Click it and Unblock the Notifications
Just In
Don't Miss
-
'താരപത്നിക്ക് എന്തുകൊണ്ടാണ് പെട്ടന്ന് ഒരു മനംമാറ്റം'; വിജയ് ഇല്ലാതെ ശങ്കറിന്റെ മകളുടെ വിവാഹത്തിനെത്തി സംഗീത! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
നികുതിവെട്ടിപ്പ്; ദിലീപ് വിശദീകരണം നല്‍കി
കൊച്ചി: കസ്റ്റംസ് ആന്‍ഡ് സെന്‍ട്രല്‍ എക്‌സൈസ് വകുപ്പിന്റെ റെയ്ഡിനെ തുടര്‍ന്ന് സിനിമ താരം ദിലീപ് മൊഴി നല്‍കുന്നതിനായി കൊച്ചിയില്‍ എത്തി. സെന്‍ട്രല്‍ എക്‌സൈസിന്റെ കൊച്ചിയിലെ ഓഫീസിലെത്തിയാണ് ദിലീപ് വിശദീകരണം നല്‍കിയത്.
എന്തൊക്കെ കാര്യങ്ങളാണ് ദിലീപ് അധികൃതര്‍ക്ക് മുന്നില്‍ വിശദീകരിച്ചതെന്ന് അറിവായിട്ടില്ല. ദിലീപിനെ ചോദ്യം ചെയ്യും എന്നായിരുന്നു ആദ്യം പുറത്ത് വന്നിരുന്ന റിപ്പോര്‍ട്ടുകള്‍. ചോദ്യം ചെയ്യല്‍ നടന്നിട്ടുണ്ടോ എന്നകാര്യവും പുറത്ത് വന്നിട്ടില്ല. ഡിസംബര്‍ 23 ന് തിങ്കളാഴ്ച രാവിലെ കൊച്ചിയിലെ ഓഫീസില്‍ ഹാജരാകണം എന്നായിരുന്നു സെന്‍ട്ല്‍ എക്‌സൈസ വിഭാഗം ദിലീപിനോട് ആവശ്യപ്പെട്ടിരുന്നുത്. എന്നാല്‍ ദിലീപ് അസൗകര്യം അറിയിച്ചതിനെ തുടര്‍ന്ന് മൊഴിയെടുക്കല്‍ 24 ലേക്ക് മാറ്റുകയായിരുന്നു.
സേവന നികുതി വെട്ടിപ്പാണ് ദിലീപിനെ കുടുക്കിയത്. കഴിഞ്ഞ ദിവസം ദിലീപിന്റെ ആലുവയില്‍ ഉള്ള വിട്ടില്‍ നടത്തിയ പരിശോധനയില്‍ കണക്കില്‍ പെടാത്ത 13 ലക്ഷം രൂപ കണ്ടെത്തിയിരുന്നു. ഇതിനോടൊപ്പം ഡോളറും ദിര്‍ഹവും അടക്കമുള്ള വിദേശ കറന്‍സികളും സെന്‍ട്രല്‍ എക്‌സൈസ് വിഭാഗം കണ്ടെടുത്തിരുന്നു.
ദിലീപിന്റെ വരുമാനം സംബന്ധിച്ച് ആദായ നികുതി വകുപ്പും അന്വേഷിക്കുന്നുണ്ടെന്നാണ് വിവരം. സെന്‍ട്രല്‍ എക്‌സൈസിനോട് ഇത് സംബന്ധിച്ച് ആദായ നികുതി വകുപ്പ് വിവരങ്ങള്‍ ആരാഞ്ഞിട്ടുണ്ട്. സിനിമയില്‍ അഭിനയിക്കുന്നതിന് പ്രതിഫലം കുറച്ച് വാങ്ങിച്ച്, ബാക്കി തുക വിതരണാവകാശത്തില്‍ കാണിച്ചാണ് ദിലീപ് നികുതി വെട്ടിപ്പ് നടത്തിയിട്ടുള്ളതെന്നാണ് സെന്‍ട്രല്‍ എക്‌സൈസ് വ്യക്തമാക്കിയിട്ടുള്ളത്. ദിലീപിന്റെ വീട്ടിലും നിര്‍മാണ കമ്പനി ഓഫീസിലും ആണ് പരിശോധന നടത്തിയത്. സംവിധായകന്‍ ലാല്‍ ജോസിന്റെ ഓഫീസും മറ്റ് ചില നിര്‍മാതാക്കളുടെ ഓഫീസുകളിലും കഴിഞ്ഞ ദിവസം പരിശോധന നടത്തിയിരുന്നു.
