Click it and Unblock the Notifications
Just In
Don't Miss
-
IPL 2024: എന്തൊരു തോല്വി! ആര്സിബിയ്ക്ക് പുതിയ ഉടമകള് വേണം! ബിസിസിഐയോട് മഹേഷ് ഭൂപതി -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
ദിലീപ് തമിഴ്നാട്ടിലേക്ക്... മുടങ്ങിപ്പോയ സിനിമ പൂര്‍ത്തിയാക്കും
തമിഴ്നാട്ടിലേക്ക് പോവുന്നതിനു മുന്‍പ് താരം നിയമോപദേശം തേടും
കൊച്ചി: ഹൈക്കോടതിയുടെ ജാമ്യത്തില്‍ പുറത്തിറങ്ങിയ ദിലീപ് തന്റെ സിനിമകളുടെ തിരക്കിലേക്ക് നീങ്ങുകയാണ്. നടിയെ ആക്രമിച്ച കേസുമായി ബന്ധപ്പെട്ട് പോലീസ് അറസ്റ്റ് ചെയ്ത് ജയിലിലടച്ച താരം 85 ദിവസത്തിനു ശേഷമാണ് പുറം ലോകം കണ്ടത്.
നാലു തവണ ജാമ്യാപേക്ഷയുമായി ദിലീപ് കോടതികളെ സമീപിച്ചെങ്കിലും ഫലമുണ്ടായില്ല. രണ്ടു തവണ വീതം ഹൈക്കോടതിയും അങ്കമാലി മജിസ്‌ട്രേറ്റ് കോടതിയും താരത്തിനു ജാമ്യം നിഷേധിക്കുകയായിരുന്നു. ഒടുവില്‍ അഞ്ചാം തവണയാണ് ഹൈക്കോടതി ദിലീപിന് കര്‍ശന ഉപാധികളോടെ ജാമ്യം അനുവദിച്ചത്.
മൂന്നര മാസത്തെ ഇടവേള
മൂന്നര മാസത്തെ ഇടവേളയ്ക്കു ശേഷമാണ് ദിലീപ് ഷൂട്ടിങ് സെറ്റിലേക്ക് മടങ്ങിവരുന്നത്. കമ്മാരസംഭവം എന്ന സിനിമയുടെ ഷൂട്ടിങ് തിരക്കിനിടെയാണ് ദിലീപിനെ പോലീസ് അറസ്റ്റ് ചെയ്തത്.
നിര്‍മാണം ദിലീപ് തന്നെ
സ്വന്തം പ്രൊഡക്ഷന്‍ ഹൗസായ ഗ്രാന്റ് ഫിലിംസിന്റെ ബാനറില്‍ ദിലീപ് തന്നെയാണ് കമ്മാരസംഭവമെന്ന ചിത്രമൊരുക്കുന്നത്. രതീഷ് അമ്പാട്ടാണ് സിനിമ സംവിധാനം ചെയ്യുന്നത്.
തമിഴ്നാട്ടിലേക്ക്
തമിഴ്‌നാട്ടിലാണ് ഈ സിനിമയുടെ ഷൂട്ടിങ് നേരത്തേ നടന്നത്. ശേഷിക്കുന്ന ഭാഗങ്ങള്‍ പൂര്‍ത്തിയാക്കാന്‍ തമിഴ്നാട്ടിലേക്ക് പോവാനൊരുങ്ങുകയാണ് ദിലീപ്.
നിയമോപദേശം തേടും
കര്‍ശന ഉപാധികളോടെയാണ് ദിലീപിന് ഹൈക്കോടതി ജാമ്യം നല്‍കിയത്. ഇവ ലംഘിച്ചാല്‍ വീണ്ടും അകത്തുപോവേണ്ടി വരുമെന്നതിനാല്‍ ശ്രദ്ധയോടെയാണ് താരത്തിന്റെ ഓരോ നീക്കവും. തമിഴ്‌നാട്ടില്‍ ഷൂട്ടിങിനായി പോവുന്നതുമായി ബന്ധപ്പെട്ട് ദിലീപ് നിയമോപദേശം തേടിയിട്ടുണ്ട്.
രാമലീലയുടെ വിജയം
ദിലീപ് ജയിലിലുള്ളപ്പോള്‍ തിയേറ്ററിലെത്തി രാമലീലയെന്ന സിനിമ ഇതിനകം ഹിറ്റായി മാറിയിട്ടുണ്ട്. താരത്തിന് ഇപ്പോഴും ലഭിക്കുന്ന ആരാധക പിന്തുണ കമ്മാരസംഭവത്തിന്റെ അണിയറപ്രവര്‍ത്തകരുടെ ആത്മവിശ്വാസം വര്‍ധിപ്പിച്ചിട്ടുണ്ട്.
പ്രൊഫസര്‍ ഡിങ്കന്‍
പ്രൊഫസര്‍ ഡിങ്കനെന്ന ദിലീപ് നായകനായ ചിത്രവും പാതിവഴിയില്‍ മുടങ്ങിയിരിക്കുകയാണ്. കമ്മാരസംഭവം പൂര്‍ത്തിയായാലുടന്‍ ഈ സിനിമയുടെ ശേഷിക്കുന്ന ഭാഗങ്ങള്‍ പൂര്‍ത്തിയാക്കാനായിരിക്കും ദിലീപിന്റെ ശ്രമം. ബിഗ് ബജറ്റ് ചിത്രം കൂടിയാണിത്.
പാസ്‌പോര്‍ട്ട് നല്‍കി
ജാമ്യ വ്യവസ്ഥയുടെ ഭാഗമായി ദിലീപ് തന്റെ പാസ്‌പോര്‍ട്ട് ശനിയാഴ്ച അങ്കമാലി മജിസ്‌ട്രേറ്റ് കോടതിയില്‍ ഹാജരാക്കിയിരുന്നു. ഏഴു ദിവസത്തിനകം പാസ്‌പോര്‍ട്ട് ഹാജരാക്കാന്‍ ജാമ്യം അനുവദിക്കവെ കോടതി ആവശ്യപ്പെട്ടിരുന്നു.
