വലിക്കണമെന്നും നിയമസഭയുടെയും, അംഗങ്ങളുടെയും അവകാശങ്ങള്‍ സംരക്ഷിക്കണമെന്നും സിപിഐ എം സംസ്ഥാന സെക്രട്ടേറിയറ്റ്‌ അഭ്യര്‍ത്ഥിച്ചു.

കൃതി ഷെട്ടിയുടെ അടിപൊളി ചിത്രങ്ങള്‍ കാണാം

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+