കേരളത്തിലും തമിഴ്നാട്ടിലും ചിലയിടങ്ങളിൽ വെള്ളപ്പൊക്കത്തിന് സാധ്യത; കേന്ദ്ര ജലകമ്മിഷന്റെ മുന്നറിയിപ്പ്
തിരുവനന്തപുരം: ടൗട്ടേ ചുഴലിക്കാറ്റിന്റെ പശ്ചാത്തലത്തില് തമിഴ്നാട്, കേരള സംസ്ഥാനങ്ങള്ക്കായി ഓറഞ്ച് ബുള്ളറ്റിന് പുറത്തിറക്കി കേന്ദ്ര ജല കമ്മിഷന്. രണ്ട് സംസ്ഥാനങ്ങളിലും ചിലയിടങ്ങളില് വെള്ളപ്പൊക്കത്തിന് സാധ്യതുള്ളതിനെ തുടര്ന്നാണ് കേന്ദ്ര ജല കമ്മിഷന്റെ മുന്നറിയിപ്പ്.
കേരളത്തിലെ അച്ചന്കോവിലാറിലും, മണിമല എന്നീ നദികളിലും തമിഴ്നാട്ടിലെ കോഡയാര് നദിയിലും ജലനിരപ്പ് ക്രമാധീതമായി ഉയരാനും സാധ്യതയുണ്ട്. ഈ നദിയുടെ തീരങ്ങളില് കഴിയുന്നവര് ജാഗ്രത പാലിക്കണം. ചുഴലിക്കാറ്റിനെ തുടര്ന്ന് കേരളത്തില് ശക്തമായ മഴയാണ് അനുഭവപ്പെടുന്നത്. ഈ സാഹചര്യത്തിലാണ് കേരളത്തിലെ നദികളില് ജലനിരപ്പ് കേന്ദ്ര ജല കമ്മിഷന് വിലയിരുത്തിയത്.
ലോക്ക്ഡൗണില് ഹൈദരാബാദ്- ചിത്രങ്ങള് കാണാം
മണിമലയാര്, അച്ചന്കോവിലാര് എന്നിവയുടെ കരകളില് വസിക്കുന്നവര് അതീവ ജാഗ്രത പാലിക്കുക. ആവശ്യമെങ്കില് സുരക്ഷിതമായ ക്യാമ്പുകളിലേക്ക് മാറണമെന്നും മുന്നറിയിപ്പില് പറയുന്നു. അതേസമയം, മെയ് 15 മുതല് മെയ് 17 വരെ കേരളത്തില് ഒറ്റപ്പെട്ടയിടങ്ങളില് 30-50 കി.മീ.വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇതിനിടെ, ചുഴലിക്കാറ്റിന്റെ സ്ഥിതിഗതികള് വിലയിരുത്താന് പ്രധാനമന്ത്രി നരേന്ദ്ര മോദിയുടെ അധ്യക്ഷതയില് യോഗം ചേരുന്നുണ്ട്.
ഗ്ലാമറസ് ഫോട്ടോഷൂട്ടുമായി മസൂം ശങ്കര്, വൈറലായ ചിത്രങ്ങള് കാണാം
Click it and Unblock the Notifications
Sign in with Google