സംസ്ഥാന അവാര്ഡ് കരീം പന്നിത്തടം ഏറ്റുവാങ്ങി
കൊച്ചി: ബഹുജന സാഹിത്യ അക്കാദമിയുടെ സാമൂഹ്യ പ്രവര്ത്തന മേഖലയിലെ മികച്ച പ്രവര്ത്തനം നടത്തിയ 2018 ലെ കര്മ്മ ശ്രേഷ്ഠ സംസ്ഥാന അവാര്ഡ് കരീം പന്നിത്തടം ഏറ്റുവാങ്ങി. ചേര്ത്തല സെന്റ് മൈക്കിള്സ് കോളേജ് ഓഡിറ്റോറിയത്തില് സംഘടിപ്പിച്ച ബഹുജന സാഹിത്യ അക്കാദമിയുടെ സംസ്ഥാന സമ്മേളനത്തില് വെച്ച് പ്രശസ്ത കവി കുരീപുഴ ശ്രീകുമാറും,ഗാനരചയിതാവ് രാജീവ് ആലുങ്കലും,അക്കാദമി നാഷണല് പ്രസിഡന്റ് നല്ല രാധാകൃഷ്ണനും ചേര്ന്നാണ് പുരസ്ക്കാരവും, എ.പി.ജെ.അബ്ദുല്കലാം മെഡലും നല്കിയത്.
മൂന്നര പതിറ്റാണ്ടായി വിധവകള്, അംഗപരിമിതര്, ദളിതര് എന്നിവരുടെ ക്ഷേമങ്ങള്ക്കായി പ്രവര്ത്തിക്കുന്ന കരീം പന്നിത്തടം മുസ്ലിം ലീഗിന്റെ ദേശീയ സമിതി അംഗവും,ഫോര്മര് പഞ്ചായത്ത് മെമ്പേഴ്സ് അസോസിയേഷന് തൃശൂര് ജില്ലാ പ്രസിഡണ്ടും,വിവിദ് കേരള ചെയര്മാനുമാണ്.
മികച്ച പൊതുപ്രവര്ത്തകനുള്ള ഡോക്ടര് അംബേദ്കര് ദേശീയ ഫെല്ലോഷിപ്പും,മൌലാന അബ്ദുല്കലാം ആസാദ് ഫൌണ്ടേഷന്, യു.എ.ഇ.പ്രവാസി അസോസിയേഷന്,പീപ്പിള്സ് റിവ്യൂ മാസിക എക്സലന്സ് എന്നീ അവാര്ഡുകളും,നവോത്ഥാന ശ്രേഷ്ഠ, യു.എ.ഇ.ചാപ്റ്റര് സീതി സാഹിബ് ഫൌണ്ടേഷന്, കുവൈറ്റ് തൃശൂര് കെ.എo.സി.സി,ശ്രീ സത്യസായി സേവ എന്നീ പുരസ്ക്കാരങ്ങളും മറ്റു നിരവധി ബഹുമതികളും ലഭിച്ചിട്ടുണ്ട്.