കെ വി തോമസ് സിപിഎം പാര്ട്ടി സെമിനാറില് പങ്കെടുക്കുമോ: തീരുമാനം ഇന്ന്
കണ്ണൂര്: എഐസിസിയുടെയും കെപിസിസിയുടെയും വിലക്ക് ലംഘിച്ച് കെ വി തോമസ് സിപിഎം സെമിനാറില് പങ്കെടുക്കുമോ എന്ന ചോദ്യത്തിന് ഉത്തരം ഇന്നറിയാം. തന്റെ രാഷ്ട്രീയ നിലപാട് വ്യക്തമാക്കാനായി കെ വി തോമസ് രാവിലെ 11ന് മാധ്യമങ്ങളെ കാണും. കെ വി തോമസിന്റെ തീരുമാനം കോണ്ഗ്രസ് രാഷ്ട്രീയത്തിലെ അദ്ദേഹത്തിന്റെ നിലനില്പ്പിനും പ്രധാനപ്പെട്ടതാണ്. സിപിഎം പാര്ട്ടി കോണ്ഗ്രസിന്റെ ഭാഗമായി നടക്കുന്ന പാര്ട്ടി സെമിനാറില് പങ്കെടുക്കരുതെന്ന് നിര്ദേശമാണ് നേതൃത്വം മുന്നോട്ട് വച്ചിട്ടുള്ളത്.
സെമിനാറിന് പോകുമെന്ന് പ്രഖ്യാപിച്ചാല് കെ വി തോമസിനെ പാര്ട്ടിയില് നിന്ന് പുറത്താക്കണമെന്ന് മാര്ട്ടിന് ജോര്ജ് പറഞ്ഞു. കണ്ണൂര് ഡിസിസി അധ്യക്ഷനാണ് മാര്ട്ടിന് ജോര്ജ്. എഐസിസിയുടെ വിലക്കിനെ മറികടന്ന് പ്രവര്ത്തിക്കുന്ന നേതാക്കളെ വച്ചുപൊറുപ്പിക്കരുതെന്നും പാര്ട്ടിക്ക് നാണക്കേട് ഉണ്ടാക്കുന്നതാണ് കെ വി തോമസ് ഇപ്പോള് സ്വീകരിക്കുന്ന നിലപാടെന്നും അദ്ദേഹം പറഞ്ഞു.
സിപിഎം സംസ്ഥാന സമ്മേളനത്തോടനുബന്ധിച്ച് നടക്കുന്ന സിപിഎം പാര്ട്ടി സെമിനാറില് പങ്കെടുക്കാനായി കോണ്ഗ്രസ് നേതൃത്വത്തോട് ഇടഞ്ഞ് നില്ക്കുന്ന ശശി തരൂരിനെയും കെ വി തോമസിനെയും സിപിഎം ക്ഷണിച്ചിരുന്നു. എന്നാല് എഐസിസി നേതൃത്വവുമായി ആലോചിച്ച ശേഷം ശശി തരൂര് പരിപാടിയില് നിന്ന് പിന്മാറി. വിവാദമാക്കാതെ വിഷയത്തെ കൈകാര്യം ചെയ്യാമായിരുന്നുവെന്നും ചില കേന്ദ്രങ്ങള് വിഷയം വിവാദമാക്കി മാറ്റിയെന്നും പ്രസ്താവനയില് ശശി തരൂര് വ്യക്തമാക്കി.
കോണ്ഗ്രസ് ഹൈക്കമാന്ഡ് ആണ് വിഷയത്തില് അന്തിമ തീരുമാനം എടുക്കേണ്ടത് എന്നായിരുന്നു ശശി തരൂരിന്റെയും കെ വി തോമസിന്റെയും ആദ്യത്തെ നിലപാട്. എന്നാല് ദേശിയ നേതൃത്വം എതിര് നിലപാട് സ്വീകരിക്കുകയായിരുന്നു. കോണ്ഗ്രസ് നേതൃത്വത്തിന്റെ വിലക്കിനെ മറികടന്ന് സിപിഎം പാര്ട്ടി കോണ്ഗ്രസില് പങ്കെടുത്താല് ശശി തരൂരിനെതിരെ നടപടി സ്വീകരിക്കുമെന്ന് കെപിസിസി പ്രസിഡന്റ് കെ സുധാകരന് വ്യക്തമാക്കിയിരുന്നു. കെ വി തോമസിന് രാജ്യസഭാ സീറ്റ് കൂടി നിഷേധിച്ചതോടെ നേതൃത്വവുമായി ഇടച്ചിലിലാണ് അദ്ദേഹം. ജി 23 അംഗമായ തരൂര് ദേശീയ നേതൃത്വത്തവുമായി ഉടക്കിലാണ്.
സില്വര്ലൈനില് സംസ്ഥാന സര്ക്കാരിനെതിരെ കോണ്ഗ്രസ് കടുത്ത സമരം നടത്തുമ്പോള് സിപിഎം പരിപാടിയില് പാര്ട്ടി നേതാക്കള് പോകുന്നത് ശരിയല്ല എന്നതായിരുന്നു കെപിസിസിയുടെ വിശദീകരണം. കെ.സുധാകരന് ഇക്കാര്യത്തില് കര്ശന നിലപാടാണ് സ്വീകരിച്ചത്. അതേ സമയം രാജ്യസഭ സീറ്റിലേക്ക് തന്നെ പരിഗണിക്കണമെന്നാവശ്യപ്പെട്ട് കെ വി തോമസ് താരിഖ് അന്വറുമായി കൂടിക്കാഴ്ച നടത്തിയിരുന്നു. പരിചയ സമ്പന്നനായ മുതിര്ന്ന കോണ്ഗ്രസ് നേതാവാണ് താനെന്നും രാജ്യസഭ സീറ്റിന് താന് അര്ഹനാണെന്നുമാണ് കെ വി തോമസ് താരിഖ് അന്വറിനെ അറിയിച്ചത്. എന്നാല് ഈ ആവശ്യവും കേന്ദ്ര നേതൃത്വം അംഗീകരിച്ചില്ല. ഇതിനെ തുടര്ന്ന് നേതൃത്വവുമായി ഉടച്ചലിലാണ് കെ വി തോമസ്.
സിപിഎം പാര്ട്ടി കോണ്ഗ്രസിന്റെ സെമിനാറില് നിന്ന് കോണ്ഗ്രസ് പ്രതിനിധികളെ വിലക്കിയ നടപടിക്കെതിരെ പ്രതികരണവുമായി എംഎം മണി രംഗത്തെത്തി. ഗാന്ധി ഘാതകരുടെ കൈയ്യില് രാജ്യത്തെ ഭരണത്തെകൊണ്ട് എത്തിച്ചത് 60 വര്ഷത്തെ കോണ്ഗ്രസ് ഭരണമാണ്. ഗാന്ധി പ്രതിമയുടെ അടുത്ത് ഗാന്ധി ഘാതകരുടെ പ്രതിമ സ്ഥാപിക്കുന്ന സാഹചര്യമുണ്ടാക്കിയതും കോണ്ഗ്രസാണെന്നും എംഎം മണി പറഞ്ഞു. ഇന്ത്യയില് വര്ഗീയതക്കെതിരായ പ്രവര്ത്തനങ്ങളില് ഇടതുപക്ഷത്തിന് വലിയ പങ്കുണ്ട്. ഇതൊന്നും കാണാതെ സോണിയാ ഗാന്ധിയോ സുധാകരനോ എന്തെങ്കിലും കാണിച്ചാല് പൊട്ടന് ആനയെ കണ്ടപോലെയാണ്. അതെല്ലാം വിഡ്ഢിത്തമാണെന്നും എംഎം മണി പറഞ്ഞു.
അതേ സമയം കോണ്ഗ്രസ് നേതാവായ കെ വി തോമസിന് ഉപദേശവുമായി ചെറിയാന് ഫിലിപ്പിന്റെ ഫേസുബുക്ക് പോസ്റ്റിട്ടു. സിപിഎമ്മിന്റെ പ്രണയ തട്ടിപ്പില് കെ.വി തോമസ് ദയവായി കുടുങ്ങരുതൊണ് ചെറിയാന് ഫിലിപ്പ് ഫേസ്ബുക്കില് കുറിപ്പ്. സിപിഎമ്മിന്റെ പ്രണയ തട്ടിപ്പില് കെ.വി തോമസ് ദയവായി കുടുങ്ങരുതെന്ന് ചെറിയാന് ഫിലിപ്പ്. പ്രണയം അഭിനയിച്ച് അടുത്തു കൂടി രക്തം ഊറ്റിക്കുടിച്ച ശേഷം വലിച്ചെറിയുന്ന രക്തരക്ഷസാണ് സിപിഎം. യൗവ്വനം മുതല് ഇഎംഎസ് ഉള്പ്പെടെയുള്ളവര് തന്നെ സി പി എം വേദികളിലേക്ക് ആനയിച്ചിരുന്നു. അന്നത്തെ സ്റ്റേഹം വ്യാജമാണെന്ന് സഹയാത്രികനായ ശേഷമാണ് ബോദ്ധ്യപ്പെട്ടത്. ആ മരണക്കെണിയില് ഇരുപതു വര്ഷത്തെ രാഷ്ട്രീയ ജീവിതം ഹോമിക്കേണ്ടി വന്നു. അറവുശാലയിലേക്ക് കൊണ്ടുപോകുന്ന ആടുമാടുകളെ ഉടമസ്ഥര് ഒരിക്കലും പട്ടിണിക്കിടാറില്ല. കോണ്ഗ്രസിന്റെ ജനാധിപത്യ സംസ്ക്കാരത്തില് ജനിച്ചു വളര്ന്ന കെ.വി തോമസിന് സിപിഎംന്റെ വിധ്വംസക രാഷ്ട്രീയവുമായി ഒരിക്കലും പൊരുത്തപ്പെടാനാവില്ല.
-
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ?
Click it and Unblock the Notifications
Sign in with Google