Click it and Unblock the Notifications
Just In
Don't Miss
-
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
മലക്കം മറിഞ്ഞ് സിപിഎമ്മും; ശബരിമലയില്‍ യുവതി പ്രവേശനം വേണ്ട
തിരുവനന്തപുരം: ശബരിമലയില്‍ യുവതികളെ പ്രവേശിപ്പിക്കേണ്ടെന്ന് സിപിഎം. വിധിയില്‍ വ്യക്തത വരും വരെ യുവതി പ്രവേശനം അനുവദിക്കേണ്ടെന്നാണ് സിപിഎം നിലപാട്. തിരുവനന്തപുരത്ത് ചേര്‍ന്ന സിപിഎം സെക്രട്ടറിയേറ്റ് യോഗത്തിലാണ് തിരുമാനം. സുപ്രീം കോടതി വിധിയില്‍ അവ്യക്തത നിലനില്‍ക്കുന്നുണ്ട്. ഈ സാഹചര്യത്തില്‍ അന്തിമ തിരുമാനം വന്നതിന് ശേഷം മാത്രം യുവതി പ്രവേശനം മതിയെന്നും സിപിഎം വ്യക്തമാക്കി.
വിധി നടപ്പാക്കുന്ന കാര്യത്തില്‍ കോടതിക്ക് തന്നെ വ്യക്തത ഇല്ലെന്ന് യോഗത്തിന് ശേഷം മന്ത്രി എകെ ബാലന്‍ മാധ്യമങ്ങളോട് പറഞ്ഞു. മാന്തിപുണ്ണാക്കാന്‍ ആരെങ്കിലും ശ്രമിച്ചാല്‍ സര്‍ക്കാര്‍ അനുവദിക്കില്ലെന്നും മന്ത്രി പറഞ്ഞു. വിധിയുടെ പശ്ചാത്തലത്തില്‍ യുവതികള്‍ മലകയറാനെത്തിയാല്‍ പോലീസ് സംരക്ഷണം നല്‍കില്ലെന്ന് ദേവസ്വം മന്ത്രി കടകംപള്ളി പറഞ്ഞിരുന്നു.
ആക്റ്റിവിസം പ്രദര്‍ശിപ്പിക്കാനുള്ള സ്ഥലമല്ല ശബരിമല. ശബരിമല കയറണം എന്നുള്ളവര്‍ക്ക് കോടതിയില്‍ പോയി പ്രത്യേക ഉത്തരവ് തേടേണ്ടി വരും. തൃപ്തി ദേശായിയെ പോലുള്ളവര്‍ പ്രചരണം ലക്ഷ്യം വെച്ചാണ് മലകയറാനെത്തുന്നത്. എന്നാല്‍ സര്‍ക്കാര്‍ അത്തരക്കാര്‍ സംരക്ഷണം നല്‍കില്ലെന്നും കടകംപള്ളി വ്യക്തമാക്കിയിരുന്നു.
ശബരിമലയില്‍ നിലവില്‍ യുവതി പ്രവേശനം വേണ്ടെന്ന നിയമോപദേശമാണ് സര്‍ക്കാരിന് ലഭിച്ചത്. കേസില്‍ അന്തിമ തിരുമാനം വരുന്നത് വരെ നിലവിലെ സ്ഥിതി തുടരുന്നതാണ് ഉചിതമെന്നുമാണ് നിയമോപദേശത്തില്‍ പറയുന്നു.
