ലഹരിമരുന്ന് കേസ്; ബിനീഷ് കോടിയേരിയുടെ വീട്ടില് പരിശോധന നടത്തി ഇഡി
തിരുവനന്തപുരം; മയക്കുമരുന്നു കേസിലെ സാമ്പത്തിക ഇടപാടുമായി ബന്ധപ്പെട്ട് ഇ ഡി സംഘം ബിനീഷ് കോടിയേരിയുടെ വീട്ടില് പരിശോധന നടത്തി. സാമ്പത്തിക ഇടപാടുമായുള്ള ബന്ധപ്പെട്ട അന്വേഷണത്തിന്റെ ഭാഗമായി തലസ്ഥാനത്തത്തിയ ഇഡി സംഘം ബിനീഷുമായി ബന്ധമുണ്ടെന്ന് കരുതുന്നവരുടെ വീടുകളിലും സ്ഥാപനങ്ങളിലും പരിശോധന നടത്തുകയാണ്.
രാവിലെ ബിനീഷിന്റെ വീട്ടിലെത്തിയ ഇഡി സംഘം വീട് തുറന്ന് പരിശോധന നടത്തുകയായിരുന്നു. തുടര്ന്ന് സ്റ്റാച്യൂവിലെ ചിറകുളം റോഡിലെ ടോറസ് റെമഡീസ് എന്ന സ്ഥാപനത്തില് പരിശോധന നടത്തി. 2009ലാണ് സ്ഥാപനം തുടങ്ങിയത്. എട്ടുപേരടങ്ങുന്ന ഇഡി സംഘം പൊലീസ് ഏര്പ്പെടുത്തിയ വാഹനത്തിലാണ് പരിശോധനക്കെത്തിയത്. സംഘത്തിന് സിആര്പിഎഫ് ജവാന്മാരുടെ സുരക്ഷയും ഏര്പ്പെടുത്തിയിരുന്നു.
തിരുവനന്തപുരത്തെ യു.എ.എഫ്.എക്സ് സൊല്യൂഷന്സ്, കാര് പാലസ്, കാപ്പിറ്റോ ലൈറ്റ്സ്, കെകെ റോക്സ് ക്വാറി എന്നീ സ്ഥാപനങ്ങളേക്കുറിച്ച് അന്വേഷിക്കുമെന്ന് ഇഡി നേരത്തെ അറിയിച്ചിരുന്നു. ബിനീഷിന്റെ ബിനാമിയായി കൊച്ചിയിലും ബംഗളൂരിവിലും ഇവന്റ് മാനേജ്മെന്റ് കമ്പനികളുണ്ടെന്നും മുഹമ്മദ് അനൂപും റിജേഷുമാണ് നിലവില് ഇവയുടെ ഡയറക്ടര്മാരെന്നും ഇഡി ആരോപിക്കുന്നു. ഈ രണ്ട്് കമ്പനികള് വഴിയും വലി. തോതില് കള്ളപ്പണം വെളുപ്പിക്കല് നടന്നുവെന്നാണ് ഇഡിയുടെ നിഗമനം. ബിനീഷ് ലഹരിമരുന്ന് ഉപയോഗിച്ചതിനും മുഹമാമദ് അനൂപിന്റെ ലഹരി മരുന്ന് ഇടപാടില് സഹായിച്ചതിനുമുള്ള മൊഴി ഇഡിക്കു കിട്ടിയിട്ടുണ്ടെന്നാണ് ലഭിക്കുന്ന വിവരം
Recommended Video