നെഞ്ചത്തടിയുടെ അകമ്പടിയില് ഉഗ്രന് നിലവിളി! അതും പുരുഷന്മാര് വക!! എന്താണെന്നറിയണ്ടേ!!
കരച്ചിലു നടത്തുന്നതാകട്ടെ പുരുഷന്മാരും. അതും ഒന്നാന്തരം നെഞ്ചത്തടിയുമായി. വന്നവരും പോയവരുമൊക്കെ പുതിയ സമര രീതി കൗതുകത്തോടെ നോക്കി നിന്നു.
തിരുവനന്തപുരം: വിവിധ സമരങ്ങള്ക്ക് നമ്മുടെ സെക്രട്ടറിയേറ്റ് സാക്ഷ്യം വഹിച്ചിട്ടുണ്ട്. ഉപവാസ സമരം മുതല് നില്പ്പ് സമരം വരെ ഇവിടെ ഉണ്ടായിട്ടുണ്ട്.എന്നാല് ഏറെ വ്യത്യസ്തമായ മറ്റൊരു സമരത്തിനാണ് ഇന്ന് സെക്രട്ടറിയേറ്റ് സാക്ഷ്യം വഹിച്ചത്. സമരം മറ്റൊന്നുമല്ല, കൂട്ടക്കരച്ചില്.
കരച്ചിലു നടത്തുന്നതാകട്ടെ പുരുഷന്മാരും. അതും ഒന്നാന്തരം നെഞ്ചത്തടിയുമായി. വന്നവരും പോയവരുമൊക്കെ പുതിയ സമര രീതി കൗതുകത്തോടെ നോക്കി നിന്നു. പുരുഷന്മാരുടെ കൂട്ടക്കരച്ചിലിലെ ഒറിജിനിലാറ്റി കണ്ട് കാരുണ്യ പദ്ധതി അട്ടിമറിക്കുന്ന സര്ക്കാരിനെ സമരം ചെയ്യാനെത്തിയ മാണി സാറും അന്തിച്ചു പോയി.
കാസര്കോട് മലയോര മേഖലയില് നിന്നുള്ളവരുടെ കരച്ചില് സമരമാണ് സെക്രട്ടറിയേറ്റിന് മുന്നില് കൗതുകമായത്. ബദിയടുക്ക മോഖലയിലെ റോഡുകളുടെ ശോച്യാവസ്ഥ പരിഹരിക്കണമെന്നാവശ്യപ്പെട്ട് ജനകീയ സമിതിയുടെ നേതൃത്വത്തിലാണ് സമരം നടന്നത്.
സെക്രട്ടറിയേറ്റിന് മുന്നില് സമരപ്പന്തല് തീര്ത്ത് അവിടെ കുത്തിയിരുന്നായിരുന്നു കരച്ചില് സമരം. കരയുന്ന കുഞ്ഞിനെ പാലുള്ളു എന്ന സര്ക്കാര് നയം അവസാനിപ്പിക്കണമെന്ന് സമരക്കാര് ആവശ്യപ്പെട്ടു. ഇതിനു മുമ്പ് വിവിധ ആവശ്യങ്ങള് ഉന്നയിച്ച് വിഎസ്ഡിപി നിലവിളി സമരം നടത്തിയിരുന്നു.