കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അമ്പലത്തില്‍ 'മദ്യസേവ' !!! ക്ഷേത്രം ജീവനക്കാരെ കയ്യോടെ പിടികൂടി !!!

വര്‍ക്കല ജനാര്‍ദ്ദന സ്വാമി ക്ഷേത്രത്തിലാണ് സംഭവം. പരസ്യമായി മദ്യപിച്ച തിരുവിതാംകൂര്‍ ദേവസ്വം ബോര്‍ഡ് ജീവനക്കാരെ സസ്‌പെന്റ് ചെയ്തു.

  • By മരിയ
Google Oneindia Malayalam News

തിരുവനന്തപുരം: ക്ഷേത്രത്തിലിരുന്ന് പരസ്യമായി മദ്യപിച്ച ദേവസ്വം ബോര്‍ഡ് ജീവനക്കാരെ നാട്ടുകാര്‍ പിടികൂടി. വര്‍ക്കല ജനാര്‍ദ്ദന സ്വാമി ക്ഷേത്രത്തിലാണ് സംഭവം. പരസ്യമായി മദ്യപിച്ച തിരുവിതാംകൂര്‍ ദേവസ്വം ബോര്‍ഡ് ജീവനക്കാരെ സസ്‌പെന്റ് ചെയ്തു.

മദ്യപാനം

ഞായറാഴ്ച രാത്രിയാണ് ക്ഷേത്രത്തിലെ അഡ്മിനിസ്‌ട്രേറ്റീവ് ഓഫീസിന് അടുത്തുള്ള ആട്ടപ്പുരയില്‍ ഇരുന്ന് ദേവസ്വം ജീവനക്കാര്‍ മദ്യപിച്ചത്. ക്ഷേത്രത്തിലെ വാച്ചറും, വാദ്യമേളക്കാരനും അടിച്ചുതളിക്കാരനുമാണ് സംഘത്തില്‍ ഉണ്ടായിരുന്നത്.

നാട്ടുകാര്‍ പിടികൂടി

രാത്രി കാലങ്ങളില്‍ ക്ഷേത്രത്തില്‍ വെച്ച് മദ്യസേവ നടക്കുന്നുണ്ടെന്ന് നാട്ടുകാര്‍ക്ക് സംശയം തോന്നിയതിനെ തുടര്‍ന്ന് ഇവര്‍ ഒളിച്ചിരുന്ന് കാര്യങ്ങള്‍ നിരീക്ഷിക്കുയായിരുന്നു. അപ്പോഴാണ് ജീവനക്കാരായ ശശിധരൻ, രാജേഷ്, അനില്‍കുമാര്‍ എന്നിവര്‍ മദ്യപിയ്ക്കുന്നത് കണ്ടത്.

ബിയറും റമ്മും

6 കുപ്പി ബിയറും റമ്മും കുപ്പികളും ഗ്ലാസും ക്ഷേത്രത്തിലെ ആട്ടപ്പുരയ്ക്ക് ഉള്ളില്‍ നിന്ന് കണ്ടെത്തി. സിഗരറ്റും മറ്റ് അവശിഷ്ടങ്ങളും ഇവിടെ കിടക്കുന്നുണ്ടായിരുന്നു.

കേസ്

വര്‍ക്കല പൊലീസ് എത്തി ജീവനക്കാരെ അറസ്റ്റ് ചെയ്തു. ഇവരെ കൂട്ടത്തില്‍ ഉണ്ടായിരുന്ന മൂന്ന് പേര്‍ ഓടി രക്ഷപ്പെട്ടു. കസ്റ്റഡിയില്‍ എടുത്തവരെ വൈദ്യ പരിശോധനയ്ക്ക് വിധേയരാക്കി.

English summary
Devaswam staff drink Liquor at temple premise. They were suspended.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X