Click it and Unblock the Notifications
Just In
Don't Miss
-
ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം -
ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി -
T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ് -
സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ് -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
കീഴാറ്റൂരിൽ വയൽക്കിളികൾക്കൊപ്പം സമരം: 11 പ്രവർത്തകരെ സിപിഎം പുറത്താക്കി
കണ്ണൂര്‍: കീഴാറ്റൂരിലെ ഹൈവേ വിരുദ്ധ സമരത്തില്‍ വയല്‍ക്കിളി കൂട്ടായ്മയ്‌ക്കൊപ്പം നിന്ന പ്രവര്‍ത്തകരെ സിപിഎം പുറത്താക്കി. പാര്‍ട്ടിയുടെ എതിര്‍ ചേരിയില്‍ നിന്ന് സമരം നടത്തിയ 11 പേരെയാണ് പുറത്താക്കിയത്. കീഴാറ്റൂര്‍ സെന്‍ട്രല്‍ ബ്രാഞ്ചിലെ ഒന്‍പത് പേരെയും കീഴാറ്റൂര്‍ വടക്ക് ബ്രാഞ്ചിലെ രണ്ട് പേരെയുമാണ് പുറത്താക്കിയത്. പാര്‍ട്ടിയുടേയും സര്‍ക്കാരിന്റെയും നിലപാടുകള്‍ക്ക് വിരുദ്ധമായി പ്രവര്‍ത്തിച്ചതാണ് പുറത്താക്കാനുള്ള കാരണമെന്ന് സിപിഎം നേതൃത്വം വ്യക്തമാക്കി.
സമരത്തില്‍ പങ്കെടുത്തതിനെക്കുറിച്ച് പാര്‍ട്ടി നേരത്തെ ഇവരോട് വിശദീകരണം ചോദിച്ചിരുന്നു. എന്നാല്‍ രണ്ട് പേര്‍ മാത്രമാണ് വിശദീകരണം നല്‍കിയത്. എന്നാലീ വിശദീകരണം തൃപ്തികരമല്ലെന്ന് വിലയിരുത്തിയതിന്റെ അടിസ്ഥാനത്തിലാണ് പുറത്താക്കല്‍ നടപടി.
കീഴാറ്റൂരില്‍ നെല്‍വയല്‍ നികത്തി ദേശീയപാത ബൈപ്പാസ് നിര്‍മ്മിക്കാനുള്ള സര്‍ക്കാര്‍ നീക്കത്തിന് എതിരെയാണ് നാട്ടുകാര്‍ സമരം തുടങ്ങിയത്. വയല്‍ക്കിളികള്‍ എന്ന് പേരിട്ട കൂട്ടായ്മ നേതൃത്വം നല്‍കിയ സമരത്തില്‍ നിരവധി സിപിഎം പ്രവര്‍ത്തകരും പങ്കെടുത്തു. ചെങ്കോട്ടയായ കണ്ണൂരിലെ പാര്‍ട്ടി ഗ്രാമത്തില്‍ തന്നെ പ്രവര്‍ത്തകര്‍ ഒപ്പം നില്‍ക്കാത്തത് സിപിഎമ്മിന് വലിയ ക്ഷീണമായിരുന്നു. പരമാവധി വയല്‍ ഒഴിവാക്കി ബൈപ്പാസ് നിര്‍മ്മിക്കാം എന്ന സര്‍ക്കാരിന്റെ ഉറപ്പിന്റെ അടിസ്ഥാനത്തിലാണ് സമരം അവസാനിച്ചത്.
