• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

പര്‍ദ ധരിച്ചെത്തുന്നവരെ വോട്ട് ചെയ്യിക്കരുത്; വിവാദ പ്രസ്താവനയുമായി എംവി ജയരാജന്‍

കണ്ണൂര്‍: വിവാദ പ്രസ്താവനയുമായി സിപിഎം കണ്ണൂര്‍ ജില്ലാ സെക്രട്ടറി എംവി ജയരാജന്‍. പര്‍ദ ധരിച്ച് എത്തുന്നവരെ വോട്ട് ചെയ്യാന്‍ അനുവദിക്കരുതെന്ന് അദ്ദേഹം പറഞ്ഞു. വരിയില്‍ നില്‍ക്കുമ്പോള്‍ തന്നെ മുഖപടം മാറ്റണമെന്നും ജയരാജന്‍ പറഞ്ഞു. ഇങ്ങനെ തിരഞ്ഞെടുപ്പ് നടത്തിയാല്‍ യുഡിഎഫ് ജയിക്കുന്ന എല്ലാ കേന്ദ്രങ്ങളിലും എല്‍ഡിഎഫ് ജയിക്കുമെന്നും ജയരാജന്‍ പറഞ്ഞു.

കള്ളവോട്ട് വിവാദമാകുകയും റീ പോളിങ് നടക്കുകയും ചെയ്യുന്ന ഘട്ടത്തിലാണ് സിപിഎം ജില്ലാ സെക്രട്ടറിയുടെ പ്രസ്താവന. കാസര്‍ഗോഡ്, കണ്ണൂര്‍ ലോക്‌സഭാ മണ്ഡലങ്ങളില്‍ കള്ളവോട്ട് നടന്നതായി കണ്ടെത്തിയിരുന്നു. സിപിഎം, മുസ്ലിം ലീഗ് പ്രവര്‍ത്തകര്‍ക്കെതിരെ കേസെടുക്കുകയും ചെയ്തിരുന്നു. ഈ സാഹചര്യത്തിലാണ് ജയരാജന്റെ വിവാദ പ്രസ്താവന.

പര്‍ദ ധരിച്ച് പോളിങ് ബൂത്തിലെത്തുന്നവരെ വോട്ട് ചെയ്യാന്‍ അനുവദിക്കരുത് എന്നാണ് അദ്ദേഹം പറയുന്നത്. വോട്ട് ചെയ്യാന്‍ വേണ്ടി വരി നില്‍ക്കുമ്പോള്‍ തന്നെ മുഖപടം മാറ്റണം. മുഖം ക്യാമറയ്ക്ക് മുമ്പില്‍ വ്യക്തമാകുന്ന തരത്തിലായിരിക്കണം സ്ത്രീകള്‍ വരി നില്‍ക്കേണ്ടത്. ഇങ്ങനെ വോട്ടെടുപ്പ് നടത്താന്‍ തിരഞ്ഞെടുപ്പ് കമ്മീഷന്‍ തയ്യാറുണ്ടോ എന്നും ജയരാജന്‍ ചോദിച്ചു. മുഖം മറച്ച് വോട്ട് ചെയ്യാനെത്തുന്നവരെ തടയണമെന്ന നേരത്തെ ബിജെപി നേതാക്കളും ആവശ്യപ്പെട്ടിരുന്നു.

കോണ്‍ഗ്രസ് വനിതാ നേതാവ് കൊല്ലപ്പെട്ടു; മുഖം വികൃതമാക്കി... മൃതദേഹം പാലത്തിനടിയില്‍!!

സാധാരണ പര്‍ദയും നിഖാബും ധരിച്ച് വോട്ട് ചെയ്യാന്‍ എത്തുന്നവര്‍ പോളിങ് ഓഫീസര്‍ മുമ്പാകെ മുഖപടം മാറ്റാറുണ്ട്. വോട്ട് ചെയ്യാന്‍ വരി നില്‍ക്കുമ്പോള്‍ മുഖം മറയ്ക്കുമെങ്കിലും ഓഫീസര്‍ക്ക് മുമ്പില്‍ ഒപ്പിടുന്ന വേളയില്‍ മുഖം വെളിവാക്കാറുണ്ട്. എന്നാല്‍ ജയരാജന്‍ പറയുന്നത് വരി നില്‍ക്കുമ്പോള്‍ തന്നെ മുഖം വെളിവാക്കണം എന്നാണ്. വരും ദിവസങ്ങളില്‍ ജയരാജന്റെ പ്രസ്താവന കൂടുതല്‍ ചര്‍ച്ചയായേക്കാം.

English summary
CPM Leader MV Jayarajan says Pardha wearing women should not be allowed to vote
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more