ബജറ്റ് കേരളത്തിന് നിരാശാജനകമെന്ന് പിണറായി

തിരുവനന്തപുരം: നരേന്ദ്ര മോദി സര്‍ക്കാരിന്റെ ആദ്യ ബജറ്റ് കേരളത്തിന് നിരാശമാത്രം നല്‍കുന്നതാണെന്ന് സിപിഎം സംസ്ഥാന സെക്രട്ടറി പിണറായി വിജയന്‍. കേരളത്തിന് എയിംസ് നിഷേധിച്ചത് ശരിയായില്ലന്നും പിണറായി വിജയന്‍ പറഞ്ഞു.

പൊതുമേഖല സ്ഥാപനങ്ങളുടെ ഓഹരികള്‍ വിറ്റഴിക്കാന്‍ വാതിലുകള്‍ തുറന്നിടുകയാണ് കേന്ദ്ര സര്‍ക്കാര്‍ ചെയ്തിരിക്കുന്നത്. വിലക്കയറ്റം നിയന്ത്രിക്കാനുള്ള ഒരു നടപടിയും ബജറ്റ് കൈക്കൊള്ളുന്നില്ലെന്നും പിണറായി ആരോപിച്ചു .

കഴിഞ്ഞ യുപിഎ സര്‍ക്കാര്‍ നടപ്പാക്കിയ നയങ്ങളുടെ തുടര്‍ച്ച മാത്രമാണ് മോദി സര്‍ക്കാരിന്റെ ബജറ്റ് മുന്നോട്ട് വക്കുന്നത്. വിദേശഫണ്ടിനും കോര്‍പ്പറേറ്റ് മൂലധനത്തിനും വേണ്ടി അടിസ്ഥാന നയങ്ങളെ പൊളിച്ചെഴുതുന്ന നയങ്ങള്‍ തീവ്രമാക്കുകയാണ് പുതിയ സര്‍ക്കാര്‍ ചെയ്യുന്നതെന്നും പിണറായി ആരോപിക്കുന്നുണ്ട് .

പദ്ധതികളുടെ പേരുകള്‍ മാറ്റിയതിനേയും പിണറായി വിമര്‍ശിച്ചു . തൊഴിലുറപ്പ് പദ്ധതിക്ക് ആര്‍എസ്എസ് നേതാവിന്റെ പേര് നല്‍കിയത് സങ്കുചിതമായിപ്പോയെന്ന് പിണറായി പറയുന്നു . എന്നാല്‍ കേരളത്തിന് ഐഐടി അനുവദിച്ചതിനെ നേരിട്ട് അംഗീകരിക്കാനും പിണറായി മടിക്കുന്നു .

വിഴിഞ്ഞം പദ്ധതിയെ അഗണിച്ചു , കൊച്ചി തുറമുഖത്തിനുള്ള തുക വെട്ടിക്കുറച്ചു തുടങ്ങിയ ആരോപണങ്ങളും പിണറായി ഉന്നയിക്കുന്നുണ്ട് .

English summary

Disappointing budget for Kerala: Pinarayi Vijayan.