സരിത എസ് നായര്‍ ശരിക്കും സരിത എസ് നായരല്ല പിന്നെയോ?

By Kishor

Updated: Wednesday, February 10, 2016, 11:12 [IST]

ആരാണ് സരിത നായര്‍ എന്നാരെങ്കിലും ചോദിച്ചാല്‍ സോളാര്‍ തട്ടിപ്പ് കേസിലെ പ്രതി എന്നും ഇപ്പോള്‍ ജാമ്യത്തിലാണ് എന്നുമൊക്കെ പറയാന്‍ വരട്ടെ. സരിത എസ് നായര്‍ എന്ന പേര് വിവാദങ്ങളുമായി ബന്ധപ്പെട്ട് മാത്രമേ ആളുകള്‍ അറിയൂ. ഈ സരിതയുടെ കുട്ടിക്കാലവും പഠനവും വിവാഹവും ഒക്കെ അന്വേഷിച്ച് പോയാല്‍ ശരിക്കും കുഴയും. അങ്ങനെ ഒരാളില്ല എന്നത് തന്നെ കാരണം. പിന്നെയോ...

ഉള്ളത് ലക്ഷ്മി നായരാണ്. ആരാണീ ലക്ഷ്മി നായര്‍? സോളാര്‍ കമ്പനിയുടെ സരിത നായര്‍ എന്ന യുവതി ലക്ഷ്മി നായര്‍ എന്ന വ്യാജപ്പേരില്‍ ഇടപാടുകാരില്‍ നിന്നും പണം തട്ടി എന്നായിരുന്നു റിപ്പോര്‍ട്ടുകള്‍. പക്ഷേ ഈ റിപ്പോര്‍ട്ടുകള്‍ തെറ്റാണ്. സംഭവിച്ചത് നേരെ തിരിച്ചാണ്. സത്യത്തില്‍ ഇവിടെ എന്താണ് സംഭവിക്കുന്നത്. നാടകീയമായ ഈ വെളിപ്പെടുത്തലുകള്‍ പറയും ബാക്കി കഥ.

പറഞ്ഞത് പോലല്ല കാര്യങ്ങള്‍

ലക്ഷ്മി നായര്‍ എന്ന യുവതി സരിത നായര്‍ എന്ന പേരിലാണ് പണം തട്ടിയത് എന്ന് വേണം കരുതാന്‍. തന്റെ ശരിക്കുള്ള പേര് ലക്ഷ്മി നായര്‍ എന്നാണ് എന്ന് സരിത നായര്‍ സോളാര്‍ കമ്മീഷനില്‍ മൊഴി കൊടുത്തു എന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍.

എന്ന് എപ്പോള്‍ മാറ്റി

ലക്ഷ്മി നായര്‍ എന്ന പേര് മാറ്റി സരിത നായര്‍ എന്ന പേര് സ്വീകരിച്ചത് 2013 ലാണത്രേ. ഗസറ്റില്‍ വിജ്ഞാപനം ചെയ്ത് പരസ്യപ്പെടുത്തിയ ശേഷമായിരുന്നു പുതിയ പേര് സ്വീകരിച്ചത്. എന്നാല്‍ സരിത, ലക്ഷ്മി നായര്‍ എന്ന് പേര് മാറ്റിപ്പറഞ്ഞു എന്നാണ് എല്ലാവരും കരുതിയത്.

അതും മുഖ്യമന്ത്രിക്ക് അറിയാമോ

മുഖ്യമന്ത്രിക്ക് സരിത എസ് നായരെ വളരെ അടുത്ത് അറിയാം എന്നാണ് പ്രതിപക്ഷ നേതാവ് വി എസ് അച്യുതാനന്ദന്‍ കഴിഞ്ഞ ദിവസം പറഞ്ഞത്. താന്‍ പേര് മാറ്റിയ കാര്യം മുഖ്യമന്ത്രിക്ക് അറിയാമെന്നാണത്രെ സരിത സോളാര്‍ കമ്മീഷനില്‍ നല്‍കിയ മൊഴിയില്‍ പറഞ്ഞിരിക്കുന്നത്.

ആരാണീ സരിത

സോളാര്‍ തട്ടിപ്പുമായി ബന്ധപ്പെട്ട് തിരുവനന്തപുരത്തു നിന്നുമാണ് സരിത അറസ്റ്റിലായത്. ചങ്ങനാശേരി എന്‍ എസ്സ് എസ്സ് കോളേജ് ജീവനക്കാരനായിരുന്ന സോമന്റേയും തിരുവനന്തപുരം സ്വദേശിയായ ഇന്ദിരയുടേയും മൂത്തമകളാണ് സരിത. സോളാര്‍ തട്ടിപ്പുമായി ബന്ധപ്പെട്ട് വാര്‍ത്തകളില്‍ ഇടം പിടിച്ചു

എന്താണീ സോളാര്‍ തട്ടിപ്പ്

സൗരോര്‍ജ്ജ ഫാമുകളും കാറ്റാടിപ്പാടങ്ങളും സ്ഥാപിക്കാമെന്നു വാഗ്ദാനം ചെയ്ത് പണംതട്ടിയ സംഭവമാണ് സോളാര്‍ തട്ടിപ്പ്. എഴുപതിനായിരം രൂപ മുതല്‍ അന്‍പതുലക്ഷം രൂപ വരെ ആളുകള്‍ക്ക് ഇതില്‍ നഷ്ടം വന്നിട്ടുണ്ടത്രെ.