എംഎ ബേബി രാജിവയ്ക്കില്ലെന്ന് കോടിയേരി
കോഴിക്കോട്: എംഎ ബേബി രാജിവയ്ക്കുമെന്ന വാര്ത്ത മാധ്യമ സൃഷ്ടി മാത്രമാണെന്ന് സിപിഎം പൊളിറ്റ് ബ്യൂറോ അംഗം കോടിയേരി ബാലകൃഷ്ണന്. തിരഞ്ഞെടുപ്പിന്റെ അടിസ്ഥാനത്തില് രാജി വയ്ക്കുന്നത് പാര്ട്ടിയുിടെ രീതിയല്ല. ചില ബൂര്ഷ്വ പാര്ട്ടികളിലാണ് ഇത്തരം രാജി നാടകം നടക്കുന്നത് സിപിഎമ്മില് ഇതുണ്ടാകില്ലെന്നും കോടിയേരി ബാലകൃഷ്ണന്.
ഏതെങ്കിലും പ്രയോഗത്തിന്റെ പേരില്ല ബേബി തോറ്റതെന്നും കോടിയേരി ബാലകൃഷ്ണന് കോഴിക്കോട് പറഞ്ഞു. പാര്ട്ടി പൊളിറ്റ് ബ്യൂറോ യോഗത്തില് ഇങ്ങനെയൊക്കെ നടന്നുവെന്ന എല്ലാക്കാലത്തും മാധ്യമങ്ങള് വാര്ത്ത സൃഷ്ടിയ്ക്കാറുണ്ടെന്നും കോടിയേരി.
ബേബി രാജി സന്നദ്ധത അറിയിച്ചിട്ടില്ലെന്നും കോടിയേരി. എന്നാല് പിണറായിയുടെ പരനാറി പ്രയോഗം തിരഞ്ഞെടുപ്പിനെ ബാധിച്ചെന്നും എന്കെ പ്രേമചന്ദ്രന് മികച്ച പാര്ലമെന്റേറിയനാണെന്നും കൊല്ലത്തെ എല്ഡിഎഫ് കണ്വീനര് ആര്ഡ രാമചന്ദ്രന് പറഞ്ഞു.