പ്രിയദര്ശന് രാജി വച്ചു
കൊച്ചി: ചലച്ചിത്ര അക്കാദമി ചെയര്മാന് സ്ഥാനത്തുനിന്ന് സംവിധായകന് പ്രിയദര്ശന് രാജിവച്ചു. ബുധനാഴ്ച രാത്രി തന്നെ രാജിക്കത്ത് വകുപ്പ് മന്ത്രിയ്ക്ക് കൈമാറിയതായി പ്രിയദര്ശന് അറിയിച്ചു.
കാലവധി തീരാന് ഒരുമാസം കൂടെ ബാക്കിയുള്ളപ്പോഴാണ് പ്രിയദര്ശന് രാജി എന്നത് ശ്രദ്ധേയമാണ്. ചലച്ചിത്ര അക്കാദമി ചെയര്മാന് സ്ഥാനത്തുനിന്ന് പ്രിയദര്ശന് രാജിവയ്ക്കുന്നു എന്ന് കുറച്ചു നാളുകള്ക്ക് മുമ്പേ അഭ്യൂഹങ്ങള് പരന്നിരുന്നു.
സിനിമാ തിരക്കുകള് ഉള്ളതുകൊണ്ടാണ് രാജി വയ്ക്കുന്നതെന്നാണ് പ്രിയദര്ശന്റെ വിശദീകരണം. എന്നാല് അക്കാദമിക്കുള്ളിലെ ആളുകള് തമ്മിലുള്ള ഭിന്നതയാണ് രാജിയ്ക്ക് കാരണമെന്ന് സൂചനകളുണ്ട്.
കെ ബി ഗണേഷ് കുമാര് മന്ത്രിയായിരുന്ന സമയത്താണ് പ്രിയദര്ശന് അക്കാദമി ചെയര്മാനായി സ്ഥാനമേറ്റത്. 2011 ജൂലൈയില് ചലച്ചിത്ര അക്കാദമിയുടെ പുതിയ ചെയര്മാനായി പ്രിയദര്ശനെ നിയമിച്ചുകൊണ്ട് ഉത്തരവു വന്നു.
കഴിഞ്ഞ മാസം ചലച്ചിത്ര അക്കാദമിയുടെ ചുമതലയില് നിന്ന് ബീനാ പോളും സ്ഥാനമൊഴിഞ്ഞിരുന്നു. കഴിഞ്ഞ 12 വര്ഷമായി ചലച്ചിത്ര മേളയുടെ സജീവ സംഘാടകയും ആര്ട്ടിസ്റ്റിക് ഡയറക്ടറുമായിരുന്നു ബീന പോള്.