ഇരട്ട വോട്ട്: തിരഞ്ഞെടുപ്പ് കമ്മിഷനോട് വിശദീകരണം തേടി ഹൈക്കോടതി, ഹര്ജി തിങ്കളാഴ്ചത്തേക്ക് മാറ്റി
കൊച്ചി: നിയമസഭ തിരഞ്ഞെടുപ്പിലെ വോട്ടര് പട്ടികയിലെ ഇരട്ട വോട്ട് വിഷയവുമായി ബന്ധപ്പെട്ട് ഹൈക്കോടതി തിരഞ്ഞെടുപ്പ് കമ്മിഷനോട് വിശദീകരണം തേടി. ഹര്ജി തിങ്കളാഴ്ച പരിഗണിക്കാന് മാറ്റിയിരിക്കുകയാണ്. ഇരട്ട വോട്ട് മരവിപ്പിക്കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല സമര്പ്പിച്ച ഹര്ജിയിലാണ് ഹൈക്കോടതിയുടെ നടപടി.
വോട്ടര് പട്ടികയിലെ ക്രമക്കേടുമായി ബന്ധപ്പെട്ട് ചെന്നിത്തല തിരഞ്ഞെടുപ്പ് കമ്മിഷന് പരാതി നല്കിയിരുന്നു. പരാതിയില് നടപടിയുണ്ടായില്ലെന്ന് ചൂണ്ടിക്കാട്ടിയാണ് ചെന്നിത്തല ഇപ്പോള് ഹൈക്കോടതിയെ സമീപിച്ചത്. ഇരട്ട വോട്ടുള്ളവരെ തിരഞ്ഞെടുപ്പില് വോട്ട് ചെയ്യാന് അനുവദിക്കരുതെന്ന് ചെന്നിത്തല ഹര്ജിയില് ആവശ്യപ്പെട്ടിട്ടുണ്ട്.
കര്ഷക പ്രതിഷേധം: 12 മണിക്കൂര് ഭാരത് ബന്ദിന് തുടക്കമായി, ചിത്രങ്ങൾ കാണാം
അന്തിമവോട്ടര്പട്ടിക പ്രസിദ്ധീകരിച്ച സാഹചര്യത്തില് ഇരട്ടവോട്ടുകള് മരവിപ്പിക്കാന് തിരഞ്ഞെടുപ്പ് കമ്മിഷന് നിയമതടസമുണ്ട്. ഈ സാഹചര്യത്തിലാണ് ചെന്നിത്തല ഇപ്പോള് ഹൈക്കോടതിയെ സമീപിച്ചിരിക്കുന്നത്. നേരത്തെ ഇരട്ടവോട്ടുകള് റദ്ദാക്കണമെന്ന് ആവശ്യപ്പെട്ട് പ്രതിപക്ഷ നേതാവ് തിരഞ്ഞെടുപ്പ് കമ്മിഷനെ സമീപിച്ചിരുന്നു.
പിന്നാലെ ഇക്കാര്യം തിരഞ്ഞെടുപ്പ് കമ്മിഷന് സ്ഥിരീകരിച്ചിരുന്നു. ഇതിനെതിരെ നടപടി സ്വീകരിക്കുമെന്ന് തിരഞ്ഞെടുപ്പ് കമ്മിഷന് അറിയിച്ചിരുന്നു. തിരഞ്ഞെടുപ്പ് കമ്മിഷന്റെ നടപടികള് വേഗത്തിലാക്കുക എന്നതുകൂടി ചെന്നിതല കോടതിയെ സമീപിച്ചതിലൂടെ ലക്ഷ്യം വയ്ക്കുന്നുണ്ട്.
ക്യൂട്ടായി പാർവ്വതി നായർ, ചിത്രങ്ങൾ കാണാം
Click it and Unblock the Notifications
Sign in with Google