കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബിനാലെയില്‍ കണ്ണുംനട്ട് സംവിധായകന്‍ ലാല്‍ജോസ്

  • By Sruthi K M
Google Oneindia Malayalam News

കൊച്ചി: കൊച്ചി മുസ്സിരിസ് ബിനാലെ ഓരോ ദിവസവും അത്ഭുതപ്പെടുത്തുന്നുവെന്ന വാര്‍ത്ത കേട്ട് എത്തിയ സംവിധായകന്‍ ലാല്‍ജോസും ഒന്നു ഞെട്ടി. ബിനാലെയില്‍ പ്രദര്‍ശിപ്പിച്ച ഒരോ കലാസൃഷ്ടിയിലും കണ്ണുംനട്ട് നിന്നുപോയി ലാല്‍ജോസ്. ബിനാലെ അതിഗംഭീരമെന്നാണ് ലാല്‍ജോസ് വിശേഷിപ്പിച്ചത്. അത്ഭുത കാഴ്ചകള്‍ കണ്ണില്‍ നിന്നും മായുന്നില്ലെന്നാണ് ബിനാലെ കണ്ടിറങ്ങിയ ലാല്‍ജോസിന്റെ പ്രതികരണം.

വിനോദ സഞ്ചാരത്തിലായിരുന്ന ലാല്‍ജോസ് ഏറെ വൈകിയാണ് ബിനാലെ കാണാന്‍ എത്തുന്നത്. ലാല്‍ജോസിന്റെ മക്കള്‍ ബിനാലെ കാണാന്‍ കഴിഞ്ഞദിവസം എത്തിയിരുന്നു. മക്കള്‍ക്ക് വാ തോരാതെ പറയാനുണ്ടായിരുന്നു ബിനാലെയെക്കുറിച്ച്. അവരുടെ വാക്കുകളാണ് തന്നെ ബിനാലെ കാണാന്‍ ആവേശം കൊള്ളിച്ചതെന്നും ലാല്‍ജോസ് പറഞ്ഞു.

laljose

ഓരോ കലാസൃഷ്ടിയുടെ മുന്നിലും ഏറെ നേരം കണ്ട് പഠിച്ചതിനുശേഷമാണ് ലാല്‍ജോസ് മടങ്ങിയത്. അനീഷ് കപുറിന്റെ ഡിസന്‍ഷന്‍ എന്ന കലാസൃഷ്ടി തന്നെ ഏറെ ആകര്‍ഷിച്ചെന്നും അദ്ദേഹം പറഞ്ഞു. ഏറ്റവും കൂടുതല്‍ സമയം ചെലവഴിച്ചത് റ്യോട്ടോ കുവാകുബോയുടെ കളിത്തീവണ്ടിക്കു മുന്നിലാണ്. നിഴലുകൊണ്ടൊരുക്കിയ ഒരു മായാജാലമായിരുന്നു അതെന്നും അദ്ദേഹം പറഞ്ഞു.

ഓരോ കാഴ്ചക്കാരനെയും കലയുടെ ഭാഗമാക്കി മാറ്റുകയാണ് കൊച്ചി ബിനാലെയെന്നും അദ്ദേഹം പറഞ്ഞു. ബിനാലെയിലെ എല്ലാ കലാവിന്യാസങ്ങളും കാണാന്‍ കഴിയാത്തതിനാല്‍ ബിനാലെ സന്ദര്‍ശിക്കാന്‍ വീണ്ടും വരുമെന്നും ലാല്‍ജോസ് പറഞ്ഞു.

English summary
Director Lal jose visited the kochi muziris biennale
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X