സുരേഷ് ഗോപി മാടമ്പള്ളിയിലെ മനോരോഗി; വെല്ലുവിളിച്ച് പികെ ദിവാകരന്, 'മാക്രി'യില് മറുപടി
കോഴിക്കോട്: വടകരയെ മാക്രി എന്ന അധിക്ഷേപത്തിന് കേന്ദ്രമന്ത്രി സുരേഷ് ഗോപിക്ക് മറുപടിയുമായി സിപിഎം ജില്ലാ കമ്മിറ്റി അംഗം പികെ ദിവാകരന്. കേന്ദ്രവും സംസ്ഥാനവും സംയുക്തമായി നടപ്പാക്കുന്ന പദ്ധതിയുടെ ക്രെഡിറ്റ് സുരേഷ് ഗോപി എടുക്കുന്നു എന്നാണ് ദിവാകരന് സൂചിപ്പിക്കുന്നത്. വികസന വിഷയങ്ങളില് ചര്ച്ചയ്ക്ക് സുരേഷ് ഗോപിയെ വെല്ലുവിളിക്കുന്നുവെന്നും ദിവാകരന് പറഞ്ഞു.
കേന്ദ്ര മന്ത്രി സുരേഷ് ഗോപി വികസന പ്രവര്ത്തനങ്ങള് ചെയ്യുന്നില്ലെന്നും ബിജെപിയെ അദ്ദേഹം തന്നെ പരാജയപ്പെടുത്തുമെന്നും നേരത്തെ ദിവാകരന് പറഞ്ഞിരുന്നു. ഇതാണ് സുരേഷ് ഗോപിയെ പ്രകോപിപ്പിച്ചത്. വടകരയിലെ മാക്രി, വിഡ്ഡി എന്നെല്ലാം വിളിച്ചാണ് സുരേഷ് ഗോപി ഇതിന് മറുപടി നല്കിയത്. വടകരയില് പദ്ധതിക്ക് വേണ്ടി അനുവദിച്ച 95 കോടി രൂപയും സുരേഷ് ഗോപി എടുത്തു പറഞ്ഞു.
ആ പദ്ധതിയുടെ ഉദ്ഘാടനത്തിന് താന് വരുമെന്നും സുരേഷ് ഗോപി പറഞ്ഞിരുന്നു. കൂടാതെ കേരളത്തിലെ വിവിധ ഭാഗങ്ങളില് അനുവദിച്ച കേന്ദ്ര ഫണ്ടുകളുടെ കണക്കും സുരേഷ് ഗോപി വായിച്ചു. തൃശൂരിലെ സയന്സ് ലാബിന് കേരളം സ്ഥലം നല്കുന്നില്ലെന്നും തിരുവനന്തപുരത്ത് സ്ഥലം അനുവദിക്കാമെന്നുമാണ് പറയുന്നതെന്നും സുരേഷ് ഗോപി പറഞ്ഞു. ഈ പദ്ധതിക്ക് മറ്റു വഴികള് നോക്കുന്നുവെന്നും അദ്ദേഹം കൂട്ടിച്ചേര്ത്തു.
എന്നാല് കണക്കുകള് വച്ചു തന്നെയാണ് ദിവാകരനും മറുപടി പറഞ്ഞത്. വടകര ആശുപത്രിക്ക് ഫണ്ട് അനുവദിച്ചത് പിഎംജെവികെ പദ്ധതിയിലാണ്. ഈ പദ്ധതിയില് 40 ശതമാനം സംസ്ഥാന സര്ക്കാരും ബാക്കി കേന്ദ്ര സര്ക്കാരുമാണ് വഹിക്കുന്നത്. സംയുക്ത സംരംഭത്തില് വരുന്ന പദ്ധതി കേന്ദ്രത്തിന്റേതാണ് എന്ന് മേനി നടിക്കുകയാണ്. സുരേഷ് ഗോപി ഇത്രയും ചെറുതാകാന് പാടുണ്ടോ എന്നും ദിവാകരന് ചോദിക്കുന്നു.
കേന്ദ്രത്തിന്റെ നിലപാടുമായി ബന്ധപ്പെട്ട് വടകരയില് കലുങ്ക് ചര്ച്ച നടത്താന് സുരേഷ് ഗോപിയെ വെല്ലുവിളിക്കുന്നുവെന്ന് ദിവാകരന് പറഞ്ഞു. സുരേഷ് ഗോപി ഇങ്ങനെ ചെറുതാകരുത്. തൃശൂരിലെ രാജാവാണ് എന്ന് മതിഭ്രമം പൂണ്ടു നടക്കുന്ന അദ്ദേഹത്തിന് മാടമ്പള്ളിയിലെ മനോരോഗി എന്ന വിശേഷണമാണ് കൂടുതല് ചേരുക എന്നും ദിവാകരന് വിമര്ശിച്ചു.
ഫെഡറല് സംവിധാനത്തില് കേരളത്തിന് അവകാശപ്പെട്ടത് പോലും തരാന് തയ്യാറാകാതെ കണ്ണില് പൊടിയിടാന് പദ്ധതി വിഹിതം തരുന്ന ഇദ്ദേഹം കേന്ദ്രമന്ത്രിയാണെന്ന് പറയുന്നത് തന്നെ നാണക്കേടാണ്. കലുങ്ക് ചര്ച്ച നടത്തി ഇതിനകം പരിഹാസ്യനായിട്ടുണ്ട് എന്ന് അറിയാം. എങ്കിലും പിച്ചലും മാന്തലുമില്ലാതെ കേരളത്തോടുള്ള കേന്ദ്ര സമീപനത്തെ പറ്റി വടകരയില് കലുങ്ക് ചര്ച്ചയ്ക്ക് വെല്ലുവിളിക്കുന്നു എന്നും ദിവാകരന് പ്രതികരിച്ചു.
സുരേഷ് ഗോപി കഴിഞ്ഞ ദിവസം തൃശൂരില് പറഞ്ഞത്; ''വടകരയിലെ ഒരു മാക്രി, അയാള്ക്ക് രോദനമാണ്. എന്തൊക്കെയോ പറയുന്നുണ്ട്. ഒരു വിഡ്ഡിയാണ്. അങ്ങേരുടെ മൂക്കിന് താഴെ വടകരയില് 95.34 കോടി രൂപയുടെ പദ്ധതിയാണ് കൊടുത്തിരിക്കുന്നത്. അയാള്ക്ക് എന്താണ് ഇതില് കൂടുതല് അറിയേണ്ടത്. തൃശൂര് എംപിയെ ഞോണ്ടാന് വരരുത്. ഞാന് മാന്തി പൊളിക്കും''
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google