ആരതി വധക്കേസ്: സയനൈഡ് മോഹനന് ആറാം വധശിക്ഷ
കാസര്കോട്: കൊടും ക്രൂരതയ്ക്കു വീണ്ടും തൂക്കുകയര്. ഇരുപതോളം യുവതികളെ സയനൈഡ് നല്കി കൊലപ്പെടുത്തിയ കേസില് ബണ്ട്വാള് കന്യാനയിലെ കായികാധ്യാപകന് മോഹന് കുമാറിനാണ് മംഗളൂരു അഡീഷനല് ജില്ലാ ആന്ഡ് സെഷന്സ് കോടതി ആറാം വധശിക്ഷ വിധിച്ചത്. കാസര്കോട് ബദിയഡുക്കപഡ്രെയിലെ രാമന്റെ മകളും ബീഡിത്തൊഴിലാളിയുമായ ആരതി നായകിനെ (23) കൊലപ്പെടുത്തിയ കേസിലാണ് ശിക്ഷ.
ദക്ഷിണ കാനറ മേഖലയിലെ മൊത്തം 20 യുവതികളെയാണു മോഹന് കുമാര് സയനൈഡ് നല്കി കൊലപ്പെടുത്തിയത്. സുള്ള്യയില് ഹോസ്റ്റല് ജീവനക്കാരി ആയിരുന്ന കാസര്കോട് മുള്ളേരിയ കുണ്ടാര് സ്വദേശിനി പുഷ്പാവതിയെ (21) കൊലപ്പെടുത്തിയ കേസില് മാത്രമാണു വിധി പറയാന് ബാക്കിയുള്ളത്. ഇയാള്ക്ക് 5 കേസുകളില് വധശിക്ഷയും 13 കേസുകളില് ജീവപര്യന്തവും നേരത്തെ വിധിച്ചിട്ടുണ്ട്. ഒരു കേസില് വധശിക്ഷ ഹൈക്കോടതി ശരിവെച്ചു. രണ്ടുകേസുകളില് ജീവപര്യന്തമായി ചുരുക്കി. ബാക്കിയുള്ള വധശിക്ഷ വിധികളില് ഹൈക്കോടതി പിന്നീട് വിധി പ്രഖ്യാപിക്കും.
ആരതി വധത്തില് വധശിക്ഷയ്ക്കു പുറമേ വിവിധ വകുപ്പുകളിലായി മൊത്തം 55,000 രൂപ പിഴയും ഒന്നു മുതല് 10 വര്ഷം വരെ തടവും വിധിച്ചിട്ടുണ്ട്. ശിക്ഷ ഒന്നിച്ച് അനുഭവിച്ചാല് മതി. ആരതിയുടെ ആഭരണങ്ങള് അമ്മയ്ക്ക് കൈമാറാനും ഇരയ്ക്ക് നഷ്ടപരിഹാരം നല്കാനുള്ള കര്ണാടക നിയമ പ്രകാരം ജില്ലാ ലീഗല് സര്വീസ് അതോറിറ്റി നഷ്ടപരിഹാരം നിശ്ചയിക്കാനും കോടതി നിര്ദേശിച്ചു.
2006 ജനുവരിയിലാണ് ആരതി കൊല്ലപ്പെട്ടത്. ഒരു വിവാഹ ചടങ്ങിനിടെയാണ് ഇവരെ മോഹന് കുമാര് പരിചയപ്പെട്ടത്. തുടര്ന്ന് വിവാഹ വാഗ്ദാനം നല്കി വലയിലാക്കി. ആരതിയുടെ വീട്ടിലും മോഹന് കുമാര് ചെന്നിരുന്നു. 2006 ജനുവരി 3ന് കൂട്ടുകാര്ക്കൊപ്പം വിനോദ യാത്ര പോകുന്നെന്നും പറഞ്ഞ് ആരതി വീട്ടില് നിന്നിറങ്ങി പുത്തൂര് ബസ് സ്റ്റാന്ഡിലും അവിടെ നിന്നു മോഹന്കുമാറിനൊപ്പം മൈസൂരു ബസ് സ്റ്റാന്ഡിലും എത്തി. മൈസൂരു കെഎസ്ആര്ടിസി ബസ് സ്റ്റാന്ഡിനടുത്ത് ഹോട്ടലില് മുറിയെടുത്ത് ശാരീരിക ബന്ധത്തില് ഏര്പ്പെട്ടു.
പിറ്റേന്നു രാവിലെ തന്ത്രപൂര്വം ആഭരണങ്ങള് അഴിച്ചു വയ്പ്പിച്ച ശേഷം ആരതിയെയും കൂട്ടി മോഹന്കുമാര് ബസ് സ്റ്റാന്ഡിലെത്തി. ഗര്ഭിണിയാകാതിരിക്കാനുള്ള മരുന്നെന്നു പറഞ്ഞു സയനൈഡ് ഗുളിക നല്കി. ഛര്ദിക്കാന് സാധ്യത ഉള്ളതിനാല് മാറി നിന്നു കഴിക്കാന് നിര്ദേശിച്ചു. തുടര്ന്നു ശുചിമുറിയില് കയറി ഗുളിക കഴിച്ച ആരതി തല്ക്ഷണം മരിച്ചു. പിന്നീട് മുറിയിലെത്തിയ മോഹന് കുമാര് ആരതിയുടെ ആഭരണങ്ങളും എടുത്ത് നാട്ടിലേക്കു മടങ്ങി.
ആരതി തിരിച്ചെത്താത്തതിനെ തുടര്ന്നു കാണാനില്ലെന്നു കാണിച്ച് പിതാവ് ബദിയട്ക്ക പൊലീസില് പരാതി നല്കിയിരുന്നു. ഇതില് അന്വേഷണം എങ്ങുമെത്താതെ നില്ക്കവേയാണ് മൂന്നര വര്ഷത്തിനു ശേഷം 2009 ഒക്ടോബര് 21ന് മോഹന് കുമാര് മറ്റൊരു യുവതിയുടെ തിരോധാനവുമായി ബന്ധപ്പെട്ട കേസില് പിടിയിലാകുന്നത്. ചോദ്യം ചെയ്യലില് ആരതി അടക്കം 20 യുവതികളെ കൊലപ്പെടുത്തയതായി ഇയാള് മൊഴി നല്കിയതോടെയാണ് ഇത്രയും യുവതികളുടെ തിരോധാനത്തിനു തുമ്പുണ്ടായത്. ദക്ഷിണകാനറയെ ഞെട്ടിച്ച കൂട്ടക്കൊലപാതകകേസിലെ പ്രതിയെ മംഗളൂര് പൊലിസ് ശാസ്ത്രീയ അന്വേഷണത്തിലൂടെയാണ് കുടുക്കിയത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google