മൊയ്തീന്റെ വീട്ടിലേക്ക് മാര്ച്ചുമായി കോണ്ഗ്രസ് പ്രവര്ത്തകര്; അടിച്ചോടിച്ച് സിപിഎം പ്രവര്ത്തകര്
തൃശൂര്: മുന് മന്ത്രി എസി മൊയ്തീന്റെ വീട്ടില് എന്ഫോഴ്സ്മെന്റ് ഡയറക്ടറേറ്റിന്റെ റെയ്ഡ് നടക്കുന്നതറിഞ്ഞ് പ്രകടനവുമായെത്തിയ കോണ്ഗ്രസ് പ്രവര്ത്തകരെ അടിച്ചോടിച്ച് സി പി എം പ്രവര്ത്തകര്. വടക്കാഞ്ചേരി തെക്കുംകരയിലുള്ള എസി മൊയ്തീന്റെ വീട്ടിലാണ് ഇന്ന് രാവിലെ മുതല് ഇഡി റെയ്ഡ് ആരംഭിച്ചത്. രാവിലെ ഏഴ് മണിക്ക് ആരംഭിച്ച റെയ്ഡ് ഇപ്പോഴും തുടരുകയാണ്.
മൊയ്തീനുമായി ബന്ധമുള്ളവരുടെ വീട്ടിലും റെയ്ഡ് നടക്കുന്നതായാണ് വിവരം. ഇതോടെ എം എല് എ സ്ഥാനത്ത് നിന്ന് മൊയ്തീന് രാജി വെക്കണമെന്ന് ആവശ്യപ്പെട്ട് കൊണ്ടായിരുന്നു യു ഡി എഫ് പ്രവര്ത്തകര് മാര്ച്ച് സംഘടിപ്പിച്ചത്. എസി മൊയ്തീന്റെ വീട്ടിലേക്ക് നടത്തിയ മാര്ച്ചിനെതിരെ സ്ഥലത്തുണ്ടായിരുന്ന സി പി എം പ്രവര്ത്തകര് ഒന്നടങ്കം മുന്നോട്ട് വരികയായിരുന്നു.
യു ഡി എഫ് പ്രവര്ത്തകരെ സി പി എം മര്ദ്ദിച്ചതോടെ പ്രതിഷേധവുമായെത്തിയ യുഡിഎഫ് പ്രവര്ത്തകര് പിന്തിരിഞ്ഞോടി. അതേസമയം ജനാധിപത്യപരമായി പ്രതിഷേധിക്കുന്നവരെ മര്ദ്ദിച്ച് ഒതുക്കുകയായിരുന്നു സിപിഎം എന്ന് പ്രാദേശിക യുഡിഎഫ് നേതാക്കളും പ്രവര്ത്തകരും പറഞ്ഞു. വിവരമറിഞ്ഞ് സ്ഥലത്തെത്തിയ പൊലീസുകാരോട് സി പി എം നേതാക്കള് തട്ടിക്കയറുകയും ചെയ്തു.
അതേസമയം എന്ഫോഴ്സ്മെന്റ് ഡയറക്ടറേറ്റിലെ കൊച്ചിയില് നിന്നുള്ള പന്ത്രണ്ട് ഉദ്യോഗസ്ഥരാണ് റെയ്ഡ് നടത്തുന്നത്. കരുവന്നൂര് സഹകരണ ബാങ്കില് 300 കോടി രൂപയുടെ തട്ടിപ്പ് നടന്നു എന്നാണ് പരാതി. മൊയ്തീനുമായി ബന്ധമുള്ളവര് ബാങ്കില് വായ്പാ ഇടപാട് നടത്തിയതായി ആരോപണമുണ്ട്. കേസില് സി പി എം മുന് ഏരിയ സെക്രട്ടറിയും മുന് ജില്ലാ സെക്രട്ടേറിയറ്റ് അംഗവുമായ സി കെ ചന്ദ്രന്റെയും മൊയ്തീന്റേയും പങ്ക് അന്വേഷിക്കണമെന്ന് ഒന്നാം പ്രതി സുനില് കുമാറിന്റെ അച്ഛന് പറഞ്ഞിരുന്നു.
കരുവന്നൂര് ബാങ്ക് സെക്രട്ടറിയായിരുന്ന സുനില് കുമാര് ജയിലിലാണ്. ഭരണ സമിതി തീരുമാനമെടുത്ത് വരുന്ന ഫയലുകളില് ഒപ്പിടുക മാത്രമേ മകന് ചെയ്തിട്ടുള്ളൂ എന്നാണ് രാമകൃഷ്ണന്റെ വാദം. രേഖകളില്ലാതെയും ഈടില്ലാതെയുമുള്ള അപേക്ഷകളില് പാര്ട്ടി ബന്ധം മാത്രം നോക്കി വായ്പ കൊടുക്കാന് തീരുമാനിച്ചത് ഈ നേതാക്കളുടെ അറിവോടെയാണെന്നാും രാമകൃഷ്ണന് പറയുന്നു.
എന്നാല് ആരോപണങ്ങള് മൊയ്തീന് നിഷേധിച്ചിരുന്നു. തട്ടിപ്പുകാരന്റെ അച്ഛന് എന്തുകൊണ്ടാണ് അങ്ങനെ പറഞ്ഞതെന്ന് അറിയില്ല. 2016 ല് പാര്ട്ടി ജില്ലാ സെക്രട്ടറി സ്ഥാനത്ത് നിന്നു മാറിയതാണ് താനെന്നും ആരോപണങ്ങളില് പൊലീസ് അന്വേഷിച്ചു നടപടിയെടുക്കട്ടെ എന്നുമായിരുന്നു മൊയ്തീന്റെ പ്രതികരണം.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google