Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മദ്യപിച്ച് ശബരിമലയില്‍ എത്തുന്നവര്‍ക്ക് ശിക്ഷ 108 ശരണം വിളി
പത്തനംതിട്ട: അയ്യപ്പ സന്നിധിയില്‍ മദ്യപിച്ച് ലക്കുകെട്ടെത്തുന്നവരുടെ എണ്ണം ദിനംപ്രതി കൂടി വരുന്നതായാണ് റിപ്പോര്‍ട്ട്. പൊലീസ് തലവേദന ഉണ്ടാക്കുന്ന തരത്തിലാണ് ഇത്തരം സ്വാമിമാര്‍ ശബരിമലയില്‍ എത്തുന്നത്. ഒടുവില്‍ ഗതികെട്ട പൊലീസ് മദ്യപന്‍മാര്‍ക്ക് വേണ്ടി ഒരു പുതിയ ശിക്ഷ ഏര്‍പ്പെടുത്തി. സന്നിധാനത്ത് മദ്യപിച്ചെത്തുന്നവര്‍ 108 ശരണം വിളിയ്ക്കണം എന്നതാണ് ശിക്ഷ. എന്നാല്‍ അയപ്പന് മുന്നില്‍ വച്ചല്ല ശരണം വിളി, സന്നിധാനത്തെ പൊലീസ് സ്റ്റേഷനിലാണ് ശരണംവിളി ശിക്ഷ നടക്കുക.
'അറിവില്ലാ പൈതങ്ങളോട് പൊറുക്കണേ അയ്യപ്പാ' എന്നാണ് ലക്കുകെട്ട് എത്തുന്ന അയ്യപ്പന്‍മാര്‍ വിളിയ്ക്കുന്നത്. എന്നാല്‍ ഇവരുണ്ടാക്കുന്ന പ്രശ്‌നങ്ങള്‍ പൊറുക്കാന്‍ പറ്റാത്തതാണെന്ന് മറ്റ് ഭക്തര്‍ പറയുന്നു. പത്തരമാറ്റ് വ്രതശുദ്ധിയോടെ മല ചവിട്ടുന്ന ഭക്തരുടെ എണ്ണം കുറഞ്ഞ് വരികയാണെന്ന പരാതിയും വ്യാപകമാണ്.
മദ്യം സേവിച്ചാണ് പലരും പൂങ്കാവനത്തിലെത്തുന്നുത്. പൊലീസുകാരുടെ മണം പിടിക്കല്‍ യന്ത്രത്തില്‍ റീഡിംഗ് 240 വരെ കാണിച്ചെന്നാണ് പൊലീസ് പറയുന്നത്. അങ്ങനെയെങ്കില്‍ അകത്താക്കിയ മദ്യത്തിന്റെ അളവ് വളരെ കൂടുതലായിരിയ്ക്കും. മണ്ഡലകാലം തുടങ്ങി കുറച്ചു നാളുകള്‍ക്കുള്ളില്‍ തന്നെയാണ് 30 ല്‍ അദികം മദ്യപന്‍മാരെ സന്നിധാനത്ത് നിന്ന് പിടികൂടിയത്. ഇവര്‍ക്കെതിരെ പൊതുസ്ഥലത്ത് മദ്യപിച്ച് ക്രമരഹിതമായി പെരുമാറിയതിന് കേസെടുത്തിട്ടുണ്ട്.
