വാലന്റൈന്‍സ് ദിനം ഡിങ്കന്റെ ദിനമാണ്, ഡിങ്കന്റെ പ്രണയമിങ്ങനെ

By Sruthi K M

Updated: Sunday, February 14, 2016, 15:12 [IST]

തിരുവനന്തപുരം: വാലന്റൈന്‍സ് ദിനത്തിനെപ്പോലും വെറുതെ വിടാന്‍ ഡിങ്കോയിസ്റ്റുകള്‍ ഒരുക്കമല്ല. വാലന്റൈന്‍സ് ഡേയ്ക്ക് പിറകിലുള്ള ചരിത്രം പോലും മാറ്റി കുറിക്കുകയാണ് ഡിങ്കമത വിശ്വാസികള്‍. വാലന്റൈന്‍സ് ദിനം തങ്ങളുടെ ദിനമാണെന്ന് അവകാശ വാദവുമായിട്ടാണ് ഇവര്‍ രംഗത്തു വന്നിരിക്കുന്നത്. സോഷ്യല്‍ മീഡിയയില്‍ ട്രോളുകളുടെ രൂപത്തിലാണ് സന്ദേശങ്ങള്‍ എത്തിയിരിക്കുന്നത്.

ഒരു രസകരമായ കഥയും ഇവര്‍ പറയുന്നുണ്ട്. വാലന്റൈന്‍സ് ഡേ എന്നത് വാല് എന്റെയാണ് എന്നു പറഞ്ഞ ദിവസമാണെന്ന് ഡിങ്കോയിസ്റ്റുകള്‍ പറയുന്നു. ഡിങ്കനുമുണ്ടായിരുന്നു പ്രണയമത്രേ. ഡിങ്കന്റെ പ്രണയത്തെക്കുറിച്ച് പറയുന്നത് കേള്‍ക്കാം.

ഡിങ്കനുമുണ്ട് പ്രണയം

ഡിങ്കനെന്താ പ്രണയിച്ചൂടെ..ഡിങ്കനുമുണ്ട് പ്രണയം എന്നാണ് ഡിങ്കോയിസ്റ്റുകള്‍ പറയുന്നത്. വാലന്റൈന്‍സ് ദിനം തങ്ങളുടെ ദിനമാണെന്ന അവകാശ വാദവുമായിട്ടാണ് ഇവര്‍ രംഗത്തു വന്നിരിക്കുന്നത്.

വാല് എന്റെയാണ്

വാലന്റൈന്‍സ് ഡേ എന്നത് വാല് എന്റെയാണ് എന്നു പറഞ്ഞ ദിവസമാണെന്ന് ഡിങ്കോയിസ്റ്റുകള്‍ പറയുന്നു. ഡിങ്കന്റെ പ്രണയ നിമിഷങ്ങള്‍ പറഞ്ഞാണ് ഇവര്‍ രംഗത്തെത്തിയിരിക്കുന്നത്.

ഡിങ്കന്റെ പ്രണയമിങ്ങനെ

ഡിങ്കന്റെ അവതാരമായ ഡിങ്കോള്‍ഫിയുടെ മുറിഞ്ഞുപോയ വാല് സുന്ദരിയായ മൂഷികസുന്ദരിയുടെ കയ്യില്‍ കണ്ടെത്തുന്നു. അപ്പോള്‍ ഡിങ്കോള്‍ഫി ആ വാല് എന്റെയാണെന്ന് പറഞ്ഞത്രേ. വാല് തിരിച്ചുകൊടുത്ത് പിന്നീടവര്‍ അവതാരത്തിന്റെ ഭാര്യയും ആയി.