Click it and Unblock the Notifications
Just In
Don't Miss
-
IPL 2024: ലോകകപ്പില് സഞ്ജു കളിക്കട്ടെ! രോഹിത്തിനു ശേഷം ഇന്ത്യന് നായകനുമാക്കൂ, ഭാജി പറയുന്നു -
ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ... -
അവനെ നോക്കിയാല് തല്ല് കിട്ടും! സാറ ഭീഷണിപ്പെടുത്തി; അനന്യ പാണ്ഡെയുടെ വെളിപ്പെടുത്തല് -
സൂര്യന് അത്യുച്ചസ്ഥായിയില്, അതിവിശേഷം പത്താമുദയം; ഏതൊരു മംഗളകാര്യത്തിനും ശുഭദിനം -
തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ് -
തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ശ്രീമതി ടീച്ചറുടെ മകനെതിരെ ദേശാഭിമാനിയില്‍ വാര്‍ത്ത; ലേഖകനെ പുറത്താക്കി?
മലപ്പുറം: സിപിഎം കേന്ദ്രകമ്മിറ്റി അംഗവും എംപിയും ആയ പികെ ശ്രീമതി ടീച്ചറുടെ മകനെതിരെ വാര്‍ത്തയെഴുതിയ ദേശാഭിമാനി ലേഖകനെ പുറത്താക്കിയതായി റിപ്പോര്‍ട്ട്. ദേശാഭിമാനി മലപ്പുറം ബ്യൂറോയിലെ റിപ്പോര്‍ട്ടര്‍ ആയ ആര്‍ ഹനീഷ് കുമാറിനെ പുറത്താക്കിയെന്നാണ് വിവരം.
പികെ ശ്രീമതിയുടെ മകന്‍ പികെ സുധീര്‍ എംഡിയായ സ്ഥാപനം സൈനിക റിക്രൂട്ട്‌മെന്റിന്റെ പേരില്‍ തട്ടിപ്പ് നടത്തിയതായി പല പത്രങ്ങളും വാര്‍ത്ത വന്നിരുന്നു. ഈ സംഭവം ദേശാഭിമാനിയില്‍ അച്ചടിച്ച് വന്നതോടെയാണ് പ്രശ്‌നമായത്.
പ്രീ റിക്രൂട്ട്‌മെന്റ് പരിശീലനത്തിന്റെ പേരില്‍ 136 ഉദ്യോഗാര്‍ത്ഥികളില്‍ നിന്ന് പതിനഞ്ച് ലക്ഷം രൂപ തട്ടിയെടുത്തു എന്നായിരുന്നു പരാതി ഉയര്‍ന്നത്. സുധീറിനൊപ്പം സിനിമ സംവിധായകന്‍ മേജര്‍ രവിയും ഈ സംഭവത്തില്‍ ആരോപണ വിധേയനാണ്.
'ഉദ്യോഗാര്‍ത്ഥികളെ കബളിപ്പിച്ച് സ്വകാര്യ സ്ഥാപനത്തിന്റെ പ്രീ റിക്രൂട്ട്‌മെന്റ് റാലി' എന്ന തലക്കെട്ടോടെയാണ് ഹനീഷ് കുമാറിന്റെ വാര്‍ത്ത ദേശാഭിമാനി പ്രസിദ്ധീകരിച്ചത്. കഴിഞ്ഞ ഏപ്രില്‍ 20 ന് ആയിരുന്നു സംഭവം. എന്നാല്‍ വാര്‍ത്തയില്‍ ഒരിടത്തും സുധീറിന്റെ പേര് പരമാര്‍ശിച്ചിരുന്നില്ല.
വിഷയം ചര്‍ച്ചയായതോടെ പികെ ശ്രീമതി തന്നെ നേരിട്ട് ദേശാഭിമാനി ജനറല്‍ മാനേജര്‍ ഇപി ജയരാജനെ പരാതി ആയി അറിയിക്കുകയായിരുന്നു എന്നാണ് റിപ്പോര്‍ട്ട്. ഇപി ജയരാജന്റെ ഭാര്യയുടെ സഹോദരിയാണ് ശ്രീമതി.
വാര്‍ത്ത എഴുതിയ റിപ്പോര്‍ട്ടറെ ഇനി ജോലിയില്‍ പ്രവേശിപ്പിക്കേണ്ടതില്ലെന്നാണത്രെ ജയരാജന്‍ നല്‍കിയിട്ടുള്ള നിര്‍ദ്ദേശം. എന്നാല്‍ പത്രത്തിന്റെ എല്ലാ എഡിഷനുകളിലും വാര്‍ത്ത വന്നതിന്റെ പേരില്‍ മറ്റാര്‍ക്കും എതിരെ നടപടിയൊന്നും എടുത്തിട്ടും ഇല്ലെന്നാണ് റിപ്പോര്‍ട്ട്.
