കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാവോയിസ്റ്റുകള്‍ക്ക് ജോലിയും പണവും; പ്രത്യേക പാക്കേജുമായി പോലീസ് മേധാവി

  • By Gowthamy
Google Oneindia Malayalam News

തിരുവനന്തപുരം: മാവോയിസ്റ്റുകള്‍ക്ക് പ്രത്യേക പാക്കേജുമായി പോലീസ് മേധാവി. തലയ്ക്ക് വിലയിട്ടിരിക്കുന്ന മാവോയിസ്റ്റുകള്‍ കീഴടങ്ങിയാല്‍ പ്രത്യേക ധനസഹായവും ജോലിയും നല്‍കുമെന്നാണ് പോലീസ് മേധാവി പറയുന്നത്. സര്‍ക്കാരിന് നല്‍കിയ മാവോയിസ്‌ററ്് കീഴടങ്ങല്‍ നയത്തിലാണ് ഡിജിപി ഇക്കാര്യങ്ങള്‍ ശുപാര്‍ശ ചെയ്തിരിക്കുന്നത്.

മാവോയിസ്റ്റുകളുടെ പ്രവര്‍ത്തനം, ആയുധ പരിശീലനം, ബന്ധമുള്ള സംഘങ്ങള്‍ എന്നിവയെ കുറിച്ച് പോലീസിനോട് തുറന്നു പറയുന്നവര്‍ക്കായിരിക്കും കീഴടങ്ങലിന് അവസരം. വിവിധ സംസ്ഥാനങ്ങള്‍ തലയ്ക്ക് വിലയിട്ടിരിക്കുന്ന മാവോയിസ്റ്റുകള്‍ക്കും കീഴടങ്ങാന്‍ പ്രത്യേക പാക്കേജാണ് നയത്തില്‍ മുന്നോട്ടുവയ്ക്കുന്നത്.

maoist

കീഴടങ്ങുന്നവര്‍ക്ക് നയത്തിന്റെ ഭാഗമായി നല്‍കുന്ന പണത്തിന് പുറമെ ഇവരുടെ തലയ്്ക്ക് സര്‍ക്കാര്‍ ഇട്ടിരിക്കുന്ന വിലയും നല്‍കും. ആയുധങ്ങള്‍ ഹാജരാക്കിയാല്‍ അതിനും പ്രത്യേക പണം നല്‍കുമെന്നാണ് വ്യക്തമാക്കുന്നത്. എന്നാല്‍ കേസില്‍പ്പെട്ടവരാണെങ്കില്‍ നിയമനടപടി തുടരും. ഗൗരവമല്ലാത്ത കേസാണെങ്കില്‍ സര്‍ക്കാര്‍ തന്നെ നിയമ സഹായം നല്‍കുമെന്നും വ്യക്തമാക്കുന്നു.

മാവോയിസ്റ്റുകളായ ദമ്പതികളാണ് കീഴടങ്ങുന്നതെങ്കില്‍ ഒറ്റ വ്യക്തിയായിട്ടായിരിക്കും കണക്കാക്കുക. കീഴടങ്ങുന്നവര്‍ അഞ്ചു വര്‍ഷത്തേക്ക് നിരീക്ഷണത്തിലുമായിരിക്കും. തൊഴില്‍ പരിശീലനത്തിന് സ്റ്റൈപ്പന്‍ഡ് നല്‍കുന്നതിനോടൊപ്പം പടനത്തിനും സൗകര്യം ഒരുക്കുമെന്നാണ് പറയുന്നത്.

English summary
dgp's special package for maoists
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X