• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പിഡിപിയുമില്ല, സീറ്റുമില്ല; പൂന്തുറ സിറാജിനെ മല്‍സരിപ്പിക്കില്ലെന്ന് സിപിഎം, ബദല്‍ തേടുന്നു

തിരുവനന്തപുരം: പിഡിപി വിട്ട് ഐഎന്‍എല്ലില്‍ ചേര്‍ന്ന പൂന്തുറ സിറാജ് ശരിക്കും പെട്ടുപോയ അവസ്ഥയിലാണ്. തിരുവനന്തപുരം കോര്‍പറേഷനിലേക്ക് പൂന്തുറ സിറാജിനെ മല്‍സരിപ്പിക്കാനുള്ള ഐഎന്‍എല്‍ തീരുമാനം സിപിഎം തള്ളി. പിഡിപി വിട്ടുവന്ന അദ്ദേഹത്തെ മല്‍സരിപ്പിക്കാന്‍ സാധിക്കില്ലെന്നും മറ്റു സ്ഥാനാര്‍ഥികളുടെ വിജയത്തെ ഇത് ബാധിക്കുമെന്നും സിപിഎം നിലപാട് എടുത്തു.

മറ്റൊരു സ്ഥാനാര്‍ഥിയെ കണ്ടെത്താന്‍ ഐഎന്‍എല്ലിന് സിപിഎം നിര്‍ദേശം നല്‍കി. എല്‍ഡിഎഫ് സ്ഥാനാര്‍ഥിയായി പൂന്തുറ സിറാജിനെ മല്‍സരിപ്പിക്കില്ലെന്ന് സിപിഎം ജില്ലാ സെക്രട്ടറി ആനാവൂര്‍ നാഗപ്പന്‍ വ്യക്തമാക്കി. പൂന്തുറ സിറാജിന് വേണമെങ്കില്‍ മല്‍സരിക്കാം. പക്ഷേ, എല്‍ഡിഎഫിന്റെ ടിക്കറ്റില്‍ പറ്റില്ല. എല്‍ഡിഎഫിന് മറ്റൊരു സ്ഥാനാര്‍ഥിയാകും രംഗത്തുണ്ടാകുക എന്നും നാഗപ്പന്‍ പറഞ്ഞു.

പിഡിപിയുടെ മുഖങ്ങളിലൊന്നായിരുന്നു പൂന്തുറ സിറാജ്. കഴിഞ്ഞ ശനിയാഴ്ചയാണ് അദ്ദേഹം പാര്‍ട്ടി വിട്ട് ഐഎന്‍എല്ലില്‍ ചേര്‍ന്നത്. അപ്പോള്‍ തന്നെ മാണിക്യവിളാകം സീറ്റില്‍ മല്‍സരിപ്പിക്കുമെന്ന് ഐഎന്‍എല്‍ പ്രഖ്യാപിക്കുകയും ചെയ്തു. പിന്നീട് സിറാജിനെ പുറത്താക്കിയതായി പിഡിപി അറിയിച്ചിരുന്നു. പിഡിപി വിടാനുണ്ടായ കാരണം എന്താണെന്ന് സിറാജ് വ്യക്തമാക്കിയിരുന്നില്ല.

യുഎഇയിലെ പ്രവാസികള്‍ക്ക് സന്തോഷ വാര്‍ത്ത; ഗോള്‍ഡന്‍ വിസ, 10 വര്‍ഷം, ശൈഖ് മുഹമ്മദ് പ്രഖ്യാപിച്ചു

cmsvideo
    Kerala local body election's star is printed masks | Oneindia Malayalam

    തിരഞ്ഞെടുപ്പില്‍ മല്‍സരിക്കുക എന്ന ലക്ഷ്യത്തോടെയാണ് സിറാജിന്റെ രാജി എന്നാണ് വിലയിരുത്തപ്പെടുന്നത്. നിലവില്‍ എല്‍ഡിഎഫ് ടിക്കറ്റില്‍ പൂന്തുറ സിറാജ് മല്‍സരിക്കില്ലെന്ന് ഉറപ്പായി. മറ്റൊരു സ്ഥാനാര്‍ഥിയെ മല്‍സരിപ്പിക്കാന്‍ ഐഎന്‍എല്‍ ആലോചിക്കുന്നുണ്ട്. സീറ്റ് മോഹിച്ചല്ല ഐഎന്‍എല്ലിലേക്ക് വന്നതെന്നും മല്‍സരിക്കുന്ന കാര്യത്തില്‍ തീരുമാനം എടുത്തിട്ടില്ല എന്നുമാണ് പൂന്തുറ സിറാജ് പ്രതികരിച്ചത്.

    English summary
    CPM Says will not allowed to Contest Poonthura Siraj as LDF Candidate
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X