കോന്നി മെഡിക്കല് കോളേജില് നടക്കുന്നത് 352 കോടി രൂപയുടെ വികസന പ്രവർത്തനങ്ങള്: ജനീഷ് കുമാർ എംഎല്എ
പത്തനംതിട്ട: കോന്നി മെഡിക്കല് കോളജില് 352 കോടി രൂപയുടെ വികസനപ്രവര്ത്തനങ്ങളാണ് നടപ്പാക്കിക്കൊണ്ടിരിക്കുന്നതെന്ന് അഡ്വ. കെ.യു. ജനീഷ്കുമാര് എം എ ല്എ പറഞ്ഞു. പ്രമാടം കുടുംബാരോഗ്യകേന്ദ്രത്തിന്റെ ശിലാഫലകം അനാച്ഛാദനം ചെയ്ത് സംസാരിക്കുകയായിരുന്നു എം എ ല്എ. കോന്നിയുടെ വികസനസ്വപ്നങ്ങള് ഓരോന്നായി പൂവണിഞ്ഞുകൊണ്ടിരിക്കുകയാണ്. കോന്നി മണ്ഡലത്തിലെ റോഡുകള് ബി എം, ബി സി ടാറിംഗ് ചെയ്ത് ഉന്നത നിലവാരത്തിലാക്കിയെന്നും അദ്ദേഹം പറഞ്ഞു.
താലൂക്ക് ആശുപത്രിയില് 12 കോടിയുടെ വികസനപ്രവര്ത്തനങ്ങളാണ് നടക്കുന്നത്. പ്രമാടം കുടുംബാരോഗ്യകേന്ദ്രം ജനങ്ങളുടെ ഏറെക്കാലമായുള്ള ആവശ്യമായിരുന്നു. ആ ലക്ഷ്യത്തിലേക്ക് നാം എത്തിച്ചേര്ന്നു. ഇനിയും പ്രമാടം കുടുംബാരോഗ്യകേന്ദ്രം കേന്ദ്രീകരിച്ച് ധാരാളം വികസന പ്രവര്ത്തനങ്ങള് നടക്കാനുണ്ട്. പ്രമാടം കുടുംബാരോഗ്യകേന്ദ്രത്തിന് പുതിയ കെട്ടിടം നിര്മിക്കുന്നതിനായി നബാര്ഡിലേക്ക് എട്ട് കോടി രൂപയുടെ പ്രപ്പോസല് നല്കി കഴിഞ്ഞുവെന്നും എം എല് എ പറഞ്ഞു.
സംസ്ഥാനസര്ക്കാരിന്റെ അഭിമാനപദ്ധതിയായ ആര്ദ്രം മിഷനിലുള്പ്പെടുത്തിയ പ്രമാടം കുടുംബാരോഗ്യകേന്ദ്രത്തിന്റെ ഉദ്ഘാടനം ജില്ലയുടെ ധന്യനിമിഷങ്ങളില് ഒന്നാണെന്ന് ചടങ്ങില് മുഖ്യാതിഥിയായ ജില്ലാ കളക്ടര് ഡോ. ദിവ്യ എസ് അയ്യര് പറഞ്ഞു. വരുംനാളുകള്ക്കുള്ള പ്രതീക്ഷയാണ്. നാം വയ്ക്കുന്ന ഓരോ ചുവടും വലിയ മാറ്റങ്ങള്ക്കാണ് ഇടം കൊടുക്കുന്നതെന്നും അവർ വ്യക്തമാക്കി.
ഒരു തുള്ളി അമ്മിഞ്ഞപ്പാലിന്റെ പരപ്പാണ് ഈ ആകാശമെന്ന കുഞ്ഞുണ്ണിമാഷിന്റെ വരികള് പോലെ ഓരോ ചെറിയ ചുവടിനും വാനോളം പരക്കുവാനുള്ള ശക്തിയുണ്ടെന്ന തിരിച്ചറിവോടെ പ്രവര്ത്തിക്കണമെന്നും പഞ്ചായത്തിലെ ജനങ്ങള്ക്ക് മാത്രമല്ല പുറത്ത് നിന്നെത്തുവര്ക്കു കൂടി കുടുംബാരോഗ്യ കേന്ദ്രം ആശ്വാസം പകരണമെന്നും തണലേകണമെന്നും കളക്ടര് പറഞ്ഞു.
കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി, പ്രമാടം ഗ്രാമപഞ്ചായത്ത് പ്രസിഡന്റ് എന്. നവനീത്, പ്രമാടം ഗ്രാമപഞ്ചായത്ത് വൈസ് പ്രസിഡന്റ് അമൃത സജയന്, ആരോഗ്യ വിദ്യാഭ്യാസ സ്റ്റാന്ഡിംഗ് കമ്മറ്റി ചെയര്പേഴ്സണ് രാജി സി ബാബു, ക്ഷേമകാര്യസ്റ്റാന്ഡിംഗ് കമ്മിറ്റി ചെയര്മാന് ജി. ഹരികൃഷ്ണന്, ഗ്രാമപഞ്ചായത്തംഗങ്ങളായ മിനി റെജി, ജയകൃഷ്ണന്, നിഷ മനോജ്, തങ്കമണി ടീച്ചര്, വാഴവിള അച്യുതന് നായര്, വിദ്യാ ജയപ്രകാശ്, സി ഡി എസ് ചെയര്പേഴ്സണ് ബിന്ദു അനില്, എന് എച്ച് എം ഡി പി എം എസ് ശ്രീകുമാര്, മെഡിക്കല് ഓഫീസര് ഡോ. എസ് നയന തുടങ്ങിയവര് പങ്കെടുത്തു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google