നടിമാരെ ആവശ്യപ്പെട്ട് ഫോൺകോൾ തട്ടിപ്പ്: പരാതി നൽകി അൽഫോൻസ് പുത്രൻ, നമ്പറുകൾ പുറത്ത്!!
കൊച്ചി: ഫോൺ തട്ടിപ്പിൽ പരാതിയുമായി സംവിധായകൻ അൽഫോൻസ് പുത്രൻ. തന്റെ പേരിൽ ഫോൺ വിളിച്ച് തട്ടിപ്പിന് ശ്രമിക്കുന്നുവെന്നാണ് അൽഫോൻസ് പുത്രൻ ആരോപിക്കുന്നത്. രണ്ട് മൊബൈൽ നമ്പറുകളിൽ നിന്നായി അൽഫോൻസ് പുത്രൻ ആണെന്ന വ്യാജേന നടിമാരെയും മറ്റ് സ്ത്രീകളെയും വിളിക്കുന്നുവെന്നും കാണിച്ചാണ് പരാതി നൽകിയിട്ടുള്ളത്. ആരും ഫോൺ വഴിയുള്ള തട്ടിപ്പിന് ഇരയാകരുതെന്ന് മുന്നറിയിപ്പുമായി അൽഫോൻസ് പുത്രന്റെ ഫേസ്ബുക്ക് പോസ്റ്റും പുറത്തുവന്നിരുന്നു. ഇതോടെയാണ് സംഭവത്തെക്കുറിച്ച് കൂടുതൽ പേർ അറിയുന്നത്. നടിമാരെ വേണമെന്ന് ആവശ്യപ്പെട്ടാണ് ഫോൺകോളുകൾ എത്തിയിരുന്നത്.
ഫോൺ കോൾ ലഭിക്കുന്ന രണ്ട് മൊബൈൽ നമ്പറുകളും അൽഫോൻസ് പുത്രൻ ഫേസ്ബുക്ക് പോസ്റ്റിൽ പരാമർശിച്ചിട്ടുണ്ട്. 9746066514, 976687661 എന്നീ നമ്പറുകളാണ് പോസ്റ്റിൽ പരാമർശിച്ചിട്ടുള്ളത്. താൻ ഈ നമ്പറിലേക്ക് വിളിച്ചപ്പോഴും അൽഫോൻസ് പുത്രനാണെന്നാണ് പറഞ്ഞതെന്നും ഫേസ്ബുക്ക് പോസ്റ്റിൽ പറയുന്നുണ്ട്. ഇതോടെ സംഭവത്തിൽ പോലീസിൽ പരാതി നൽകിയതായും അൽഫോൻസ് പുത്രൻ വ്യക്തമാക്കി.
സമാനമായ ഫോൺകോളുകൾ ലഭിച്ചാൽ ജാഗ്രതയോടെയിരിക്കാനും അൽഫോൻസ് പുത്രൻ ആവശ്യപ്പെടുന്നുണ്ട്. നിങ്ങളെ വിഡ്ഢിയാക്കാൻ അനുവദിക്കരുതെന്നും ഇത്തരത്തിലുള്ള ഫോൺ കോൾ ലഭിക്കുന്ന സാഹചര്യത്തിൽ ഫോട്ടോ, ഫോൺ നമ്പർ, വ്യക്തിഗത വിവരങ്ങൾ എന്നിവ കൈമാറരുതെന്നും പോസ്റ്റിൽ പറയുന്നു. നിങ്ങളെ വിഡ്ഢിയാക്കാൻ അയാളെ അനുവദിക്കരുത്. ഇതൊരു തട്ടിപ്പാണെന്ന് മനസ്സിലാക്കണെമന്നും പോസ്റ്റിൽ അൽഫോൻസ് പുത്രൻ പറയുന്നു.
Click it and Unblock the Notifications
Sign in with Google