• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വരാപ്പുഴ അതിരൂപതയ്ക്ക് പുതിയ ഇടയന്‍; ഡോ. ജോസഫ് കളത്തിപ്പറമ്പില്‍ സ്ഥാനമേറ്റു

  • By Jince K Benny

കൊച്ചി: അജപാലനത്തിന്റെ പുതിയ ദൗത്യം ഏറ്റെടുത്ത് വരാപ്പുഴ അതിരൂപതയുടെ പുതിയ ആര്‍ച്ച് ബിഷപ്പായി ഡോ. ജോസഫ് കളത്തിപ്പറമ്പില്‍ സ്ഥാനമേറ്റു. പതിനായിരത്തില്‍ പരം വിശ്വാസി സമൂഹത്തെ സാക്ഷിയാക്കി വല്ലാര്‍പാടം ഔവര്‍ ലേഡി ഓഫ് റാന്‍സം ബസലിക്കയുടെ അങ്കണത്തില്‍ ക്രമീകരിച്ച പ്രത്യേക വേദിയിലായിരുന്നു സ്ഥാനാരോഹണ ശുശ്രൂഷകള്‍. സ്ഥാനമൊഴിഞ്ഞ ആര്‍ച്ച് ബിഷപ്പ് ഡോ. ഫ്രാന്‍സിസ് കല്ലറയ്ക്കല്‍ ശുശ്രൂഷകള്‍ക്കു മുഖ്യ കാര്‍മികത്വം വഹിച്ചു.

ബസിലിക്കിയല്‍ നിന്നും പ്രദക്ഷിണമായാണു മെത്രാപ്പോലീത്തമാരും വൈദീകരും വേദിയിലെത്തിയത്. പുതിയ മെത്രാപ്പോലീത്തയുടെ നിയമന ഉത്തരവ് ഭാരതത്തിന്റെ അപ്പോസ്‌തോലിക നുണ്‍ഷ്യ ചുമതലയുള്ള ഫസ്റ്റ് കൗണ്‍സിലര്‍ മോണ്‍. ഹെന്‍ഡ്രിക് ജഗോസിന്‍സ്‌കി വായിച്ചു. തുടര്‍ന്ന് മുഖ്യകാര്‍മികന്‍ നിയുക്ത ആര്‍ച്ച് ബിഷപ്പിനെ സിംഹാസനത്തിലേക്ക് ആനയിച്ച് അംശവടി കൈമാറി. വൈദീകരും സന്യസ്തരും അത്മായ പ്രതിനിധികളും വേദിയിലെത്തി പുതിയ ആര്‍ച്ചു ബിഷപ്പിനോടുള്ള ആദരവും വിധേയത്വവും പ്രഖ്യാപിച്ചു.

നിലവിലെ ആര്‍ച്ചു ബിഷപ്പ് ഡോ. ഫ്രാന്‍സിസ് കല്ലറയ്ക്കല്‍ സ്ഥാനമൊഴിഞ്ഞ സാഹചര്യത്തിലാണ് ഡോ. ജോസഫ് കളത്തിപ്പറമ്പിലിനെ വരാപ്പുഴ അതിരൂപതാ ആര്‍ച്ച് ബിഷപ്പായി നവംബര്‍ നാലിന് തെരഞ്ഞെടുത്തത്.

സീറോ മലബാര്‍ സഭാ മേജര്‍ ആര്‍ച്ചു ബിഷപ്പ് കര്‍ദിനാള്‍ മോര്‍ ജോര്‍ജ്ജ് ആലഞ്ചേരി, സീറോ മലങ്കര മേജര്‍ ആര്‍ച്ചു ബിഷപ്പ് കര്‍ദിനാള്‍ മാര്‍ ബസേലിയോസ് ക്ലിമീസ് കാതോലിക്ക ബാവ, കെസിബിസി പ്രസിഡന്റ് ആര്‍ച്ച് ബിഷപ്പ് ഡോ. എം സൂസപാക്യം എന്നിവര്‍ ശുശ്രൂഷകളില്‍ സംബന്ധിച്ചു. രാഷ്ട്രപതി ഡോ. പ്രണബ് മുഖര്‍ജിയുടെ സന്ദേശം അതിരൂപത വികാരി ജനറല്‍ മോണ്‍. ജോസഫ് പടിയാരം വായിച്ചു.

English summary
Dr. Joseph Kalathiparabil anointed as new Varapuzha Arch Bishop. The anointment cermony was held at Basalica of Our Lady of Ranom, Vallarpadam.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more