മലപ്പുറത്ത് ദളിത് യുവതി ക്ലോസറ്റില് പ്രസവിച്ചു.. !!! പ്രസവം മൂത്രമൊഴിക്കുന്നതിനിടെ !!
മഞ്ചേരി മെഡിക്കല് കോളേജില് ദളിത് യുവതി ക്ലോസറ്റില് പ്രസവിച്ചു. ആശുപത്രി അധികൃതരുടെ അനാസ്ഥയെന്ന് ആരോപണം.
മലപ്പുറം : മഞ്ചേരി മെഡിക്കല് കോളേജില് ദളിത് യുവതി ക്ലോസറ്റില് പ്രസവിച്ചു. അമ്മയും കുഞ്ഞും ഗുരുതരാവസ്ഥയില് തീവ്രപരിചരണ വിഭാഗത്തില് ചികില്സയിലാണ്. മലപ്പുറം കാരക്കുന്ന് പട്ടികജാതി കോളനിയിലെ യുവതിയാണ് ലേബര് റൂമിന് അടുത്തുള്ള ബാത്ത്റൂമിലെ ക്ലോസറ്റില് പ്രസവിച്ചത്.
ആശുപത്രി അധികൃതരുടെ അനാസ്ഥയാണ് സംഭവത്തിന് കാരണമെന്ന് യുവതിയുടെ ബന്ധുക്കള് ആരോപിക്കുന്നു. സംഭവ സമയത്ത് ആശുപത്രിയില് ഡ്യൂട്ടി ഡോക്ടര് ഉണ്ടായിരുന്നില്ലെന്നാണ് ബന്ധുക്കള് പറയുന്നത്. ആശുപത്രിയിലുണ്ടായിരുന്ന നഴ്സുമാര് ഗര്ഭിണിയായ യുവതിയെ ശ്രദ്ധിച്ചില്ലെന്നും ബന്ധുക്കള് ആരോപിക്കുന്നു.
ഇന്നലെ വൈകിട്ടാണ് പൂര്ണ ഗര്ഭിണിയായ യുവതിയെ ആശുപത്രിയില് പ്രവേശിപ്പിച്ചത്. മൂത്രമൊഴിക്കാനായി ബാത്ത്റൂമിലേക്ക് പോയപ്പോഴാണ് യുവതി പ്രസവിച്ചത്.അവശയായ യുവതിയേയും കുഞ്ഞിനേയും ഉടന് തന്നെ തീവ്രപരിചരണ വിഭാഗത്തിലേക്ക് മാറ്റുകയായിരുന്നു.
യുവതിയെ നഴ്സുമാര് നിര്ബന്ധിച്ച് മൂത്രമൊഴിക്കാന് അയക്കുകയായിരുന്നുവെന്നും ബന്ധുക്കള് പറയുന്നു. തുടര്ന്ന് യുവതി പ്രസവിച്ച വിവരം അറിയിച്ചപ്പോള് നഴ്സുമാര് കുറ്റപ്പെടുത്തുകയാണ് ചെയ്തതെന്നും ബന്ധുക്കള് ആരോപിക്കുന്നു. എന്നാല് ബന്ധുക്കളുടെ ശ്രദ്ധക്കുറവാണ് സംഭവത്തിന് കാരണമെന്നാണ് ആശുപത്രി അധികൃതരുടെ വാദം.
പ്രസവത്തിന് ശേഷം ആശുപത്രി സൂപ്രണ്ടിനോട് പരാതി പറഞ്ഞിട്ടും ഗൗരവത്തിലെടുത്തില്ല എന്നും ബന്ധുക്കള് പരാതിയുന്നയിക്കുന്നു.കാര്യമുള്ള വിഷയമല്ല എന്നു പറഞ്ഞ് പരാതിക്കാരെ സൂപ്രണ്ട് മടക്കി അയക്കുകയായിരുന്നു. യുവതിയുടെ ബന്ധുക്കള് ആരോഗ്യമന്ത്രിക്ക് പരാതി നല്കിയിട്ടുണ്ട്.
സംഭവത്തില് ആരോഗ്യമന്ത്രി ആശുപത്രി അധികൃതരോട് റിപ്പോര്ട്ട് തേടിയിട്ടുണ്ട്. അധികൃതരുടെ ഭാഗത്ത് നിന്നും അനാസ്ഥയുണ്ടായിട്ടുണ്ടെങ്കില് നടപടിയെടുക്കുമെന്നും ആരോഗ്യമന്ത്രി കെ കെ ശൈലജ പറഞ്ഞു.
Click it and Unblock the Notifications
Sign in with Google