പ്രമുഖ യുക്തിവാദി ഇഎ ജബ്ബാറിന് ഐസിസിന്റെ വധഭീഷണി
മലപ്പുറം: കേരളത്തിലെ അറിയപ്പെടുന്ന് യുക്തിവാദികളില് ഒരാളും ഇസ്ലാം വിമര്ശകനും ആയ ഇഎ ജബ്ബാറിന് ഐസിസിന്റെ വധഭീഷണി. ഇത് സംബന്ധിച്ച് മുഖ്യമന്ത്രിയ്ക്കും ഡിജിപിയ്ക്കും പരാതി നല്കിയിട്ടുണ്ട്.
ഐസിസ് അനുകൂല ബ്ലോഗിലൂടെയാണ് ഇഎ ജബ്ബാറിനെ വധിയ്ക്കുമെന്ന് ഭീഷണിപ്പെടുത്തിയിട്ടുള്ളത്. ഐസിസിനെ അനുകൂലിയ്ക്കുന്ന മുഹാജിറന് എന്ന ബ്ലോഗിലാണ് ഭീഷണി പ്രത്യക്ഷപ്പെട്ടത്.
ഐസിസ് അനുകൂല ലേഖനങ്ങളുടെ പേരില് നേരത്തേയും വിവാദത്തിലായ ബ്ലോഗ് ആണ് മുഹാജിറുന്. എന്നാല് ഈ ബ്ലോഗ് ഇപ്പോഴും സജീവമാണ്. ഇഎ ജബ്ബാര് പരാതി നല്കിയതിനെ പരിഹസിച്ചുകൊണ്ട് ബ്ലോഗില് വീണ്ടും ലേഖനം പ്രത്യക്ഷപ്പെട്ടിട്ടുണ്ട്.
'വഴിമുട്ടിയ ജിഹാദ്, വഴികാട്ടാന് ജബ്രകള്' എന്ന പേരിലാണ് പുതിയ ലേഖനം പ്രസിദ്ധീകരിച്ചിരിയ്ക്കുന്നത്. ഇന്ത്യന് ഭരണഘടനയെ യഥാര്ത്ഥ മുസ്ലീമിന് ഒരിക്കലും അംഗീകരിയ്ക്കാന് കഴിയില്ലെന്ന് ബ്ലോഗില് പറയുന്നു. അങ്ങനെയുളളവരെ പോലും ഭരണ ഘടന സംരക്ഷിയ്ക്കും എന്നതില് സന്തോഷമുണ്ടെന്നും പറയുന്നുണ്ട്.
കാര്യങ്ങള് ഇങ്ങനെയൊക്കെ ആണെങ്കില് എന്തിനാണ് പരാതി കൊടുത്തത് എന്ന് ലേഖനത്തില് ചോദിയ്ക്കുന്നു. വധഭീഷണി എന്ന കുറ്റം മാത്രമേ ചുമത്തുന്നുള്ളിു എങ്കില് സന്തോഷം എന്നും ബ്ലോഗില് പറയുന്നുണ്ട്.
ഇഎ ജബ്ബാറിന് മാത്രമല്ല വധി ഭീഷണി, സോഷ്യല് മീഡിയയിലെ സ്വതന്ത്ര ചിന്തകര്ക്കും ഉണ്ട്. തനിയ്ക്കും സുഹൃത്തുക്കള്ക്കും സംരക്ഷം വേണം എന്ന് ആവശ്യപ്പെട്ടാണ് ഇഎ ജബ്ബാര് പരാതി നല്കിയിട്ടുള്ളത്.