പ്രേംകുമാറിനെ സര്ക്കാര് കറിവേപ്പിലയാക്കി, ശുദ്ധ നെറികേട്; പിന്തുണച്ച് വിനയന്
കൊച്ചി: ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് മുന്കൂട്ടി അറിയിക്കാതെ മാറ്റിയതില് നീരസം പ്രകടിപ്പിച്ച നടന് പ്രേംകുമാറിനെ പിന്തുണച്ച് സംവിധായകന് വിനയന്. കഴിവുള്ള കലാകാരന്മാര്ക്കും സാധാരണക്കാര്ക്കും അവരര്ഹിക്കുന്ന വിലകൊടുക്കണം എന്നും അതിനെയാണ് ജനാധിപത്യം എന്ന് പറയുന്നത് എന്നും വിനയന് പറഞ്ഞു. ഫേസ്ബുക്ക് പോസ്റ്റിലായിരുന്നു അദ്ദേഹത്തിന്റെ പ്രതികരണം.
പ്രേം കുമാറിനോട് ഒരു വാക്കു പോലും പറയാതെ ഒഴിവാക്കിയത് ശുദ്ധ നെറികേടാണ് എന്നും ഇക്കാര്യം താന് നേരത്തെ തന്നെ പറഞ്ഞിട്ടുണ്ട് എന്നും വിനയന് ചൂണ്ടിക്കാട്ടി. കഴിഞ്ഞ ദിവസമാണ് പ്രേംകുമാര് തന്റെ നിലപാട് വ്യക്തമാക്കി രംഗത്തെത്തിയത്. സാഹിത്യ അക്കാദമി ചെയര്മാനായ സച്ചിദാനന്ദന് സര്ക്കാരിനും സിപിഎമ്മിനുമെതിരെ പറഞ്ഞിട്ടും ഇപ്പോള് പദവിയില് തുടരുന്നതിന്റെ സാംഗത്യം ചോദ്യം ചെയ്ത് കൊണ്ടായിരുന്നു അദ്ദേഹത്തിന്റെ പ്രതികരണം.
വിനയന്റെ ഫേസ്ബുക്ക് പോസ്റ്റിന്റെ പൂര്ണരൂപം:
നടന് പ്രേംകുമാര് പറഞ്ഞതില് സത്യവും വസ്തുതയും ഉണ്ട്. ചലച്ചിത്ര അക്കാഡമിയുടെ ചെയര്മാന് എന്ന നിലയില് വമ്പന്മാര് ഒക്കെ ചെയ്തതിലും ഭംഗിയായി അതിന്റെ ഭരണം നടത്തുകയും വിവാദങ്ങള്ക്കൊന്നും ഇടം കൊടുക്കാതെ ചിട്ടയോടെ അന്താരാഷ്ട്ര ചലച്ചിത്രോത്സവം സംഘടിപ്പിക്കുകയും ചെയ്ത പ്രേം കുമാറിനോട് ഒരു വാക്കു പോലും പറയാതെ ഒഴിവാക്കിയത് ശുദ്ധ നെറികേടായിരുന്നു എന്ന് അന്നു തന്നെ ഞാന് പറഞ്ഞിരുന്നു.
തൂമ്പാപ്പണിക്കു വരുന്ന കൂലിപ്പണിക്കാരനോടു പോലും നാളെ മുതല് നീ വരണ്ട എന്നു പറഞ്ഞാണല്ലോ നമ്മള് ഒഴിവാക്കാറുള്ളത്. അല്ലങ്കില് പിറ്റേ ദിവസം കിളക്കാന് വരുമ്പോള് പറയാതെ വേറൊരുത്തനേ വച്ചെന്നു കണ്ടാല് അവന് വഴക്കുണ്ടാക്കും. പക്ഷേ പ്രേം കുമാറിന് കൂടെ ജോലിചെയ്ത സഹപ്രവര്ത്തകരോട് യാത്ര ചോദിക്കാന് പോലും അവസരം നല്കാതെ കറിവേപ്പില എടുത്തു പുറത്തിടുന്ന പോലെ ഒഴിവാക്കികൊണ്ട് മാദ്ധ്യമങ്ങളിലൂടെ പുതിയ ആളെ നിയമിച്ച വാര്ത്ത കൊടുക്കുകയാണ് സാംസ്കാരിക വകുപ്പ് ചെയ്തത്.
'ഞാനൊരു സാധാരണ കലാകാരനല്ലേ വിനയേട്ടാ'... നമുക്കു വലിയ പേരും പത്രാസും ഒന്നും ഇല്ലല്ലോ..പക്ഷേ അപമാനിക്കാന് മാത്രം തെറ്റൊന്നും ഞാന് ചെയ്തിട്ടില്ല. എന്നാണ് അന്നു പ്രേംകുമാര് പറഞ്ഞത്. അതില് എല്ലാമുണ്ട്. ഇതിഹാസങ്ങളേം കോട്ടിട്ട പൌരപ്രമുഖരേം മാത്രമല്ല കഴിവുള്ള കലാകാരന്മാര്ക്കും സാധാരണക്കാര്ക്കും അവരര്ഹിക്കുന്ന വിലകൊടുക്കണം. അതാണു ജനാധിപത്യം.
മറിച്ചു ചെയ്യുന്നതിനാണ് സ്വജന പക്ഷപാതമെന്നു പറയുന്നത്. മലയാള സിനിമാ സംഘടനകള് ഒന്നും ഒരു വാക്കു കൊണ്ടു പോലും അന്ന് നടന് പ്രേം കുമാറിനെ സപ്പോര്ട്ടു ചെയ്തില്ല എന്ന കാര്യവും ഇവിടെ ഓര്ത്തു പോകുന്നു.
-
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇടവം രാശി: പദ്ധതികൾ തയ്യാറാക്കാൻ ഇന്ന് നല്ല ദിവസം, മുടങ്ങിക്കിടന്ന പല കാര്യങ്ങളും വീണ്ടും ആരംഭിക്കും
Click it and Unblock the Notifications
Sign in with Google