കേരളത്തിന്റെ തിരഞ്ഞെടുപ്പ് ഐക്കണായി സഞ്ജു സാംസൺ: ഇ ശ്രീധരനെ ഒഴിവാക്കി; ഫോട്ടോ നീക്കം ചെയ്യാൻ നിർദേശം
തിരുവനന്തപുരം: നിയമസഭാ തിരഞ്ഞെടുപ്പിനുള്ള തിയ്യതി പ്രഖ്യാപിച്ചതിന് പിന്നാലെ ക്രിക്കറ്റ് താരം സഞ്ജു സാംസണെ സംസ്ഥാനത്ത് തെരഞ്ഞെടുപ്പ് ഐക്കണായി തെരഞ്ഞെടുത്തു. മുഖ്യ തെരഞ്ഞെടുപ്പ് ഓഫീസറാണ് തിരഞ്ഞെടുപ്പ് ഐക്കണെ തെരഞ്ഞെടുക്കുന്നത്. കഴിഞ്ഞ നിയമസഭാ തിരഞ്ഞെടുപ്പിൽ ഇ ശ്രീധരനെയും കെ എസ് ചിത്രയെയുമായിരുന്നു ഐക്കണായി തിരഞ്ഞെടുത്തത്. എന്നാൽ ഇത്തവണ ഇ ശ്രീധരൻ ബിജെപിയിൽ ചേർന്നതിനാൽ അദ്ദേഹത്തെ ഐക്കൺ സ്ഥാനത്ത് നിന്ന് ഒഴിവാക്കിയിട്ടുണ്ട്. എന്നാൽ കെഎസ് ചിത്ര ഇത്തവണയും ഐക്കൺ സ്ഥാനത്ത് തുടർന്നേക്കും. ചിത്രയിൽ നിന്ന് ഇതിനുള്ള അനുമതിയും തേടിയിട്ടുണ്ട്.
Recommended Video
ഇന്ധന വിലയില് രാജ്യസഭയില് പ്രതിപക്ഷ പ്രതിഷേധം; സമ്മേളനം നീട്ടിവെക്കണമെന്ന് തൃണമൂല് കോണ്ഗ്രസ്
കെ. സുരേന്ദ്രന് നയിച്ച വിജയയാത്രയുടെ സമാപന വേദിയില് അമിത് ഷാ, ചിത്രങ്ങള് കാണാം
അതേ സമയം തന്നെ എല്ലാ ഓഫീസുകളിൽ നിന്നും ഇ ശ്രീധരൻറെ ചിത്രം നീക്കം ചെയ്യാനും മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ ജില്ലാ കളക്ടർമാരോടും മറ്റ് തിരഞ്ഞെടുപ്പ് ഉദ്യോഗസ്ഥരോടും നിർദ്ദേശിച്ചിട്ടുണ്ട്. നിയമസഭാ തിരഞ്ഞെടുപ്പിന് മുമ്പായി ബിജെപിയ്ക്കൊപ്പം ചേർന്ന ഇ ശ്രീധരൻ കെ സുരേന്ദ്രൻ നടത്തിയ വിജയ യാത്രയിലും പങ്കെടുത്തിരുന്നു. സമാപന സമ്മേളനത്തിലും പങ്കെടുത്തു. ഈ പ്രായത്തിലും ദേഹബലവും ആത്മബലവും ഉണ്ടെന്നും അത് കേരളത്തിന് വേണ്ടി വിനിയോഗിക്കാനാണ് ബിജെപി പ്രവേശനമെന്നുമാണ് പാർട്ടി പ്രവേശനത്തെക്കുറിച്ച് അദ്ദേഹത്തിന്റെ പ്രതികരണം.
രുഹാനി ശര്മയുടെ ഏറ്റവും പുതിയ ചിത്രങ്ങള് കാണാം