Get Updates
Get notified of breaking news, exclusive insights, and must-see stories!

ജലാല്‍ സ്വര്‍ണ്ണം കടത്താന്‍ ഉപയോഗിച്ചിരുന്ന കാര്‍ കണ്ടെത്തി; രഹസ്യ അറ

കൊച്ചി: സ്വര്‍ണ്ണകള്ള കടത്ത് കേസില്‍ കസ്റ്റംസില്‍ കീഴടങ്ങിയ ജലാല്‍ സ്വര്‍ണ്ണം കടത്താന്‍ ഉപയോഗിച്ചിരുന്ന കാര്‍ കണ്ടെത്തി. മലപ്പുറം തീരുരങ്ങാടി രജിസ്‌ട്രേഷന്‍ ഉള്ള കാര്‍ ജലാലിന്റെ വീട്ടില്‍ നിന്നുമാണ് കണ്ടെത്തിയത്. വാഹനം കൊച്ചിയിലെ കസ്റ്റംസ് ഓഫീസില്‍ എത്തിച്ചു.

ജലാലിന്റെ ഉടമസ്ഥതയുള്ള കാറില്‍ സ്വര്‍ണ്ണകടത്തിനായി പ്രത്യേകം രഹസ്യ അറ സജ്ജീകരിച്ചിട്ടുണ്ട്. കാറിന്റെ മുന്‍സീറ്റിന് അടിയിലാണ് അറ സജ്ജമാക്കിയിട്ടുള്ളത്. ഇതില്‍ ഒളിപ്പിച്ചാണ് സ്വര്‍ണ്ണം കടത്തുന്നതെന്നാണ് റിപ്പോര്‍ട്ട്. മലപ്പുറം സ്വദേശിയില്‍ നിന്നുമാണ് കാര്‍ വാങ്ങിയിട്ടുള്ളത്. കാറിന്റെ രജിസ്ര്‌ടേഷന്‍ ഇതുവരെ മാറിയിട്ടില്ല.

gold

ഇന്ന് രാവിലെയായിരുന്നു ജലാല്‍ കൊച്ചി കസ്റ്റംസില്‍ കീഴടങ്ങിയത്. മൂവാറ്റുപുഴ സ്വദേശിയായ ജലാല്‍ ഇതുവരെ 60 കോടിയിലേറെ രൂപയുടെ സ്വര്‍ണ്ണം കടത്തിയിട്ടുള്ളതായാണ് റിപ്പോര്‍ട്ട്. വര്‍ഷങ്ങളായി അന്വേഷണ ഏജന്‍സി തിരയുന്ന ജലാല്‍ സ്വമേധയാ കീഴടങ്ങുകയായിരുന്നു.

Recommended Video

cmsvideo
    How Swapna Suresh And Sandeep Nair Escaped From Kerala; Here All Details | Oneindia Malayalam

    നെടുമ്പാശേരിയില്‍ കസ്റ്റംസ് ഉദ്യോഗസ്ഥന്‍ ഉള്‍പ്പെട്ട സ്വര്‍ണ്ണകടത്ത് കേസിലും തിരുവനന്തപുരത്ത് എയര്‍ഇന്ത്യാ സാറ്റ്‌സ് ജീവനക്കാരന്‍ ഉള്‍പ്പെട്ട കേസിലേയും മുഖ്യകണ്ണിയാണ് ഇയാള്‍. തിരുവനന്തപുരം വിമാനത്താവളം കേന്ദ്രീകരിച്ച് നടന്ന സ്വര്‍ണ്ണകടത്ത് കേസില്‍ പിടിയിലായ റമീസുമായും ഇയാള്‍ക്ക് ബന്ധമുണ്ട്. കേസില്‍ ജലാല്‍ അടക്കം മൂന്ന് പേരാണ് കസ്റ്റംസില്‍ പിടിയിലായിട്ടുള്ളത്.

    ജൂണ്‍മാസത്തിലും രണ്ട് തവണ നയതന്ത്ര ചാനല്‍ വഴി സ്വര്‍ണ്ണകടത്ത് നടന്നിരുന്നുവെന്ന് തെളിഞ്ഞിട്ടുണ്ട്. ജൂണ്‍ 24, 26 തിയ്യതികളിലാണ് ഡിപ്ലോമാറ്റിക് ബാഗ് എത്തുന്നത്. യുഎഇ കോണ്‍സുലേറ്റിലെ അറ്റാഷയുടെ പേരിലാണ് ബാഗ് വിമാനത്താവളത്തിലെത്തിയിരുന്നത്. സരിതാണ് ഇത് കൈപറ്റിയത്.

    രണ്ട് തവണയായാണ് സ്വര്‍ണ്ണം കടത്തിയത്. ജൂണ്‍ 24 ന് ഒന്‍പത് കിലോ സ്വര്‍ണ്ണവും 26 ന് 18 കിലോ സ്വര്‍ണ്ണവുമാണ് കടത്തിയത്. കള്ളകടത്തിന് പിന്നില്‍ സ്വപ്‌നയും സന്ദീപും സരിത്തും തന്നെയാണെന്നും വ്യക്തമായിരുന്നു. കേസില്‍ മൂന്നാം പ്രതിയാണ് ദുബൈയില്‍ വ്യവസായിയായ ഫൈസല്‍ ഫരീദ്. ഇയാളാണ് സ്വര്‍ണ്ണം കയറ്റി അയക്കുന്നത്.

    അതേസമയം കേസിലെ മുഖ്യപ്രതികളിലൊരാളായ സ്വപ്‌ന സുരേഷിന്റെ വ്യാജ ബിരുദകേസില്‍ അന്വേഷണത്തിന് പ്രത്യേകം അന്വേഷണ സംഘത്തെ ചുമതലപ്പെടുത്തിയിരിക്കുകയാണ്. കന്റോണ്‍മെന്റ് അസിസ്റ്റന്റ് കമ്മീഷണറുടെ നേതൃത്വത്തിലാണ് അന്വേഷണം.

    More From
    Prev
    Next
    Notifications
    Settings
    Clear Notifications
    Notifications
    Use the toggle to switch on notifications
    • Block for 8 hours
    • Block for 12 hours
    • Block for 24 hours
    • Don't block
    Gender
    Select your Gender
    • Male
    • Female
    • Others
    Age
    Select your Age Range
    • Under 18
    • 18 to 25
    • 26 to 35
    • 36 to 45
    • 45 to 55
    • 55+