'ദിലീപിന് അത് എതിർക്കാൻ എന്ത് അധികാരമാണുള്ളത്, മൊഴി അറിഞ്ഞേ തീരു';ഉറച്ച് അതിജീവിത,വിധി പറയുന്നത് മാറ്റി
കൊച്ചി: നടി ആക്രമിക്കപ്പെട്ട കേസിലെ മെമ്മറി കാർഡ് അനധികൃതമായി തുറന്നത് സംബന്ധിച്ച വസ്തുതാന്വേഷണ റിപ്പോർട്ടിലെ മൊഴി പകർപ്പുകൾ അതിജീവിതയ്ക്ക് നൽകരുതെന്ന് ആവശ്യപ്പെട്ട് പ്രതി ദീലീപ് നൽകിയ ഹർജിയിൽ വിധി പറയുന്നത് മാറ്റി. ഹൈക്കോടതിയുടെ അവധിക്കാല ബെഞ്ചാണ് ഇന്ന് കേസിൽ വാദം കേട്ടത്. അതിജീവിത വ്യാജപ്രചരണം നടത്തുകയാണെന്നാണ് ദിലീപ് കോടതിയിൽ വാദിച്ചത്.
വസ്തുതാന്വേഷണ റിപ്പോർട്ടിലെ മൊഴിപ്പകർപ്പുകൾ അതിജീവിത ആവശ്യപ്പെട്ടെങ്കിലും ലഭിച്ചിരുന്നില്ല. തുടർന്നാണ് അവർ ഹൈക്കോടതിയെ സമീപിച്ചത്. ഇതോടെ മൊഴിപ്പകർപ്പുകളുടെ സർട്ടിഫൈഡ് കോപ്പി നൽകാൻ കോടതി നിർദ്ദേശിച്ചു. ഇതിനെതിരെയാണ് ഇപ്പോൾ ദിലീപിന്റെ ഹർജി. തന്റെ എതിർപ്പ് പരിഗണിക്കാതെയാണ് സിംഗിൽ ബെഞ്ച് അതിജീവിതയ്ക്ക് അനുകൂലമായി ഉത്തരവിട്ടത് എന്നാണ് ദിലീപ് കോടതിയിൽ പറഞ്ഞത്. സിംഗിൾ ബെഞ്ച് ഉത്തരവ് നിയമവിരുദ്ധമാണെന്നും ദിലീപിന്റെ അഭിഭാഷകന് ആരോപിച്ചു.
അതിജീവിതയുടെ ഹർജി തീരുമാനമെടുത്ത് തീർപ്പാക്കിയ ശേഷം വീണ്ടുമൊരു ഉത്തരവ് പുറപ്പെടുവിക്കാൻ സിംഗിൾ ബെഞ്ചിന് ആകില്ല. ഇത് നിയമവിരുദ്ധമാണെന്നും ദിലീപ് പറഞ്ഞു. അതിജീവിത ജഡ്ജിമാരെയും കോടതിയിലെ ജീവനക്കാരേയും അഭിഭാഷകരേയും മോശക്കാരാക്കുകയാണെന്നും ദിലീപിന്റെ അഭിഭാഷകന് കോടതിയില് പറഞ്ഞു. അതിജീവിതയുടെ അഭിഭാഷക ടെലിവിഷന് ചാനലുകളില് വന്ന് തെറ്റായ കാര്യങ്ങളാണ് പറയുന്നതെന്ന വിമർശനവും കോടതിയിൽ ദിലീപ് ഉയർത്തി.
അതേസമയം ജില്ലാജഡ്ജിയുടെ റിപ്പോർട്ടിലെ വിശദാംശങ്ങൾ അറിയാൻ തനിക്ക് അവകാശമുണ്ടെന്ന് അതിജീവിത കോടതിയിൽ വാദിച്ചു. മൊഴിപ്പകർപ്പ് തനിക്ക് നൽകരുതെന്ന് പറയാൻ ദിലീപിന് എന്ത് അധികാരമാണുള്ളതെന്നും അതിജീവിത ചോദിച്ചു. കോടതിയുടെ കസ്റ്റഡിയിൽ ഇരിക്കെയാണ് മെമ്മറി കാർഡ് അനധികൃതമായി ആക്സസ് ചെയ്തതെന്നും തന്റെ മൗലികാവകാശം ലംഘിക്കപ്പെട്ടതിനാലാണ് താൻ കോടതിയെ സമീപിച്ചതെന്നും അവർ കോടതിയിൽ പറഞ്ഞു.
നടി ആക്രമിക്കപ്പെട്ട കേസിലെ നിർണായക തെളിവായ ദൃശ്യങ്ങൾ അടങ്ങിയ മെമ്മറി കാർഡ് അനധികൃതമായി മൂന്ന് കോടതികളിൽ വെച്ച് പരിശോധിച്ചെന്നുളള റിപ്പോർട്ടാണ് വിചാരണക്കോടതി ഹൈക്കോടതിയിൽ സമർപ്പിച്ചത്. 2018 ജനുവരി 9ന് അങ്കമാലി മജിസ്ട്രേറ്റ് ലീന റഷീദ്, 2018 ഡിസംബർ 13 ന് ജില്ലാ പ്രിൻസിപ്പൽ സെഷൻസ് കോടതി ബെഞ്ച് ക്ലാർക്ക് മഹേഷ് മോഹൻ. 2021 ൽ വിചാരണ കോടതിയിൽ വെച്ച് ശിരസ്താദാർ താജുദ്ദീന്റെ എന്നിവരാണ് ദൃശ്യങ്ങൾ ആക്സസ് ചെയ്തത് എന്നാണ് കണ്ടെത്തൽ.
വസ്തുതാന്വേഷണ റിപ്പോർട്ടിൽ നിർണായക മൊഴികൾ ഉണ്ടെന്നാണ് അതിജീവിതയുടെ നിലപാട്. കേസിൽ അതീവ ഗൗരവമായ ഈ മൊഴികൾ അറിയണമെന്നത് തന്റെ അവകാശമാണെന്നാണ് അതിജീവിത ചൂണ്ടിക്കാട്ടുന്നത്.
-
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google