Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
അര്‍ജന്‍റീനയുടെ തോല്‍വിയില്‍ മനംനൊന്ത് ആത്മഹത്യ ചെയ്ത യുവാവിന്‍റെ മൃതദേഹം കണ്ടെത്തി!
ലോകകപ്പ് ഫുട്ബോള്‍ മത്സരത്തില്‍ ഇഷ്ട ടീമായ അര്‍ജന്‍റീന പരാജയപ്പെടതില്‍ മനംനൊന്ത് ആത്മഹത്യ ചെയ്ത യുവാവിന്‍റെ മൃതദേഹം കണ്ടെത്തി. അറുമാനൂര്‍ കൊറ്റത്തില്‍ അലക്സാണ്ടറുടെ മകന്‍ ദിനു അലക്സ് (30) ന്‍റെ മൃതദേഹമാണ് മീനച്ചിലാറ്റില്‍ നിന്ന് കണ്ടെത്തിയത്. വെള്ളിയാഴ്ചയായിരുന്നു ക്രൊയേഷ്യയോടുള്ള മത്സരത്തില്‍ അര്‍ജന്‍റീന പരാജയപ്പെട്ടത്. ഇതോടെയാണ് ആത്മഹത്യാ കുറിപ്പ് എഴുതി വെച്ച് ദിനു മീനച്ചിലാറ്റില്‍ ചാടിയത്.
വാതുവെച്ചു
വെള്ളിയാഴ്ച പുലര്‍ച്ചെയാണ് ദിനുവിനെ കാണാതായത്. കോട്ടയത്തെ സ്വകാര്യ സ്ഥാപനത്തില്‍ ജോലി ചെയ്യുന്ന ദിനു സ്ഥാപനത്തിലെ മറ്റ് ജീവനക്കാരോട് അര്‍ജന്‍റീന ജയിക്കുമെന്ന് വാതുവെച്ചശേഷമായിരുന്നു വീട്ടിലേക്ക് മടങ്ങിയത്. വീട്ടിലേക്ക് വരുമ്പോള്‍ അര്‍ജന്‍റീനയുടെ ഒരു ജഴ്സിയും ദിനു വാങ്ങിയിരുന്നു. വീട്ടിലെത്തി രാത്രി മാതാപിതാക്കള്‍ക്കൊപ്പം ഇരുന്ന് ടിവി കണ്ടു. അര്‍ജന്‍റീന-ക്രൊയേഷ്യ മത്സരം തുടങ്ങിയതോടെ മാതാപിതാക്കള്‍ ഉറങ്ങാന്‍ പോയി.
കാണാതായി
പുലര്‍ച്ചെ 12.30 ഓടെ ടിവിയുടെ വെളിച്ചം കണ്ട് എഴുന്നേറ്റ് വന്ന പിതാവ് അലക്സ് ദിനുവിനോട് ഉറങ്ങാന്‍ പറഞ്ഞ് വീണ്ടും പോയി കിടന്നു. പുലര്‍ച്ചെ ദിനുവിന്‍റെ മുറിയില്‍ ലൈറ്റ് കണ്ട അമ്മ ചിന്നമ്മ പോയി നോക്കിയപ്പോള്‍ ദിനു മുറിയില്‍ ഇല്ലായിരുന്നു. മകനെ അന്വേഷിച്ച് നോക്കിയപ്പോഴാണ് അടുക്കള വാതില്‍ തുറന്ന് കിടക്കുന്നത് കണ്ടത്. കള്ളന്‍ കയറിയാതാകാമെന്ന് ഭയന്ന് ചിന്നമ്മ ഉറക്കെ കരഞ്ഞ് വിളിച്ചപ്പോള്‍ അലക്സാണ്ടര്‍ എത്തി. അതേസമയം ദിനു വന്നില്ല. തുടര്‍ന്ന് റൂമിലേക്ക് ഇരുവരും പോയപ്പോഴാണ് ആത്മഹത്യാ കുറിപ്പ് കണ്ടെത്തിയത്.
ഇനി ഇ ലോകത്ത്
'ഇനി ഇ ലോകത്ത് തനിക്ക് കാണാന്‍ ഒന്നും ബാക്കിയില്ല. മരണത്തിന്‍റെ ആഴങ്ങളിലേക്ക് ഞാന്‍ പോവുകയാണ്. എന്‍റെ മരണത്തില്‍ മറ്റാര്‍ക്കും ഉത്തരവാദിത്തമില്ല' എന്നായിരുന്നു കുറിപ്പ്. ഇതേതുടര്‍ന്ന് വീട്ടുകാര്‍ പോലീസില്‍ വിവരം അറിയിച്ചു. രാവിലെ നടത്തിയ അന്വേഷണത്തില്‍ പോലീസ് നായ വീടിന്‍റെ പുറകിലുള്ള മീനച്ചിലാറ്റിലെ അരങ്കത്ത് കടവില്‍ വന്നു നിന്നു. ഇതോടെയാണ് ആറ്റില്‍ ചാടിയിട്ടുണ്ടാകുമെന്ന നിഗമനത്തില്‍ പോലീസ് എത്തിയത്. തുടര്‍ന്ന് ആറ്റില്‍ നടത്തിയ പരിശോധനയിലാണ് മൃതദേഹം കണ്ടെത്തിയത്.
കടുത്ത ഫാന്‍
അര്‍ജന്‍റീനയുടെ കടുത്ത ആരാധകനായ ദിനുവിന്‍റെ മുറിയില്‍ നിന്ന് ടീമിനോടുള്ള ആരാധന വ്യക്തമാക്കുന്ന കുറിപ്പുകളും മെസ്സിയുടെ ചിത്രങ്ങളുമെല്ലാം കണ്ടെടുത്തിട്ടുണ്ട്. കൂട്ടുകാരും ബന്ധുക്കളും നാട്ടുകാരും കളിയാക്കുമെന്ന ഭയത്താലാകാം ദിനു ആത്മഹത്യ ചെയ്തതെന്നാണ് നിഗമനം. നേരത്തേയും ദിനു ആത്മഹത്യാ പ്രവണത കാണിച്ചിട്ടുണ്ട്. ഡിഗ്രി പരീക്ഷയില്‍ പരാജയപ്പെട്ടപ്പോള്‍ ദിനു നാടുവിട്ടിരുന്നു. പിന്നീട് പരീക്ഷ ജയിച്ച ശേഷമാണ് നാട്ടിലേക്ക് വന്നത്. ബിഎസ്സസി ബിരുദദാരിയാണ് ദിനു. എല്‍ഡിസി റാങ്ക് ലിസ്റ്റില്‍ ഉള്‍പ്പെട്ടിട്ടുണ്ട്.
