'മണിയുടെ പേരില് കാശുണ്ടാക്കുന്നവരുടെ ചതിക്കുഴികളില് പോയി പെടരുത്'; മുന്നറിയിപ്പുമായി നാദിര്ഷ
കൊച്ചി: മലയാളികളുടെ എക്കാലത്തെയും പ്രിയപ്പെട്ട നടനായിരുന്നു കലാഭവന് മണി. താരം നമ്മളെ വിട്ട് പിരിഞ്ഞിട്ട് ആറ് വര്ഷങ്ങള് പിന്നിടുന്നു. ഇന്ന് അദ്ദേഹം ജീവിച്ചിരിപ്പുണ്ടെങ്കില് ജനുവരി ഒന്നിന് അമ്പത്തിയൊന്നാം പിറന്നാള് ആഘോഷിക്കുമായിരുന്നു. ഇന്ന് ലോകം മുഴുവന് പുതുവത്സരം ആഘോഷിക്കുമ്പോള് എല്ലാവരെയും മണിയെയും ഓര്ക്കുന്നുണ്ട്. പ്രിയപ്പെട്ട ആരാധകര് സോഷ്യല് മീഡിയയില് പോസ്റ്റും സ്റ്റാറ്റസുമായി താരത്തെ ഓര്ക്കുകയും ചെയ്യുന്നു.
എന്നാല് ഇപ്പോഴിതാ മണിയുടെ ജന്മദിനവുമായി ബന്ധപ്പെട്ട് ചൂഷണം ചെയ്യുന്നവരെ കുറിച്ച് ആര്ട്ടിസ്റ്റുകള്ക്ക് മുന്നറിയിപ്പുമായി രംഗത്തെത്തിയിരിക്കുകയാണ് നടനും സംവിധായകനുമായ നാദിര്ഷ. കലാഭവന് മണിയുടെ പേരില് ഒരുപാട് സംഘടനകള് അവാര്ഡ് നിശയുമായി ഇറങ്ങിയിട്ടുണ്ടെന്നും മണിയോടുള്ള ബന്ധത്തിന്റെ പേരില് ആര്സ്റ്റിസ്റ്റുകള് സൗജന്യമായി പരിപാടികള് ചെയ്യാന് മുതിരുന്നുണ്ടെന്നും നാദിര്ഷ പറഞ്ഞു.
മണിയുടെ പേരില് കാശുണ്ടാക്കാന് മുതിരുന്നവരുടെ ചതിക്കുഴികളില് പെടരുതെന്നും നാദിര്ഷ സോഷ്യല് മീഡിയയില് പങ്കുവച്ച കുറിപ്പില് പറഞ്ഞു. ശരിയായതേത് ശരിയല്ലാത്തതേത് എന്ന് വ്യക്തമായി ബോധ്യപ്പെട്ടതിന് ശേഷം പരിപാടികളില് പങ്കെടുക്കാന് ശ്രമിക്കണമെന്നും അദ്ദേഹം കുറിപ്പില് പറഞ്ഞു. നാദിര്ഷയുടെ വാക്കുകളിലേക്ക്...
ജനുവരി ഒന്ന്. കലാഭവന് മണിയുടെ ജന്മദിനം . കലാഭവന് മണിയുടെ പേരില് മുക്കിനും മൂലയിലുമുള്ള ഒരു പാട് സംഘടനകള് അവാര്ഡ് നിശയുമായി ഇറങ്ങിയിട്ടുണ്ട്. മണിയുമായുള്ള ബന്ധത്തിന്റെ പേരില് ആര്ട്ടിസ്റ്റുകളും ടെക്നീഷ്യന്സും ആരും തന്നെ ഇതിനെ ചോദ്യം ചെയ്യാതെ ചെല്ലും എന്നും കലാപരിപാടികള് ഫ്രീയായി അവതരിപ്പിക്കും എന്നും ഇവറ്റകള്ക്കറിയാം .
അതിനാല് പ്രിയപ്പെട്ടവരുടെ ശ്രദ്ധയ്ക്ക് , ശരിയായതേത് ശരിയല്ലാത്തതേത് എന്ന് വ്യക്തമായി ബോധ്യപ്പെട്ടതിന് ശേഷം പരിപാടികളില് പങ്കെടുക്കാന് ശ്രമിക്കുക ആരും തന്നെ മണിയുടെ പേരില് കാശുണ്ടാക്കാന് മുതിരുന്നവരുടെ ചതിക്കുഴികളില് പോയി പെടരുത് എന്ന് അഭ്യര്ത്ഥിക്കുന്നു. ഈ പേരും പറഞ്ഞ് പിരിക്കുന്നവന്മാര് ആരൊക്കെയെന്ന് കമന്റ് ബോക്സ് ചെക്ക് ചെയ്താല് മനസ്സിലാകും പ്ലീസ് വെയിറ്റ് -നാദിര്ഷ ഫേസ്ബുക്കില് കുറിച്ചു.
അതേസമയം, നാദിര്ഷ സോഷ്യല് മീഡിയയില് പങ്കുവച്ച കുറിപ്പ് വൈറലാണ്. നിരവധി പേരാണ് താരത്തിന്റെ അഭിപ്രായത്തെ പിന്തുണച്ച് രംഗത്തെത്തിയിരിക്കുന്നത്. നാദിര്ഷ പറഞ്ഞത് ശരിയാണെന്നാണ് പലരും കമന്റിലൂടെ കുറിക്കുന്നത്. സത്യം ആണ് ഇത് ഒരുപാട് സ്ഥലങ്ങളില് ഇങ്ങനെ സംഭവം ഉണ്ട്. പാവം മണിച്ചേട്ടന്റെ പേരില് പല രീതിയില് ഇങ്ങനെ പണം പിരിവുകള് നടക്കുന്നു. ഇതൊക്കെ അറിഞ്ഞാലും എല്ലാരും കണ്ടില്ല എന്ന് നടിക്കുന്നു- ഒരാള് പോസ്റ്റിന് താഴെ കമന്റായി കുറിച്ചു.
ആ മണിയേട്ടനെ പോലെ ഒരാളും ഇന്ന് ഇത് വരെ മലയാള സിനിമയില് കണ്ടിട്ടില്ല. അത് ഒരു മുത്താണ് ദൈവത്തിന്റെ മുത്ത് ആ മനുഷ്യന്റെ പേര് വെച്ചു ആ വഴിയില് കിട്ടുന്നത് തിന്നുന്നവര് ആരായാലും അത് ദഹിക്കില്ല. അവര്ക്കു വഴിയേ വേറെ ദൈവം കൊടുക്കും അത് ആരായാലും.. എല്ലാം അറിയുന്നവന് ദൈവം- മറ്റൊരാള് പോസ്റ്റിന് താഴെ കുറിച്ചു.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google