ബിപോര്ജോയ് അതിതീവ്രചുഴലിക്കാറ്റായി ശക്തി പ്രാപിച്ചു; ശക്തമായ മഴ, ഈ ജില്ലകളില് യെല്ലോ അലര്ട്ട്
തിരുവനന്തപുരം: കഴിഞ്ഞ ദിവസം മധ്യ - കിഴക്കന് അറബിക്കടലിന് മുകളില് രൂപപ്പെട്ട ബിപോര്ജോയ് ചുഴലിക്കാറ്റ് അതി-തീവ്രചുഴലിക്കാറ്റായി ശക്തി പ്രാപിച്ചെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. വടക്ക് ദിശയില് സഞ്ചരിക്കുന്ന ബിപോര്ജോയ് മധ്യ-കിഴക്കന് അറബിക്കടലിനു മുകളില് അടുത്ത 24 മണിക്കൂറില് വടക്ക് ദിശയിലേയ്ക്കും തുടര്ന്നുള്ള 3 ദിവസം വടക്ക്- വടക്ക്പടിഞ്ഞാറു ദിശയിലേയ്ക്കും സഞ്ചരിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഈ സാഹചര്യത്തില് ജൂണ് 7 മുതല് 11 വരെ ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. മഴയുടെ പശ്ചാത്തലത്തില് കാലാവസ്ഥ വകുപ്പ് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
07-06-2023 : തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, ഇടുക്കി
08-06-2023 : ആലപ്പുഴ, എറണാകുളം
09-06-2023 : തിരുവനന്തപുരം, കൊല്ലം, പത്തനംതിട്ട, ആലപ്പുഴ
10-06-2023 : പത്തനംതിട്ട, ഇടുക്കി
11-06-2023 : പത്തനംതിട്ട, ഇടുക്കി
എന്നീ ജില്ലകളിലാണ് കേന്ദ്ര കാലാവസ്ഥാവകുപ്പ് യെല്ലോ അലര്ട്ട് പ്രഖ്യാപിച്ചിരിയ്ക്കുന്നത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
മോശം കാലാവസ്ഥ: കേരള - കര്ണാടക തീരങ്ങളില് മത്സ്യബന്ധനം പാടില്ല
ഇന്ന് വടക്കന് കേരളതീരങ്ങളിലും കര്ണാടക തീരത്തും വെള്ളിയാഴ്ച (ജൂണ് 9) കര്ണാടക തീരത്തും ശനിയാഴ്ച (ജൂണ് 10) വടക്കന് കര്ണാടക തീരങ്ങളിലും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയെന്ന് കേന്ദ്രകാലാവസ്ഥാ വകുപ്പ്. മൂന്നറിയിപ്പുള്ള ദിവസങ്ങളില് ഈ പ്രദേശങ്ങളില് മത്സ്യബന്ധനത്തിന് പോകരുത്. അതേസമയം ലക്ഷദ്വീപ് പ്രദേശത്ത് മത്സ്യബന്ധനത്തിന് തടസമില്ല.
മധ്യ-കിഴക്കന് അറബിക്കടല് അതിനോട് ചേര്ന്ന തെക്ക് കിഴക്കന് അറബിക്കടല് എന്നിവിടങ്ങളില് മണിക്കൂറില് 105 മുതല് 115 കിലോമീറ്റര് വരെയും ചില അവസരങ്ങളില് 125 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുണ്ട്. രാത്രിയോടെ കാറ്റിന്റെ വേഗത ഈ പ്രദേശങ്ങളില് മണിക്കൂറില് 125 മുതല് 135 കിലോമീറ്റര് വരെയും ചില അവസരങ്ങളില് 155 കിലോമീറ്റര് വരെയും മാറാന് സാധ്യതയുണ്ട്.
മധ്യ-പടിഞ്ഞാറന് & തെക്കന് അറബിക്കടല് പ്രദേശങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും ആന്ഡമാന് കടല്, മധ്യ-കിഴക്കന് അതിനോട് ചേര്ന്ന മധ്യ-പടിഞ്ഞാറന് ബംഗാള് ഉള്ക്കടല്, തെക്ക് -കിഴക്കന് അതിനോട് ചേര്ന്ന തെക്ക്-പടിഞ്ഞാറന് ബംഗാള് ഉള്ക്കടല്, ശ്രീലങ്കന് തീരം എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
Click it and Unblock the Notifications
Sign in with Google