കൊച്ചിയിൽ വീണ്ടും അക്രമികളുടെ അഴിഞ്ഞാട്ടം; വീടുകളും വാഹനങ്ങളും തല്ലി തകർത്തു!
കൊച്ചി: നഗരത്തിൽ വീണ്ടും അക്രമികളുടെ അഴിഞ്ഞാട്ടം. പനമ്പിള്ളി നഗറിലാണ് അക്രമിസംഘം അക്രമം അഴിച്ചു വിട്ടത്. മദ്യപിചെത്തിയ സംഘം വീടുകളും വാഹനങ്ങളും തല്ലി തകർക്കുകയായിരുന്നു. ഓയോ ഹോംസ് വഴി വീടു വാടകയ്ക്കെടുത്ത് താമസിക്കുന്നവരാണ് കഴിഞ്ഞ രാത്രി പരിസരവാസികളെ ഭീതിയിലാഴ്ത്തിയത്.
വീട്ടിലുണ്ടായിരുന്ന പാത്രങ്ങളും ചെടിച്ചെട്ടിയും അക്രമികള് പുറത്തേക്കെറിഞ്ഞു നശിപ്പിച്ചു. മൂന്നു കാറുകളും സംഘം നശിപ്പിച്ചു. അതേസമയം സംഭവസ്ഥലത്തെത്തിയ പോലീസുകാരുമായും അക്രകമിസംഘം വാക്കേറ്റത്തിൽ ഏർപ്പെട്ടു. പോലീസുമായി ഉന്തുതള്ളുമുണ്ടായി. ഓയോ ഹോംസ് വഴി വീട് വാടകയ്ക്കെടുത്ത് താമസിക്കുന്നവർ മദ്യപിച്ച ശേഷം പരസ്പരം വാക്കേറ്റത്തിൽ ഏർപ്പെടുകയും തുടർന്ന് അക്രമം അഴിച്ചുവിടുകയുമായിരുന്നു.
തെരുവ് മദ്ധ്യത്തിൽ കഞ്ചാവടിച്ച് കൊച്ചിയിൽ യുവാക്കളുടെ അഴിഞ്ഞാടിയിരുന്നു. കഞ്ചാവടിച്ചുകൊണ്ട് അക്രമം നടത്തുകയും, വഴിയാത്രക്കാരെ മർദ്ധിക്കുകയും, നാട്ടുകാർക്കിടയിൽ ഭീതി പടർത്തുകയും ചെയ്ത യുവാക്കളെ എറണാകുളം സെൻട്രൽ പൊലീസ് കൈയ്യോടെ പിടികൂടുകയായിരുന്നു.മറൈൻ ഡ്രൈവിലെ ചെറുകിട കച്ചവട സ്ഥാപനങ്ങളോട് ചേർന്നുള്ള നടപ്പാതയിലായിരുന്നു യുവാക്കളുടെ ഈ അതിക്രമം. ഇതിന് പിന്നാലെയാണ് കൊച്ചിയിൽ വീണ്ടും മദ്യപസംഘം അഴിഞ്ഞാടിയെന്ന് വാർത്തകൾ പുറത്ത് വരുന്നത്.