കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പിണറായിയെ പേടിയില്ല:സുധാകരന് ചെന്നിത്തലയുടെ മറുപടി

  • By Soorya Chandran
Google Oneindia Malayalam News

തൃശൂര്‍: പിണറായി വിജയനെ പേടിയുള്ളവരാരും കോണ്‍ഗ്രസിലില്ലെന്ന് കെപിസിസി അധ്യക്ഷനും ആഭ്യന്തര മന്ത്രിയും ആയ രമേശ് ചെന്നിത്തല. പിണറായി വിജയനെ ഭയക്കുന്നവര്‍ കെപിസിസിയുടെ താക്കോല്‍ സ്ഥാനത്തുണ്ടെന്ന് കെ സുധാകരന്‍ എംപി ഫേസ്ബുക്കിലൂടെ നടത്തിയ ആരോപണത്തിന് മറുപടി പറയുകയായിരുന്നു ചെന്നിത്തല.

കോണ്‍ഗ്രസുകാര്‍ പിണറായിയെ ഭയക്കേണ്ട കാര്യമില്ലെന്നും ചെന്നിത്തല പറഞ്ഞു. ലാവലിന്‍ കേസില്‍ അഴിമതി പുറത്തുകൊണ്ടുവരാന്‍ ശ്രമിച്ചത് കേരളത്തിലെ കോണ്‍ഗ്രസ് പാര്‍ട്ടിയും അതിന്റെ പ്രസിഡന്റ് എന്ന നിലക്ക് താനും ആണെന്ന് രമേശ് ചെന്നിത്തല പറഞ്ഞു.

Ramesh Chennithala

ലാവലിന്‍ ഇടപാടിലെ അഴിമതി പുറത്തുകൊണ്ടുവരണം എന്ന് തന്നെയാണ് കോണ്‍ഗ്രസിന്റെ നിലപാട്. അതില്‍ ഒരു മാറ്റവും ഇല്ലെന്നും അദ്ദേഹം പറഞ്ഞു.

ലാവലിന്‍ ഇടപാടില്‍ പിണറായി വിജയന് അനുകൂലമായ രീതിയില്‍ ഹൈക്കോടതിയില്‍ സര്‍ക്കാര്‍ സത്യവാങ്മൂലം സമര്‍പ്പിച്ചതിനെതിരെ ഫേസ്ബുക്കിലൂടെ കെ സുധാകരന്‍ രംഗത്ത് വന്നിരുന്നു. പിണറായി വിജയനെ ഭയക്കുന്നവര്‍ ഇപ്പോഴും കെപിസിസിയുടെ താക്കോല്‍ സ്ഥാനത്തുണ്ടെന്നായിരുന്നു സുധാകരന്റെ ആരോപണം. രമേശ് ചെന്നിത്തലയെ പരോക്ഷ വിമര്‍ശനത്തിന് വിധേയനാക്കുകയായിരുന്നു സുധാകരന്‍.

ലാവലിന്‍ കേസില്‍ ഇത്തരമൊരു സത്യവാങ്മൂലം നല്‍കിയതില്‍ ദുരൂഹതയുണ്ടെന്നും സുധാകരന്‍ ആരോപിച്ചിരുന്നു. ലവലിന്‍ കേസിനെ ചൊല്ലി കോണ്‍ഗ്രസിലെ എ-ഐ ഗ്രൂപ്പുകള്‍ തമ്മിലുള്ള പോര് വീണ്ടും മുറുകുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.

English summary
Don't have fear about Pinarayi : Chennithala.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X