Click it and Unblock the Notifications
Just In
Don't Miss
-
കുടുംബത്തിന്റെ ഭദ്രതയ്ക്ക് വേണ്ടിയാണെങ്കിലും വിഷമമുണ്ട്; മഞ്ജുവിനെക്കുറിച്ച് ഉർവശി പറഞ്ഞത് -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
സിപിഎം നിരാഹാരസമരം തുടങ്ങി
തിരുവനന്തപുരം: പാചകവാതക വില വര്‍ദ്ധനക്കെതിരെ സിപിഎം നടത്തുന്ന അനിശ്ചിതകാല നിരാഹാര സമരത്തിന് തുടക്കമായി. സംസ്ഥാനത്തൊട്ടാകെ 1400 കേന്ദ്രങ്ങളിലായാണ് സമരം നടക്കുന്നത്. എറണാകുളത്ത് സിപിഎം സംസ്ഥാന സെക്രട്ടറി പിണറായി വിജയനും തിരുവനന്തപുരത്ത് പാര്‍ട്ടി പോളിറ്റ് ബ്യൂറോ അംഗം കോടിയേരി ബാലകൃഷ്ണനും സമരം ഉദ്ഘാടനം ചെയ്തു. എന്നാല്‍ സമരത്തില്‍ പ്രതിപക്ഷ നേതാവ് വിഎസ് അച്യുതാനന്ദന്റെ അസാന്നിധ്യമാണ് ഏറെ ശ്രദ്ധിക്കപ്പെട്ടത്.
പാചക വാതകത്തിന്റെ വില കൂട്ടിയത് റിലയന്‍സിന് വേണ്ടിയാണെന്ന് പിണറായി വിജയന്‍ എറണാകുളത്ത് ആരോപിച്ചു. കോര്‍പ്പറേറ്റുകളാണ് വില നിയന്ത്രിക്കുന്നതെന്നും അദ്ദേഹം പറഞ്ഞു.
എല്ലാ സമരങ്ങളും വിജയിക്കണം എന്നില്ലെന്നാണ് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍ തിരുവനന്തപുരത്ത് സമരം ഉദ്ഘാടനം ചെയ്ത് പറഞ്ഞത്. ചില സമരങ്ങള്‍ അമര്‍ന്നു കത്തും, ചിലത് ആളിക്കത്തും. അമര്‍ന്ന് കത്തുന്ന സമരത്തിന്റെ ഒടുവില്‍ സ്‌ഫോടനമാകും ഉണ്ടാകുക. അതില്‍ ഉമ്മന്‍ ചാണ്ടിയുടെ സര്‍ക്കാര്‍ തകരും- കോടിയേരി പറഞ്ഞു.
സോളാര്‍ തട്ടിപ്പുമായി ബന്ധപ്പെട്ട് ഇടതുമുന്നണി തുടങ്ങിവച്ച സമരങ്ങള്‍ എങ്ങുമെത്താതെ പിന്‍വലിച്ചിരുന്നു. ഇതിന്റെ ചീത്തപ്പേരില്‍ നിന്ന് രക്ഷപ്പെടാനാണ് ഇപ്പോള്‍ അനിശ്ചിത കാല നിരാഹാര സമരം തുടങ്ങിയിരിക്കുന്നത്. ജനകീയ പ്രശ്‌നങ്ങളില്‍ ഇടപെട്ടുകൊണ്ടുള്ള സമരം എന്ന രീതിയിലാണ് പാചകവാതക വിലവര്‍ദ്ധക്കെതിരെയുള്ള സമരത്തെ സിപിഎം വിലയിരുത്തുന്നത്. പതിവില്‍ നിന്ന് വ്യത്യസ്തമായി ഘടകക്ഷികളെ കൂട്ടാതെ സിപിഎം ഒറ്റക്കാണ് സമരം ചെയ്യുന്നത് എന്നതും ശ്രദ്ധേയമാണ്.
